2 Reyes 17:13 - Biblia Dc en Mixe de Quetzaltepec

¹³ Tëë ënety ja Wintsën ja jyot wyinma'any tjaakmëktuny, ko tkejxy ja kyäjpxynyajxpëtëjk ets ja wyijyjyä'äytyëjk ko t'ënëmaay ja naax kajpn ets jeexyë jyootwinpitë, tyaj'oyëtë ja jyot wyinma'any, ja nyë'ë tyu'ujëty; tuntë jeexyë jëtu'un winë tä ja ënä'ämën tëyajtën myinyën, mëti'ipë ojts tjatukmëwë'ëmyën ja y'apëty y'okëty ko ja Wintsën ja kyäjpxynyajxpë ojts tjakajpxwa'kxtë ja oypyë ja aaw ayuk.

Biblia Mixe de Quetzaltepec

¹³ Tëë ënäty ja Wintsën ja jyot wyinma'any tjaakmëktuny, ko tkejxy ja kyäjpxynyajxpëtëjk ets ja wyijyjyä'äytyëjk ko t'ënëmaay ja naax kajpn ets jeexyë jyootwinpitë, tyaj'oyëtë ja jyot wyinma'any, ja nyë'ë tyu'ujëty; tuntë jeexyë jëtu'un winë tä ja ënä'ämën tëyajtën myinyën, mëti'ipë ojts tjatukmëwë'ëmyën ja y'apëty y'okëty ko ja Wintsën ja kyäjpxynyajxpë ojts tjakajpxwa'kxtë ja oypyë ja aaw ayuk.

2 Reyes 17:13 ပူးပေါင်းရင်းမြစ်များ

1 Reyes 16:1

Ënet ja Wintsën ojts tmëkäjpxy ja Jehú, yë'ë myaank yë Hananí ets tukmëtowa'any ja aaw ayuk ma ja Basá yajnikäjpxyën ko tëkatsy winë tuny:

1 Reyes 16:7

Ya'atë aaw ayuk yë'ë ojts yajtukmëkäxë Jehú, Hananí yë myaank; ja Wintsën jä'ä ojts tnikäjpxy wi'ix ja Baasá tkumëtowëtyën ja pyoky mëët ja y'u'unk y'ëna'k y'u'unk tyo'oxytyëjk, jä'ä ko tëkatsy ojts winë tuny. Basá ojts yë Wintsën tyajjoot'anpëky, jä'ä ko ëxëëk winë tuuny jëtu'un tä ja Jeroboam mëët ja y'u'unk y'ëna'k ëxëëk winë tuuntën, mëti'ipë ojts näjyëtu'un kyutëkoytyën.

2 Reyes 17:23

Tä ja Wintsën ojts tim'ëxmajtsnë ja Israel kajpn, jëtu'un tä ënety të t'akäjpxyën mëët ja kyäjxynyajxpëtëjk, paaty ojts ja Israel ja'ayëty yajmënëjkxnëtë tsumy matsy jam Asiria, ma tyampaat yajpaatën.

2 Reyes 18:6

Mëk nyäyaj'ijtë ma Wintsënën ets ka'ap ninu'un t'ëxmajtsy; ojts tkuuytyuny ja ënä'ämën tëyajtën mëti'ipë ënety ja Wintsën të tni'ënä'ämën ma Moisésën.

2 Reyes 21:10

Paaty ja Wintsën ja aaw ayuk tnajtskäjxëy mëët ja tyuunpëtëjk ets y'ënäny:

1 Crónicas 29:29

Yë nyikäjpxy nyimëtyä'äky yë David ma yajkutujkyën, wi'ix tsyo'onë'ky tsyo'ontäkyën ets wi'ix jyëjpkëjxyën, jap kuja'ay myiinta'ay ma ja nokyën mëti'ipë jyä'ä'ajtëpën yë käjpxynyajxpë Samuel, yë käjpxynyajxpë Natán ets mëti'ipë jyä'ä'ajtypyën yë käjpxynyajxpë Gad,

Job 11:14

Pën tëë mtuuntëkoy mkajpxtëkoy, tim kukä'äk; këtii xytyëjkmo'oy yë ëxëëkpë ma mjëën mtëjkën.

Job 36:10

Yë'ëkyëjxm myëkajpxëtë ets tyaj'oyëtëty yë wyinma'anyëty këtiipë ëxëëkpë t'ëktuunëtëty.

