2 Reyes 17:18 - Biblia Dc en Mixe de Quetzaltepec

¹⁸ Paaty ojts ja Wintsën tukjoot'anpëjknë ja Israel ja'ayëty, tyajkutujknë ets o'ktëy jyajnëtëty; paaty ojts ja Wintsën y'ëxwojpënëtë jam ma ënety yajpaatën, yi'iyë jaakwë'ëmtë ja Judá ja'ay.

Biblia Mixe de Quetzaltepec

¹⁸ Paaty ojts ja Wintsën tukjoot'anpëjknë ja Israel ja'ayëty, tyajkutujknë ets o'ktëy jyajnëtëty; paaty ojts ja Wintsën y'ëxwojpënëtë jam ma ënäty yajpaatën, yi'iyë jaakwë'ëmtë ja Judá ja'ay.

2 Reyes 17:18 ပူးပေါင်းရင်းမြစ်များ

1 Reyes 11:32

Yë Salomón njaak tukmëwë'ëmäämpyës tu'kkajpn, jä'ä ko yë'ëjës nkaja'atyëkoyäämpy ja David ets ja Jerusalén kajpn, ja kajpn mëti'ipës kë'ëm nwin'ijxën ma ja maykyajpn ja Israel tnitänën.

1 Reyes 11:13

E kajtsës yam ntimy'ënä'äny ets tëkokyë ntimpyëjkëtya'aja'anyës ja kyutujkën: yë'ëjës ntukmëwë'ëmäämpy tu'uk yë jyä'äy, mëët koos njoot'aty ja mteety ets ja Jerusalén kajpn mëti'ipës kë'ëm nwin'ijxën.

Oseas 11:12

Yë Efraín je'eyës xywin'ëëny; je'eyë y'antä'äky yë Israel kajpn maas ëjtsën. Yë Judá ja'ayëty tëë jyëwa'knëtë maas ëjtsën, tyam yë'ë oy myëtuunëp yë awinax.

1 Reyes 12:20

Ko ja Israel ja'ayëty tnija'awëtyë ko tëë ja Jeroboam wyimpity, ënät ojts tnikäxëtë ets t'ënëmaaytyë ets nyäwya'këxë'ëkëtëty ma ja naax kajpnën, e jëtu'unts ojts tnikajpxpätë ets yë'ë yajkutukëty ma tëkokyë ja Israel ja kajpn tnitänën ets ja Israel ja'ayëty ka'ap ojts t'ëkmëjwa'kpäjnëtë ja David ja y'u'unk y'ok, ëpëky ja Judá ja jyä'äy.

1 Reyes 11:36

Je'eyës ja myaank ntukmëwë'ëma'any tu'kkajpn, jëtu'untsës ja tyë'kxën jyajjën ja David, ja ntuunpës y'ijtëwëty ma ja Jerusalén kajpnën; ja kajpn mëti'ipës ojts nwin'ixyën ets jam ja nxëëwës yaja'amyätsëty.

Oseas 9:3

Wimpitäämpy yë Efraín jatëkok jap Egiptë ets jam Asiria jyë'kxäämpy yë ëxëëkpë jë'kxy pëky. Ka'ap y'ëktsëënëjanë jam ma Wintsën yë kyajpnën,

Jeremias 15:1

Jëtu'unës yë Wintsën të xy'ënëëmë: Oyxyëp yë Moisés ets Samuel yë'ë yaa xyjyatimnyimiintëpës, ëjts ka'apës tääpë kajpn npa'ëyowa'any. Ënëëmë wä'än xywyinwa'ktu'utës, wä'än tnëjkxtë.

2 Reyes 23:27

Paaty y'ënäny, ko ëpëky ja Judá timpyëjkta'akanë, tä ëpëky tpëjktäkyën ja Israel kajpn ets ko ja Jerusalén ka'ap jä'ä t'ëkajpn niwa'ananë ets ko ka'ap jap y'ëk'itanë ma ja tsajptëjkën mëti'ipë jam Jerusalén yajpatpën.

2 Reyes 13:23

E ja Wintsën ojts tpa'ëyoy ja ja'ay mëti'ipë jam ëxëëk yajtuun yaj'ënëmaaytyëpën, mëët ko tja'amyejtsy ja kyäjpxytyu'unën mëët ja Abraham, Isaac ets Jacob; ka'ap t'a'ijxëy kyutëkoytyëty ja jyä'äy ets ka'ap tjo'tsy. Tyampaat kä'äpyëm wi'ix tuny.

