2 Reyes 17:23 - Biblia Dc en Mixe de Quetzaltepec

²³ Tä ja Wintsën ojts tim'ëxmajtsnë ja Israel kajpn, jëtu'un tä ënety të t'akäjpxyën mëët ja kyäjxynyajxpëtëjk, paaty ojts ja Israel ja'ayëty yajmënëjkxnëtë tsumy matsy jam Asiria, ma tyampaat yajpaatën.

Biblia Mixe de Quetzaltepec

²³ Tä ja Wintsën ojts tim'ëxmajtsnë ja Israel kajpn, jëtu'un tä ënäty të t'akäjpxyën mëët ja kyäjxynyajxpëtëjk, paaty ojts ja Israel ja'ayëty yajmënëjkxnëtë tsumy matsy jam Asiria, ma tyampaat yajpaatën.

2 Reyes 17:23 ပူးပေါင်းရင်းမြစ်များ

2 Reyes 17:6

E ma tyaxtujk jëmëjtpäjtnën ma ja Oseas yajkutukyën, ja Asiria yajkutujkpë jää ojts tmëmëtaknë ja Samaria ja'ay ets ja Israel ja'ayëty ets tyajnëjkxtaay ni'ëmukë jam Halah, ma ja Habor ja y'itjotmën, jam Gozán ma ja mëjnëë jyënäkyën, mëti'ipë nyiwantëpën ja Medos ja'ayëty.

2 Reyes 17:13

Tëë ënety ja Wintsën ja jyot wyinma'any tjaakmëktuny, ko tkejxy ja kyäjpxynyajxpëtëjk ets ja wyijyjyä'äytyëjk ko t'ënëmaay ja naax kajpn ets jeexyë jyootwinpitë, tyaj'oyëtë ja jyot wyinma'any, ja nyë'ë tyu'ujëty; tuntë jeexyë jëtu'un winë tä ja ënä'ämën tëyajtën myinyën, mëti'ipë ojts tjatukmëwë'ëmyën ja y'apëty y'okëty ko ja Wintsën ja kyäjpxynyajxpë ojts tjakajpxwa'kxtë ja oypyë ja aaw ayuk.

Amós 5:27

Paatykyëjxm n'ëxwojpta'aja'antë, tsumy matsy nyajnëjkxta'aja'antë wiink naax wiink kajpn, mwinaxtëp yë Damasco kajpn. Yë Wintsën jëtu'un ënaanp, yë Dios mëti'ipë maaytyääyëpën winë ets jëtu'un txëëwaty.

2 Reyes 17:20

Paatykyëjxm ja Wintsën ojts tim nyas'ijxënyë ja Israel ja'ayëty ets ëxëëk jyajtë kyëpäjtë, ma ëxëëk tyuunëtën ja mëti'ipë yajja'ay'o'ktëpën; koonëm jam y'ëxwojpëtë ma ja nyaax kyajpnëtyën, kyë'ëyajktaayëtë ma ja mä'tspëtëjkëtyën y'ijxwojpëtë Wintsën wyintum.

2 Reyes 17:18

Paaty ojts ja Wintsën tukjoot'anpëjknë ja Israel ja'ayëty, tyajkutujknë ets o'ktëy jyajnëtëty; paaty ojts ja Wintsën y'ëxwojpënëtë jam ma ënety yajpaatën, yi'iyë jaakwë'ëmtë ja Judá ja'ay.

1 Reyes 14:16

Yë Wintsën nëjkxëp jëna'a t'ayajk tkë'ëyajknë yë Israel ja'ayëty, mëëtkyëjxm ko ja Jeroboam ja nëë poky të tmëtëkë ets ko të tyajpokytyuny ja naax kajpn.

Miqueas 1:6

Paaty yë Wintsën y'ënä'äny: Kujy jityës yë jëën tëjk nyaj'awinpita'any jam Samaria ets tä yë kam tu'ujën winwa'atspë ma yajkojëtyën yë tsatym. Jamës yë tsaa nko'owtëwa'any joyjotm mëti'ipë jamën kajpnjotm ets yaj'ixëty wi'ix kyëxë'ëkyën ja potsy ëjx.

