2 Reyes 17:36 - Biblia Dc en Mixe de Quetzaltepec

³⁶ Ëjtsyë je'eyë xywintsë'ëkëtëp, mëti'ipë miits mWintsën'ajtëpën, mëti'ipë ojts mjuutëtën jap Egiptë, mëët tu'uk ja mëj'ajtën mëjwiinpë këjääpë. Ëjtsyë mëpaat xy'ëwtatës, xymyëjjawëtës ets xytyukwintsë'ëkëtës winë.

Biblia Mixe de Quetzaltepec

³⁶ Ëjtsyë je'eyë xywintsë'ëkëtëp, mëti'ipë miits mWintsën'ajtëpën, mëti'ipë ojts mjuutëtën jap Egiptë, mëët tu'uk ja mëj'ajtën mëjwiinpë këjääpë. Ëjtsyë mëpaat xy'ëwtatës, xymyëjjawëtës ets xytyukwintsë'ëkëtës winë.

2 Reyes 17:36 ပူးပေါင်းရင်းမြစ်များ

Éxodo 6:6

Tyam, nëjkx ënëëmëtë yë Israel ja'ayëty, ko ëjts, mëti'ipë Wintsën'ajtpën nyajpëtsëmantëpës ma je'eyë myëtun y'ëyowtën mëët ja mëktuunk mëti'ipë ja Egiptë ja'ayëty mooyëtëpën. Nyaj'ixanëpës yë nmëjajtën mëj këjää ets nyajpëtsëma'antës mëët tu'uk yë kuttujkën tëypyë jaantypë.

Deuteronomio 6:13

Yë Wintsën yë'ë m'ëwtatëp ets mëtuntëp xëmë ets ko tii xynyikajpxa'antëty mëët yë kuttujkën, yë Dios yë xyëëw myajtuunëtëp.

Éxodo 9:15

Ka'ap jeexyë të xykyamayës mijts ëxëëk të ntuny mëët yë ëyo'on jotmay kanaakpëkpyë ma mijtsën ets ma mnaax mkajpnën ets mijts jëna'ajëp jeexyë mjëwa'knë yaa naaxwiiny.

Apocalipsis 15:4

¿Pën jëtää mkatsë'ëkëtëp, Wintsën, pën jëtää mkamëjjawëtëp mkajaantyjyawëtëp? Mijts tu'uk mwa'ats. Mmëjja'aw mjantyjya'awëyëp ni'ëmukë yë naaxwiinyëtë ja'ay, jä'äkyëjxm ko mtëyajtën xyaj'ixyë.

Hechos 4:30

Mooytyëkës ja mëk'ajtën ets nyajtso'oktëtyës ja pa'amja'ay ets nyaj'ixëtëtyës ja mëk'ajtën mëët ja xyëëw ja wa'atspë ja mtuunpë Jesús.

Mateo 10:28

Këtii xytsyë'ëkëtëty mëti'ipë nini'kx yaj'o'kpyën, ka'ap myäyëtëty tyaj'ookëty yë anëmë; yë'ë Dios mtsë'ëkëtëp, jä'ä ko yë'ë myëët'ajtyp yë mëk'ajtën ets tyaj'atëkoyëty yë ja'ay ja y'anëmë mëët ja jyot nyini'kx jap ëyoowtaknjoty.

Jeremias 32:21

Mijts ojts yë Israel kajpn xyajpëtsëmy jap Egiptë mëët yë mëk'ajtën kuttujkën ets xyaj'ijxë yë mmëjajtën wi'ix kawi'ixëty, wa'ats yë ja'ay xy'atsë'këtyääy.

Deuteronomio 10:20

Winkutsë'ëkëtë yë mWintsën ets ëwtatë yi'iyë tu'ukyë. Mëtuntë oy yajxon ets pën tii ayuk mnikäjpxantëp mëët yë kuttujkën, yë'ë xyëëw myajtuunëtëp.

Deuteronomio 5:15

Ja'amyäts ko näjyëtu'un ojts mijts mmëtuny jap Egiptë ets Dios mëti'ipë mTios'ajtypyën ojts jap mjuutyë mëët yë myëj'ajtën kyutujkën. E paaty tyam yë mWintsën Dios, mtuk'ëne'emyë ko kopkpëky ko xymyëjjawëty yë po'kxënxëëw.

Éxodo 14:15

Ënet yë Dios t'ënëmaay yë Moisés: ¿Wi'ixës ko xy'amëtoy yë putëjkën pupäjtën? Ënëëmë yë Israel ja'ayëty wä'än tu'uye'eytyë.

Salmos 136:12

Ojts xyajwä'kxy mëët tu'uk yë mëk'ajtën mëjpë këjääpë, jä'ä ko yë tsyojkën jya'awën winë xëëw winë jëmëjt yë y'ijtëy.

Deuteronomio 6:12

Ko ënety jëtu'un tyunyë jyätyë, këtii xyjyä'äytyëkoytyëty ja Dios, mëti'ipë ojts mjuutëtën jap Egiptë ma ënety mëtun m'ëyowtë.

1 Reyes 8:42

Pën miintëp ja ja'ayëty wiink kajpnëpë yaa jëëytyak nu'kxtakpë, ma yaa mjëën mtëjkën.

2 Reyes 17:39

ëjtsyë jëtu'un xy'ëwtatëp, mëti'ipë Wintsën'ajtpën, jëtu'un'äämpy tjëkyäpëty miitsëty nyajtso'oktëty ma ja mëtsipëtyën.