2 Reyes 17:31 - Biblia Dc en Mixe de Quetzaltepec

³¹ E ja mëti'ipë tso'ontëpën jam Avá, ojts tyajnikojtu'utë ja tyiosëty mëti'ipë tyijtëpën Nibhaz ets ja Tartac; ja mëti'ipë tso'ontëpën jam Sefarvaim nyo'ktëp xyaamtëp ja y'u'unk y'ëna'këty ets tukwintsë'ëkëtë ja tyiosëty mëti'ipë tyijtëpën Adramélec ets ja Anamélec.

Biblia Mixe de Quetzaltepec

³¹ E ja mëti'ipë tso'ontëpën jam Avá, ojts tyajnikojtu'utë ja tyiosëty mëti'ipë tyijtëpën Nibhaz ets ja Tartac; ja mëti'ipë tso'ontëpën jam Sefarvaim nyo'ktëp xyaamtëp ja y'u'unk y'ëna'këty ets tukwintsë'ëkëtë ja tyiosëty mëti'ipë tyijtëpën Adramélec ets ja Anamélec.

2 Reyes 17:31 ပူးပေါင်းရင်းမြစ်များ

2 Reyes 17:24

Ja yajkutujkpë jampë y'ëne'emyën Asiria, ojts tyajnëjkxy yë ja'ay mëti'ipë kukajpnajtëpën Babilonyë, Cuta, Avá, Hamat ets Sefarvaim, yë'ë jam kyukäjxëy ma ja Samaria kajpnën, ijxtëm jeexyë jam yë Israel ja'ayëty y'itën ets jam tsyënaaytyaknpëjktë.

2 Reyes 17:17

Ojts ja y'u'unk y'ëna'k tyajnitooynyëtë, tyajknëtë ets wyintsë'kën'atëty, ojts tjajtnëtë wi'ix winë tnajtsjawëtëtyën ets ojts tnija'awënyëtë wi'ix ja kë'ë tyajmëtya'aktëtyën, tuunëtë tkajpxnëtë ja ëxëëkpë, mëti'ipë ja Wintsën ojts tukyajjoot'anpëktën.

2 Reyes 19:37

E tu'kxëëw tu'kjëmëjt, jam ënety yajpaaty tsajptëkotm, jä'ä jap y'ëwtajtyp ja Nisroc, mëti'ipë yë'ë wyintsën'ajtëpën, tä jam tyukja'ajtë nimäjtsk ja myaank mëti'ipë xyëëwajtëpën Adramélec ets Sarézer, mëti'ipë yaj'o'kën, ja tuuntëkoopyë ënätyë ojts kyakojnëtë ets jam nyëjkxtë Ararat itjotmën. Ma ja kutujktaknën yë'ë ojts kyutëkëty ja myaank Esarhadón.

Esdras 4:9

Jëtu'un ojts ja noky kyojy mëti'ipë kyäjxtën ja Rehúm, mëti'ipë tsiptuunpë wintsën'ajtpën ets ja Simsai mëti'ipë jääpyën mëët ja myëku'uktëjk mëti'ipë yajkutujktëpën, mëti'ipë poky nyipaye'eytyëpën ets mëti'ipë kutuunk'ajtëpën jam Persië, Erec, Babilonyë ets Susa, ja kanaakpë ja kajpn mëti'ipë ja Elám nyitënääpyën ets maajaty tëkokyë yë kajpnën mëti'ipë jam yajpatëpën ma tsyënaaytyaknpëjktën ja ja'ayëty mëti'ipë yajnëjkxën tsumy matsy ja Asnapar ets maajaty ja it naaxwiinyëtën mëti'ipë xëëwkëtä'äkytsyow yajpatëpën ma Efrates nëë nyäxyën: Jëtu'un ja noky tyaj'ëna'antë: Tyam ëëts nijayëtë ja yajkutujkpë Artajerjes, ëëtsëty ja tyuunpëty mëti'ipë tsënaaytyëpën maatsow yë xëëw kyëtä'äkyën, winkon ma mëjnëë nyäxyën mëti'ipë txëëwajtpën Éufrates:

Deuteronomio 12:31

E miitsëty këtii jëtu'un winë xytyuntëty ma mWintsën Tiosëtyën, tä yë'ëjëty y'ëtë'ëtstën. Jä'ä ko yë'ëjëty aakjëtu'un winë tuntë tä yë Wintsën t'ëxëëk'ixyën. Yë'ëjëty ëxëëk y'ëtë'ëtstë y'ëna'antë ko yë tyiosëty tmëjjawëtë; yajknëtëp ja y'u'unk y'ëna'këty ko ja wyintsënëty ja wyintsë'kën tmo'oja'antë.

Deuteronomio 12:28

Mëtowtëp ets mpatuntëp jëtu'un, mëti'ipë yam ntuk'ënä'ämtëpën. Jëtu'un jotkujk xëmë mjuuky'atëty, näjyëtu'un yë m'u'unk m'ëna'këty, mëët ko ënety xytyuntë mëti'ipë oyën ets tëyajtën, mëti'ipë y'oy'ijxypyën mWintsën Tiosëty.

Jeremias 2:28

Judá, ¿ma ënät ja mtios mëti'ipë të xyajkojyën? Mijts jëtu'un yë tios may xymyëëtëty tä maykyajpnën. Wä'än yë'ë mniminyë ets wä'än myajtso'okyë ko ëyo'on xypyaatëty.