1 Reyes 13:2

Mëët ja Wintsën ja kyutujkën, mëk ojts yajxon kyäjpxy, jä'ä nyi'ojëp ja wintsë'këntyakn, jëtu'un y'ënäny: Wintsë'këntyakn, wintsë'këntyakn, jëtu'un yë Wintsën y'ënä'äny: Jam ma David yë jyä'äyën jam tu'uk yë ja'ay myëxu'unk'ata'any, jä'ä txëëwata'any Josías, yë'ë nëjkx tyaj'o'kta'ay ja teetytyëjk mëti'ipë jam tuuntëpën ma ja nyitsajptëjkën ja awinax ka'apë Wyintsënëtyën, ma xëmë xykyë'ëyäkyën yë poom ets jam xyajtoy; e mijts mnëkëjxm nëjkx tno'oktë txamtë ja wyääy pyajkëty ja teetytyëjkëty.

1 Reyes 9:7

ëjts nëjkxëpës n'ëxwojpta'atë ja Israel ja'ayëty ma ja nyaax kyajpnëtyën mëti'ipës ënety të njamo'otën. Ya'atë ja tsajptëjk mëti'ipës tyam të nkënu'kxyën nän nëjkxëpës nja'atyëkooynyë ets njo'tsnë ja nxëëwës ma yë'ëjën ets ja naax kajpn wiinkëtypë je'eyë nëjkx nëëxik tukxiknëtë ja Israel kajpn, kajpxpäjn nëjkx je'eyë twanëtë.

2 Reyes 17:22

Jëtu'un'äämpy ja Israel ja'ayëty ojts pyokytyuntë, tä ja Jeroboam ënety të pyokytyunyën ets ëxëëk në'ë ëxëëk tu'u kä'äpyëm ojts t'ëxmatstë.

Deuteronomio 32:20

ets y'ënäny: Nikë oyës yë Israel ja'ayëty ntimjyä'äytyëkoyëty ets ntimy'ëxmatsëty, min n'ëk'ixyës tii winma'any pyatëp. Tëës yam kë'ëm n'ixy, ko yë'ëjëty je'eyë y'ëxëëkjot y'ëxëëk winma'anyëty, wi'ixës n'ëktuk'ijxpätëty.

Jueces 18:30

Jamts ojts ja Dan ja'ayëty tpëjkta'aktë ja kepy tsyetsy mëti'ipë ënety nikoyën mëët ja poop pujxn ets yë'ë t'ëwtata'antë, yë'ë ojts tyajteety'atë ja Jonatán, yë myaank yë Guersón, yë y'ok'u'unk yë Moisés. Kom'ok yë Jonatán yë y'u'unk y'ëna'këty yë'ë ojts tyeety'atë ma ja Dan ja'ayëtyën, koonëm jatëkok jam yaj'ëxwojptë.

2 Reyes 3:3

E jëtu'un tjatuuny, yë'ë poky ojts tuuntëkoy mëti'ipë tyuunën yë Jeroboam, yë myaank yë Nabat, mëti'ipë mëët tyajpokytyuunyën ja Israel ja'ayëty.

2 Reyes 13:23

E ja Wintsën ojts tpa'ëyoy ja ja'ay mëti'ipë jam ëxëëk yajtuun yaj'ënëmaaytyëpën, mëët ko tja'amyejtsy ja kyäjpxytyu'unën mëët ja Abraham, Isaac ets Jacob; ka'ap t'a'ijxëy kyutëkoytyëty ja jyä'äy ets ka'ap tjo'tsy. Tyampaat kä'äpyëm wi'ix tuny.

2 Reyes 21:14

E ja naax kajpn mëti'ipë ënety jaakwë'ëmtëpën, ka'apës n'ëkajpnniwa'ananë, ntimy'ëxmatsäämpyës wä'än t'ixy pën nimiinëp ja myëtsip ets pën nitëjkëyëp kyajpnjoty ets pën mä'tstaayëp.

