2 Reyes 17:20 - Biblia Dc en Mixe de Quetzaltepec

²⁰ Paatykyëjxm ja Wintsën ojts tim nyas'ijxënyë ja Israel ja'ayëty ets ëxëëk jyajtë kyëpäjtë, ma ëxëëk tyuunëtën ja mëti'ipë yajja'ay'o'ktëpën; koonëm jam y'ëxwojpëtë ma ja nyaax kyajpnëtyën, kyë'ëyajktaayëtë ma ja mä'tspëtëjkëtyën y'ijxwojpëtë Wintsën wyintum.

Biblia Mixe de Quetzaltepec

²⁰ Paatykyëjxm ja Wintsën ojts tim nyas'ijxënyë ja Israel ja'ayëty ets ëxëëk jyajtë kyëpäjtë, ma ëxëëk tyuunëtën ja mëti'ipë yajja'ay'o'ktëpën; koonëm jam y'ëxwojpëtë ma ja nyaax kyajpnëtyën, kyë'ëyajktaayëtë ma ja mä'tspëtëjkëtyën y'ijxwojpëtë Wintsën wyintum.

2 Reyes 17:20 ပူးပေါင်းရင်းမြစ်များ

2 Reyes 15:29

Ma ënety ja Peka yajkutukyën jam Israel, ënety jyä'äjty jam yë Tiglat-piléser, jampë yajkutukyën Asiria ets ojts tjä'äpëky Iión, Abel-bet-maacá, Janoa, Cedes, Hazor, Galaad, Galilea ets tëkokyë jënu'un ja Neftalí ja y'itjotmën ets ja ja'ayëty mëti'ipë ënety jam tsënaaytyëpën aakjam ojts tsumy matsy nyëjkxta'atë Asiria.

Jeremias 6:30

Jä'ä yajtijanëtë poop pujxn mëti'ipë tëë mya'ta'ayën, jä'ä ko mijts Wintsën tëë xy'ixpëky xy'ixtuny.

2 Reyes 13:3

Paaty ja Wintsën mëj këjää tukjoot'anpëjky ja Israel kajpn ets jekpyaat tkë'ëyäjky ma ja Hazael yajkutukyën, jam Sirië ets ma ja y'u'unkën Ben-adad.

2 Tesalonicenses 1:9

Yajtëytyunantëp xëmëkyëjxm ets jëkäm yajpëjkta'aka'antë ma ja Wintsën ka'ap y'ixëtëty, ma ka'ap tpaatëtyën ja Wintsën ja myëj'ajtën jyääntyajtën ets myëk'ajtën.

Mateo 25:41

Ënet ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

Jonás 1:10

Ojts ja Jonás tuk'ëwaanë ja ja'ayëty ko ënety yë'ë tkuke'eky yë Wintsën, e ko jëtu'un tmëtoowtë ënät t'ijxtë ko ni'ikyë ja juukymyejy y'ëtëtstä'äky, tääts tsyë'këtyaktë ets tyajtëëwtë ja Jonás: ¿Tii ko jëtu'un m'ëtë'ëtsy? ¿Tiijës mëpaat ntuntë ma mijtsën ets ya'atë juukymyejy y'ëtëtsmonëty?

Jonás 1:3

E yë Jonás, kyäjpxykyumëtoownajx yë Wintsën ets ni'ikyë tkukeky, jam ojts nyijkxy Jope ma kepy nëëwinye'epyë tsyoontën jya'tën. Tam ënety tu'uk yë kepy nëëwinye'epyë tyimtsona'any mëti'ipë nëjkxpën Tarsis ko jam jyä'äjty, jä'ä tyuktëjkëy, jëyëjp t'ajuuytyujky ja y'ënyääytyakn ets ojts nyijkxy jam Tarsis.

Jeremias 46:28

Ëjts Wintsën, jëtu'unës n'ëna'any: Këtii mtsë'ëkëtëty, miitsëty yë Jacob y'u'unk y'ok mëti'ipës xymyëtuuntëpën, jä'ä ko ëjts yajpatpës mëët miitsëty. Nyajkutëkoyäämpyës ja naax kajpn maajaty ënety të nwojpwa'kxtën. E miitsëty ka'ap nëjkx nyajkutëkoytyë; yi'iyë nëjkx ntukumëtowtë yë mtuuntëko'oy mkajpxtëko'oyënëty tä ënety mpaatëtën. Ka'ap jëtu'unyë nyaninaxa'any ja mtuuntëko'oyënëty.

Isaías 45:25

Ëjts mëyajtënës ntuunpy ko yë Israel kajpn yë'ë mëta'akaanp jotmëk nyäjyawëja'anyë koos ënety ëjts xytyukjotmëk'aty.

Nehemías 9:2

ets tpuwa'ktutaaytyë ja jëpyo'kxyjyä'äyëty, wya'akë'ktaaytyë ni'amukë ets y'ënantë ko tëë ënety ja nëë poky tjantytyuntë ets näjyëtu'un ja y'ap y'okëty.