Josue 23:15

E jëtu'un tä yë'ë oy winë të tuunta'ayën, tä të tnikäjpxyën; näjyëtu'un ja ëyo'on jotmay tyajkëta'aka'any ma miitsëtyën.

1 Reyes 8:46

Ko ënety pën mëtëkoyë, jä'ä ko aak tëkoopyë ja'ay y'ity ets mjoot'anpëkëty, xykyë'ëyakëty ma ja myëtsipëtyën ets ja myëtsip ëxëëk tyunëtëty, yajnëjkxëtëty tsumy matsy wiink naax wiink kajpn, ma ja mëtsip ja kyajpnën, ëkë ma ja kajpn tmëwinkon'atën,

2 Reyes 17:6

E ma tyaxtujk jëmëjtpäjtnën ma ja Oseas yajkutukyën, ja Asiria yajkutujkpë jää ojts tmëmëtaknë ja Samaria ja'ay ets ja Israel ja'ayëty ets tyajnëjkxtaay ni'ëmukë jam Halah, ma ja Habor ja y'itjotmën, jam Gozán ma ja mëjnëë jyënäkyën, mëti'ipë nyiwantëpën ja Medos ja'ayëty.

Deuteronomio 32:20

ets y'ënäny: Nikë oyës yë Israel ja'ayëty ntimjyä'äytyëkoyëty ets ntimy'ëxmatsëty, min n'ëk'ixyës tii winma'any pyatëp. Tëës yam kë'ëm n'ixy, ko yë'ëjëty je'eyë y'ëxëëkjot y'ëxëëk winma'anyëty, wi'ixës n'ëktuk'ijxpätëty.

Jueces 18:30

Jamts ojts ja Dan ja'ayëty tpëjkta'aktë ja kepy tsyetsy mëti'ipë ënety nikoyën mëët ja poop pujxn ets yë'ë t'ëwtata'antë, yë'ë ojts tyajteety'atë ja Jonatán, yë myaank yë Guersón, yë y'ok'u'unk yë Moisés. Kom'ok yë Jonatán yë y'u'unk y'ëna'këty yë'ë ojts tyeety'atë ma ja Dan ja'ayëtyën, koonëm jatëkok jam yaj'ëxwojptë.

2 Reyes 21:14

E ja naax kajpn mëti'ipë ënety jaakwë'ëmtëpën, ka'apës n'ëkajpnniwa'ananë, ntimy'ëxmatsäämpyës wä'än t'ixy pën nimiinëp ja myëtsip ets pën nitëjkëyëp kyajpnjoty ets pën mä'tstaayëp.

2 Reyes 24:3

Paatykyëjxm jëtu'un ja Judá kajpn jyäjty kyëpejty, jä'ä ko ja Wintsën ënety jëtu'un të tuknipëjktaakë ets timjyëpëky yë'ë wyintuuy mëët ko ja Wintsën ka'ap t'ëkkupëjknë ja nëë poky mëti'ipë ja Judá ja'ayëty tyuuntëpën, ja poky mëti'ipë ënety ja Manasés të tyuktunëtën,

Salmos 51:13

jëtu'un tjëkyäpëty ntukni''ixëtyës ja mnë'ë mtu'u ja ja'ayëty mëti'ipë käjpxy kyumëtoownajxtëpën, ets pokyjyä'ätyëjk jyootwinpitëty ma mijtsën.

Jeremias 7:15

Jëkämës nnajtswopëja'antë, jëtu'un tääjës ntuunyën yë mmëkä'äxtëjk yë Efraín yë y'u'unk y'ok.

Jeremias 52:3

Paatykyëjxm ojts yë Wintsën tukjoot'anpëky yë Jerusalén kajpn ets Judá kajpn ets timy'ixkejxy. Ja Sedequías tkäjpxykyumëtoownajxy yë Babilonyë yajkutujkpë.

Oseas 12:3

Ka'anëm ënety myëxu'unk'atynyëm ko yë Jacob tkunajxy yë y'äjty ets ko ojts myëjnë'ajnë tsiptuun mëët yë Dios.