2 Reyes 17:14 - Biblia Dc en Mixe de Quetzaltepec

¹⁴ E yë'ëjëty ninu'un ojts kyaja'akyukëtë, ni'ikyë ja jyot wyinma'any juun tpëjkta'aktë timjëtu'un tä ja y'ap y'okëtyën ets ka'ap ja Wintsën ojts t'ëktuk'ijxpäjnëtë;

Biblia Mixe de Quetzaltepec

¹⁴ E yë'ëjëty ninu'un ojts kyaja'akyukëtë, ni'ikyë ja jyot wyinma'any juun tpëjkta'aktë timjëtu'un tä ja y'ap y'okëtyën ets ka'ap ja Wintsën ojts t'ëktuk'ijxpäjnëtë;

2 Reyes 17:14 ပူးပေါင်းရင်းမြစ်များ

Hechos 7:51

Tääts ja Esteban tjaaknëmaay ja ja'ayëty: Miits ka'ap mmëtowtë. Jëtu'un miits ja mtatsk xypyëjkta'aktë ijxtëm mëti'ipë kyamëpëjktëpën ja Dios. Jëtu'un miitsëty ijxtëm ja m'aptëjkëtyën, xëmë ka'ap xykyupëktë ja Kënu'kxymyëkajtën.

Deuteronomio 31:27

Jä'ä ko wa'atsës nijawë ko miitsëty je'eyë mkäjpxykyumëtoownaxtë, ninu'un mka'ëëwmëtow mkakäjpxymyëtowtë, maas tyam njaakjuuky'ätyën ma miitsëtyën tëë xykyäjpxy kumëtoownaxtës, ¿wi'ixjaty jëtää m'ëtë'ëtsa'antë koos ënety të n'o'knë?

Hebreos 3:12

Mëku'uktëjkëty, näkyëwent'atëtë këtiipë nitu'uk ja mjot mwinma'any xymyëët'atëty ëxëëk, mëti'ipë tuk'ëxmajtspën ja Dios Juukpyë, ko ënety xykyamëpëktë.

Jeremias 7:26

E miitsëty ka'apës xymyëmëtowtë ets ka'apës nijënu'un xytyimmëjpëjkta'aktë, ni'ikyë wiinkjaty m'ëtëtsta'aktë këtiinëm ja m'ap m'okëty.

Isaías 48:4

Ëjts nija'apës ënety wa'ats ko mijts nijënu'un mkakäjpxyjyä'äkyukë, tsip ets myajkajpxwijëty, jëtu'un ja mjot mwinma'any tä tsaajën tä pujxnën, ka'ap nijënu'un tii nyäkjyätyë.

Proverbios 29:1

Mëti'ipë ja'ay juun yë jyot wyinma'any pyëjktäkpyën ko yaj'ojy, ka'ap jeky jyuuky'ata'any; ets ni pën jää kya'ëna'anëty ëkë wi'ix ko të y'ooky.

Salmos 106:24

Wäänë y'ijty, tääts tu'uk yë naax kajpn janty'oy janty tsujpë ojts t'ixtijtë, ka'ap tmëpëjktë mëti'ipë ënety ja Dios të tyukwinwanëtën,

Salmos 78:32

E oy jëtu'un ja Dios ënety winë të tjatuny, yë'ëjëty je'eyëm ojts ja poky tuun'ëtë'ëtstë, kä'äpyëm tmëpëjktë ko ja Dios ja myëj'ajtën tjayaj'ijxë.

Salmos 78:22

Jä'ä ko ka'ap ojts ja Dios tuk'ijxpätë ets ka'ap tmëpëjktë ja pyutëjk pyupäjtën.

2 Crónicas 36:13

Ënet ojts tmëtsiptsoony ja yajkutujkpë Nabucodonosor, mëti'ipë ënety të tyuknikäjpxyën mëët ja Wintsën xyëëwkyëjxm ko tu'ukyë nyäyaj'ita'anëtë ets tu'ukyë ja winma'any tmëët'ata'any ko ka'ap tnijootwinpita'any ja Wintsën, mëti'ipë ja Israel ja'ayëty Tyios'ajtëpën.

Deuteronomio 1:32

E miitsëty ka'ap tu'ukyë ja Wintsën mëti'ipë miits mTiosajtëpën tëë xytyuk'ijxpätë.

Éxodo 32:9

Ënet yë Dios t'ënëmaay yë Moisés: Tëës tyam yajxon n'ixy ko tääpë ja'ayëty ka'ap ninu'un kyäjpxyjä'äykyukëtë.

Éxodo 16:28

Ënet ja Dios ojts t'ënëëmë ja Moisés: ¿Jëna'a jëtää mja'akyukëja'antë, miitsëty xëmë yowë je'eyë xykyäjpxykyutëjanëtë yë n'ënä'ämënës ntëyajtënës ets n'aaw n'ayukës?