1 Crónicas 16:13

Miitsëty, ja y'u'unk y'okëty ja tyuunpë Israel, miitsëty ja Jacob ja y'u'unk y'ok, mëti'ipë yë'ë wyin'ijxën.

2 Reyes 18:9

Ma ënety mëmajktaxk jëmëjt yajkutukyën yë Ezequías, ja mëwëxtujkpë ja yajkutujkpë, ma ja Oseas yajkutujktsoonyën, yë myaank yë Elá, mëti'ipë jam yajkutujkën Israel; jää ojts yë Salmanasar, ja Asiria yajkutujkpë tyajnatuky yë Samaria kajpn ets tnitëjkëy,

2 Reyes 17:18

Paaty ojts ja Wintsën tukjoot'anpëjknë ja Israel ja'ayëty, tyajkutujknë ets o'ktëy jyajnëtëty; paaty ojts ja Wintsën y'ëxwojpënëtë jam ma ënety yajpaatën, yi'iyë jaakwë'ëmtë ja Judá ja'ay.

2 Reyes 17:15

jëkäm jëxkë'ëm tpëjktaktë ja ënä'ämën tëyajtën, ja käjpxytyu'unën mëti'ipë tyuuntën ja y'apëty y'okëty ets ja ënä'ämën mëti'ipë ënety të yajmo'otën. Jä'ä pyanëjkxtëjkëtyë ja tios ka'apë nitii tsowëtyën ets ojts ja jyot wyinma'any tyajtëkoytyë, tuunëtë näjyëtu'un winë tä ja naax kajpnëtyën jampë ënety winkon yajpaatën, mëti'ipë ja Wintsën ka'ap ninu'un të tyajkutukyën tuntëty.

2 Reyes 13:7

Yë Joacaz, je'eyë ënety ja tsyiptuunpëtëjk të jyaak wë'ëmy, wëxtyikxy majk mëti'ipë kwaaykyijxy jëtijtëpën, majk ja pujxnwintëkäämpë mëti'ipë myëtsiptuuntëpën ets majk mil mëti'ipë teky ye'epyën, jä'ä ko ja yajkutujkpë mëti'ipë jam sirië tso'onpën tëë ënety may tyajma'ta'ay.

1 Samuel 16:1

Ënet ja Wintsën t'ënëmaay ja Samuel: ¿Mapaatën mon tuk m'ita'any mëëtkyëjxm yë Saúl? Ëjts ka'apës n'ëktsojknë ets yë'ë y'ënä'ämëty ma Israel kajpnën. Yaj'uts yë mxuty mëët yë on ets mnëjkxëty jam Belén ma Jesé tsyëënën, jä'ä ko tëëjës tu'uk yë myaank nwin'ijxë ets yë'ë y'ënä'ämëty ma Israel kajpnën.

1 Samuel 15:26

Ka'ap yam mpawinpita'any, jëtu'un y'ëtsooy yë Samuel. Jä'ä ko mijts ka'ap yë Wintsën yë tyiyajtën të xypyatuunë, paaty tyam ka'ap näjyëtu'un m'ëkmëj'ijxënë ma myajkutukyën.

1 Samuel 15:23

Mëti'ipë ka'ap tkäjpxymyëtoyën yë Wintsën, näjyëtu'un yë pyokytyuny tä najtsja'apën, ets tä yë mëti'ipë yë wiink tios y'ëwtajtypyën, mëti'ipë käjpxykyutëjpën. E komë mijts tëë xy'ijxtijë ja y'aaw y'ayuk, näjyëtu'unts ënät tyam m'ixtijyë ma m'ëne'emyën.

Deuteronomio 11:12

Ma tääpë it naaxwiinyëtën yë Wintsën yë'ë kë'ëm tyimkëwent'ajtyp ets xëmë jam yë kyënu'kxën tyajkëtä'äky oy tyimjëna'ajëty.

Jueces 2:14

Paaty ojts yë Wintsën mëk tukjoot'anpëky yë Israel kajpn ets tyajkutujky ets ja mä'tspë ëxëëk tyunëtëty ets tpëjkta'ajëty tiijaty ënety myëët'ajtëpën ets ëxëëk tyuunëtë ja myëtsipëty mëti'ipë ënety jam mëwinkon'ajtëtëpën.

Salmos 53:5

Oy ënety ka'ap ma tii mëti'ipë oytsyë'kënyën, yë'ëjëty nëjkxëp tsyë'ëkëtë; Dios jëtu'unyë tyajtsëtyuuypyëka'any yë mëtsiptëjk. Ka'ap nëjkx wyinma'anypyaatë, jä'ä ko Dios yë'ë ënety ka'ap y'ëktsojkënëtë.

Jeremias 15:1

Jëtu'unës yë Wintsën të xy'ënëëmë: Oyxyëp yë Moisés ets Samuel yë'ë yaa xyjyatimnyimiintëpës, ëjts ka'apës tääpë kajpn npa'ëyowa'any. Ënëëmë wä'än xywyinwa'ktu'utës, wä'än tnëjkxtë.

