2 Reyes 17:37 - Biblia Dc en Mixe de Quetzaltepec

³⁷ Ets ja n'ënä'ämënës ntëyajtënës yajxon mëpaat xykyuuytyuntë, tëkokyë ja mëti'ipës të n'ëy të nkäjpxyën ets ntukni''ixëtën yë'ë jëtu'un mpanëjkx mpaye'eytyëp ets këtii mëpaat wiink tios xy'ëwtatë.

Biblia Mixe de Quetzaltepec

³⁷ Ets ja n'ënä'ämënës ntëyajtënës yajxon mëpaat xykyuuytyuntë, tëkokyë ja mëti'ipës të n'ëy të nkäjpxyën ets ntukni''ixëtën yë'ë jëtu'un mpanëjkx mpaye'eytyëp ets këtii mëpaat wiink tios xy'ëwtatë.

2 Reyes 17:37 ပူးပေါင်းရင်းမြစ်များ

Deuteronomio 12:32

Tiits miitsëty yë'ë xëmë mtuntëp mëti'ipë të ntuk'ënä'ämtën, këtii nitu'uk xyajni'ikëtëty ets nitu'uk xykyajëpëktëty.

Deuteronomio 5:31

E mijts wë'ëmës yaa mëët ëjts, jä'ä ko yë'ë yam ntuk'ëwaanëjäämpy tëkokyë ja ënä'ämën tëyajtën, ja kuttujkën ets ja aaw ayuk mëti'ipë ënät mnikajpx mnimëtya'akëpën ets yë'ë pyatuntëp, ko ënety jam yajpatnëtë ma ja naax kajpnën mëti'ipës nmo'ojantëpën ets tjä'ä'atëty.

Deuteronomio 31:9

Ënet yë Moisés tjaaypyejty ya'atë ënä'ämën ets tukë'ëtëjkëy yë Leví ja'ayëty mëti'ipë teety'ajtëpën jä'ä xëëw jëmëjt, mëti'ipë kyiiyjyëtijtëpën ja kaaxë, ma ja käjpxytyu'unën yajpaatyën mëët ja Wintsën ets näjyëtu'un tukë'ëtëjkëy ja mëjja'aytyëjkëty jampë yajpaatën ma ja Israel kajpnën.

1 Crónicas 29:19

Tun yë mëyajtën, mo'o yë n'u'unk nmaayës Salomón ja oypyë ma'ayën tajën ets ja oypyë jot winma'any, wä'än tyajtu'uye'ey oy tsuj yë tyuunk ma tpatunëtyën ja m'ënä'ämën mtëyajtën, mnë'ë mtu'u ets ja m'aaw m'ayuk ets yë'ë tkuuytyunëty, tkojëty ja mjëën mtëjk mëti'ipës të nitun të niye'eyën.

Deuteronomio 31:11

Jam ma Israel ja'ayëty të nyiye'eypyätën ma ja it naaxwiinyëtën mëti'ipë ja mWintsënëty të twin'ixyën, ënät yajkajpxëty ya'atë ënä'ämën jam mayjyä'äyjyotm.

Deuteronomio 5:32

E paaty yam n'ënëëmëtë, ko mtuntëp mëti'ipë të mtuk'ënä'ämëtën ja Wintsën Dios ets këtii nijëna'a xy'ëxmatstëty.

2 Reyes 17:38

Këtii xyjyä'äytyëkoytyëty ja käjpxytyu'unën mëti'ipës të ntunyën mëët miitsëty, këtii wiink tios xy'ëwtatëty,

Deuteronomio 5:22

Ya'atë ja aaw ayuk mëti'ipë ja Wintsën mëk nyikajpxën jëën'akujky, ma ënety ja yoots yëkëm kyëxë'ëkyën ets miitsëty aak mtam'ajtëp jam kopk'ëjxm. Ko myëtyaktaay, ka'ap ojts wi'ix y'ëk'ënanë, ja tëyajtën jam ojts tkëxja'ay ma ja mäjtskpë ja tsaatsetsyën etsës ojts xymyo'oy.

Deuteronomio 5:33

Yë'ë ja në'ë tu'u panëjkxtë mëti'ipë ja Dios të mtukni''ixëtën ets jëtu'un jotkujk mjuuky'atëty jeky ma ja it naaxwiinyëtën mëti'ipë ja Wintsën të mmo'ojëtën ets xyjyä'ä'atëty.

Jueces 6:10

Ets n'ënëmaaytyë koos ëjts jëtu'un Wintsën, mëti'ipë miits mTiosajtëpën ets ko këtii ninu'un xytyimtsë'ëkëtëty ja Amor ja'ayëty ja tyiosëty, mëti'ipë tsënaaytyëpën ma ja it naaxwiinyëtën ma miits tyam mtsëënëtën: E miitsëty ka'ap ojts ninu'un xytyimtuntë këwentë ijxtëm nja'ënëmaaytyën.