2 Reyes 23:27

Paaty y'ënäny, ko ëpëky ja Judá timpyëjkta'akanë, tä ëpëky tpëjktäkyën ja Israel kajpn ets ko ja Jerusalén ka'ap jä'ä t'ëkajpn niwa'ananë ets ko ka'ap jap y'ëk'itanë ma ja tsajptëjkën mëti'ipë jam Jerusalén yajpatpën.

2 Reyes 24:3

Paatykyëjxm jëtu'un ja Judá kajpn jyäjty kyëpejty, jä'ä ko ja Wintsën ënety jëtu'un të tuknipëjktaakë ets timjyëpëky yë'ë wyintuuy mëët ko ja Wintsën ka'ap t'ëkkupëjknë ja nëë poky mëti'ipë ja Judá ja'ayëty tyuuntëpën, ja poky mëti'ipë ënety ja Manasés të tyuktunëtën,

Nehemías 9:32

Paaty ënät yam myaj'ënëëmë mijts Wintsën, ma myajTeety'äty myajTios'atyën, mëti'ipë mëjën, mëti'ipë maaytyääyëpën winë ets kutsë'ëkë; ma mijts xykyuuytyunyën ja m'aaw m'ayuk ets mtsojkën mja'awën, ja'atyëkoy ja nyëë pyokyëty ëëts ja n'ap n'okëty, ëëts ja nyajkutujkpëty, ja nkopktëjkëty, ja nteetyëjkëty ets ja nwinkajpxpëtëjkëty ets tëkokyë ja naax kajpn mëti'ipë ijty ënä'ämëtëpën Asiria ja'ayëty ets mëti'ipë tyampaatën.

Salmos 51:13

jëtu'un tjëkyäpëty ntukni''ixëtyës ja mnë'ë mtu'u ja ja'ayëty mëti'ipë käjpxy kyumëtoownajxtëpën, ets pokyjyä'ätyëjk jyootwinpitëty ma mijtsën.

Isaías 7:8

Jä'ä ko yë Siria ja'ayëty timjëtu'un yë tyu'unënëty kyajpxënëty tä yë Damaskë ja'ayëty y'ijtën, e yë Damaskë ja'ay yë'ë ënä'ämëtëp yë Rezin; e yë Efraín ja'ayëty je'eyë jyaak juuky'ata'antë ja tëkë'px mëkoxk jëmëjt tääts ja nyaax kyajpn kyutëkoya'antë.

Jeremias 7:15

Jëkämës nnajtswopëja'antë, jëtu'un tääjës ntuunyën yë mmëkä'äxtëjk yë Efraín yë y'u'unk y'ok.

Jeremias 52:3

Paatykyëjxm ojts yë Wintsën tukjoot'anpëky yë Jerusalén kajpn ets Judá kajpn ets timy'ixkejxy. Ja Sedequías tkäjpxykyumëtoownajxy yë Babilonyë yajkutujkpë.

Oseas 12:3

Ka'anëm ënety myëxu'unk'atynyëm ko yë Jacob tkunajxy yë y'äjty ets ko ojts myëjnë'ajnë tsiptuun mëët yë Dios.

Miqueas 1:5

Tëkokyë ya'atë ëyo'on mëti'ipë tunan jatanëpën yë'ëkyëjxm jëtu'un jyata'any ko yë Jacob yë y'u'unk y'ok je'eyë kyäjpxykyumëtoownaxtë, mëët ko ja nëë poky të tmëtëkëtë ja Israel ja kyutujkën. ¿Ma jëtää ënät ja Jacob mëti'ipë käjpxy kyumëtoownajxpën? Tam ja Samaria. ¿Ma jëtää ënät ja wyintsë'këntyaknëty ja Judá ja'ayëty ma t'ëwtatën ja ka'apë tiosëtyën? Näy jam ja Jerusalén.

Miqueas 2:5

Paaty miitsëty ka'ap nëjkx jam myajpaatë ma Wintsën yë nyaax kyajpnën.