Deuteronomio 32:20

ets y'ënäny: Nikë oyës yë Israel ja'ayëty ntimjyä'äytyëkoyëty ets ntimy'ëxmatsëty, min n'ëk'ixyës tii winma'any pyatëp. Tëës yam kë'ëm n'ixy, ko yë'ëjëty je'eyë y'ëxëëkjot y'ëxëëk winma'anyëty, wi'ixës n'ëktuk'ijxpätëty.

Jueces 18:30

Jamts ojts ja Dan ja'ayëty tpëjkta'aktë ja kepy tsyetsy mëti'ipë ënety nikoyën mëët ja poop pujxn ets yë'ë t'ëwtata'antë, yë'ë ojts tyajteety'atë ja Jonatán, yë myaank yë Guersón, yë y'ok'u'unk yë Moisés. Kom'ok yë Jonatán yë y'u'unk y'ëna'këty yë'ë ojts tyeety'atë ma ja Dan ja'ayëtyën, koonëm jatëkok jam yaj'ëxwojptë.

2 Reyes 13:23

E ja Wintsën ojts tpa'ëyoy ja ja'ay mëti'ipë jam ëxëëk yajtuun yaj'ënëmaaytyëpën, mëët ko tja'amyejtsy ja kyäjpxytyu'unën mëët ja Abraham, Isaac ets Jacob; ka'ap t'a'ijxëy kyutëkoytyëty ja jyä'äy ets ka'ap tjo'tsy. Tyampaat kä'äpyëm wi'ix tuny.

2 Reyes 21:14

E ja naax kajpn mëti'ipë ënety jaakwë'ëmtëpën, ka'apës n'ëkajpnniwa'ananë, ntimy'ëxmatsäämpyës wä'än t'ixy pën nimiinëp ja myëtsip ets pën nitëjkëyëp kyajpnjoty ets pën mä'tstaayëp.

2 Reyes 23:27

Paaty y'ënäny, ko ëpëky ja Judá timpyëjkta'akanë, tä ëpëky tpëjktäkyën ja Israel kajpn ets ko ja Jerusalén ka'ap jä'ä t'ëkajpn niwa'ananë ets ko ka'ap jap y'ëk'itanë ma ja tsajptëjkën mëti'ipë jam Jerusalén yajpatpën.

2 Reyes 24:3

Paatykyëjxm jëtu'un ja Judá kajpn jyäjty kyëpejty, jä'ä ko ja Wintsën ënety jëtu'un të tuknipëjktaakë ets timjyëpëky yë'ë wyintuuy mëët ko ja Wintsën ka'ap t'ëkkupëjknë ja nëë poky mëti'ipë ja Judá ja'ayëty tyuuntëpën, ja poky mëti'ipë ënety ja Manasés të tyuktunëtën,

Salmos 51:13

jëtu'un tjëkyäpëty ntukni''ixëtyës ja mnë'ë mtu'u ja ja'ayëty mëti'ipë käjpxy kyumëtoownajxtëpën, ets pokyjyä'ätyëjk jyootwinpitëty ma mijtsën.

Salmos 80:13

Yë ujts ëtsëm jëtu'unyë tuknuk tukwëtsë ets jëyujk tsajpkaa mëti'ipë ëwa'anëtyën jëtu'unyë t'akääp tukääpëtë.

Isaías 2:6

Tëë ja mnaax mkajpn xy'ixmajtsnë ma tsyëënëtën ja Jacob ja jyä'äy, jä'ä ko ujts yajpaaty mëët ja najtsja'apëtëjk ets ja tsuu mëkajpxpë poj mëkajpxpë, jëtu'un tä ja filistejë ja'ayëtyën ma mëët oy nyäyaj'itëtën ja jaaypyo'kxyjyä'äyëty.

Jeremias 7:15

Jëkämës nnajtswopëja'antë, jëtu'un tääjës ntuunyën yë mmëkä'äxtëjk yë Efraín yë y'u'unk y'ok.

Jeremias 52:3

Paatykyëjxm ojts yë Wintsën tukjoot'anpëky yë Jerusalén kajpn ets Judá kajpn ets timy'ixkejxy. Ja Sedequías tkäjpxykyumëtoownajxy yë Babilonyë yajkutujkpë.

Oseas 1:6

Ojts yë Gómer jatëkok wyi'imy u'unk mëët ets ojts tyajmëxu'unk'aty tu'uk yë y'u'unk to'oxytyëjkpë. Tä ja Dios t'ënëmaay yë Oseas: Lo-ruhamá xytyijëty yë mnëëx, jä'ä koos ka'apës yë Israel kyutujkëntakn nëk pa'ëyowanë ets ka'apës n'ëkmä'kxanë.

Oseas 12:3

Ka'anëm ënety myëxu'unk'atynyëm ko yë Jacob tkunajxy yë y'äjty ets ko ojts myëjnë'ajnë tsiptuun mëët yë Dios.