Éxodo 33:3

Jam nëjkxtë ma ka'ap ninu'un ja jë'kxy pëky y'ëmaaytyä'äkyën. E tyam yajxon ntimy'ënëëmëtë, ko ëjts ka'apës n'ëknëjkxanë mëët miitsëty, këtiipë muum tu'ujoty nyajkutëkoytyëty. Jä'ä ko miitsëty mkujuun oyëty ets ninu'un mkakäjpxyjyä'äkyukëtë.

Deuteronomio 9:13

Täätsës ojts näjyëtu'un xy'ënëëmë: Tëës nijawë ko ya'atë naax kajpn ninu'un kyakäjpxyjyä'äkyukëtë.

Salmos 78:8

ka'ap jëtu'un jyä'äy'atëty tä ja y'ap y'okëty y'ëtëtstën, je'eyë kyäjpxykyumëtoownajxtë ka'ap ojts tëy tëtä'äky ja jyot wyinma'any tmëët'atë, ets ka'ap ja Dios oy tmëtuuntë.

Jeremias 34:14

ets kom wëxtujk jëmëjt tyaj'ëwaatsëpëtsëmtëty tu'uk ja hebreo ja'ay mëti'ipë të myëtunëtën tëtujk jëmëjt ma jyëën tyëjkëtyën ko tii të tyajmëyäty. Je'eyëp ko yë y'ap y'okëty ka'ap jëtu'un tuuntë ets ka'apës xymyëmëtoowtë.

Ezequiel 3:19

E pën mijts mtukmëtoopy ja ëxëëk ja'ay ja aaw ayuk ets mtuk'ënëmääpy ja y'ëxëëktu'un y'ëxëëk kajpxën ets ja jyuukyajtën ka'ap tyaj'oyë, ko y'ookëty kë'ëm ënety nyätyunyë, nëkoo ko mijts tëë mnänyiwa'atsyë ets tëë ja mjuukyajtën xyajtso'oky.

Daniel 5:20

E ko ojts tyuktëkëty ja nämyëjjaw näjyääntyjyawë, tääts winë wiinkjaty tuuny, yë'ëts ojts yajtëkoyë, tääts yajpëjkëy ja kyutujktakn ets ja myëj'ajt y'oyajtën mëti'ipë ënety myëët'ajtypyën ma yajkutukyën.

2 Crónicas 24:19

yë Wintsën ojts tyuunpëtëjk tjakexy mëti'ipë ja ënëmaayëtën ets jyotwinpitëty, yë'ëjëty ka'ap kyäjpxyjyä'äykyujkëtyë.

Nehemías 9:29

Mjanajts'ë'ëw mjanaskajpxëp ijty ets tpatuntëty ja m'ënä'äm mtëyajtën; e yë'ëjëty ijtëpën ja nyäyajnaxëtë paaty ja ka'ap timmyëmay timyëtajtë mijts ja m'ënä'ämën; këtii ijty mëj timjyawëtë ja m'aaw m'ayuk mëti'ipë juukyajtën yäjkpyën ma ja'ayëty mëti'ipë pyatuumpyën ja m'ënä'ämën; je'eyë xëmë kyäjpxykyumëtoownajxtë ets juun ja jyot wyinma'any tpëjktaktë.

Jeremias 3:7

Ëjts tyaajës ojts nmääpyë ntajpë ko ntijëtën yë Israel kajpn xynyiwinpita'anyës jatëkok oy wi'ix të y'ëk'ëtë'ëtsy të y'ëk'ëna'any; e yë'ë ka'ap të wyimpity. Yë Judá kajpn, mëti'ipë jëtu'un tä tsyë'ëjën tëë t'ixy;

Ezequiel 2:3

jëtu'un y'ënaan'ëtë'ëtsy: Mijts ye'etyëjk, tyam yë Israel ja'ay ntuknikäxa'any, yë kajpn ka'apë jyä'äkyukën mëti'ipë käjpxy kyumëtoownajxpën, yë y'ap y'okëty ets yë'ëjëty tëëjës xynyipëtë'ëktë ets jëtu'un tyampaat.

Ezequiel 12:2

Mijts ye'etyëjk, jap mjuuky'äty ma naax kajpnën mëti'ipë je'eyë käjpxy kyumëtoownajxpën. Myëët'ajtëp yë wyiinëty mëti'ipë tyuk'ixtëpën je'eyëp ko ka'ap y'ixtë; myëët'ajtëp yë tyatskëty mëti'ipë tyukmëtoowtëpën je'eyëp ko ka'ap myëtowtë, jä'ä ko tääpë naax kajpn käjpxy kumëtoownajxpë yë'ë.

Oseas 11:2

Koos nyaxtsoy, ni'ikyës xymyëjëkämke'eky. Yë'ë ja wyintsë'kën myoopy ja wiink tios ets ijty twinno'oky twinxamy yë awinax.