Salmos 50:7

Mëtoow'itë, miitsëty Israel ja'ayëty, mëti'ipës nnaax'ajtyp nkajpn'ajtypyën, tyam mijts yajxon nmëkajpxa'any. Ëjts jëtu'un Dios, ëjts mijts xyTyios'ajtp.

Jeremias 11:7

Maju'unëmës nyajpëtsëmyën yë m'ap m'okëty jap Egiptë, kanaak'ok të n'ënëëmëtë etsës xymyëmëtowtëty, jëtu'un ma tsyo'ontäkyën ets tyampaat je'eyëmës jëtu'un n'ënaan'ëtë'ëtsy.

Jeremias 18:11

Paaty ntuknipëky ets xy'ënëëmëty yë Judá ja'ayëty ets Jerusalén ja'ayëty ko mëti'ipë Wintsën'ajtpën, jëtu'unës n'ënëëmëtë: Tyam miitsëty nimay nitajëtë wi'ix nyaj'ëyo'onpaata'antën, yë'ëjës nmääpy ntäjpy wi'ix ntëytyuntëty. Nik yaj'oyëtë mjot mwinma'anyëty, ëxmatstë ëxëëk tu'u ets oy winë tuntë.

Jeremias 25:3

Ma ënety majktëkëëk jëmëjt y'apetyën ma ja Josías tyëkën yajkutujkpë, yë Amón yë myaank, jam Judá ets tyampaat ma kyä'pxyën i'px tëkëëk jëmëjt, tëëjës yë Wintsën yë y'ayuk xytyuknijawë ets tëë miitsëty ntuk'ëwaanëtë kanaak'ok, e miitsëty ka'ap nijënu'un të xymyëpëktë.

Jeremias 3:7

Ëjts tyaajës ojts nmääpyë ntajpë ko ntijëtën yë Israel kajpn xynyiwinpita'anyës jatëkok oy wi'ix të y'ëk'ëtë'ëtsy të y'ëk'ëna'any; e yë'ë ka'ap të wyimpity. Yë Judá kajpn, mëti'ipë jëtu'un tä tsyë'ëjën tëë t'ixy;

Jeremias 34:14

ets kom wëxtujk jëmëjt tyaj'ëwaatsëpëtsëmtëty tu'uk ja hebreo ja'ay mëti'ipë të myëtunëtën tëtujk jëmëjt ma jyëën tyëjkëtyën ko tii të tyajmëyäty. Je'eyëp ko yë y'ap y'okëty ka'ap jëtu'un tuuntë ets ka'apës xymyëmëtoowtë.

Jeremias 35:15

Kanaak ok të njatuknikäxtë yë nkäjpxynyajxpës ets të mja'ënë'ëmxëtë: Ixmatstë m'ëxëëktu'un m'ëxëëk kajpxënëty. Këtii wiink tios xypyanëjkxtëkëtë ets këtii yë'ë wyintsë'kën xymyo'otë. Jëtu'un jeky mjuuky'atëty ma ja it naaxwiinyëtën mëti'ipës nmooytyën ja m'ap m'okëty. E miitsëty ka'ap të xyjyä'äkyukëtë ja n'aaw n'ayukës ets ka'apës të xymyëmëtowtë.

Jeremias 42:19

Miitsëty nijënu'un mjaakwë'ëmtën yaa Judá, jëtu'un yë Wintsën m'ënë'ëmxëtë ko këtii mnëjkxtëty jap Egiptë. Yajxon tim nijawëtë ets tyam myajtuk'ëwaanëtë.

Ezequiel 18:31

Tim mëjëkämkä'äktë yë ëxëëkajtën maas të xymyëtëkoytyën, yaj'oyëtë ets yaj'ajämëtë yë mjuukyajtënëty. ¿Mijts Israel, tii ko m'ëk o'kpëty?

Ezequiel 3:19

E pën mijts mtukmëtoopy ja ëxëëk ja'ay ja aaw ayuk ets mtuk'ënëmääpy ja y'ëxëëktu'un y'ëxëëk kajpxën ets ja jyuukyajtën ka'ap tyaj'oyë, ko y'ookëty kë'ëm ënety nyätyunyë, nëkoo ko mijts tëë mnänyiwa'atsyë ets tëë ja mjuukyajtën xyajtso'oky.

Daniel 9:10

ets ka'ap mijts pën të mja'akyujkxëty ja m'aaw m'ayuk, Wintsën, mëti'ipës n'ëwtajtëpën ets ka'apës të mpatuntë ja m'ënä'ämën mtëyajtën mëti'ipë të xyjyatuk'ëwaanëtës ja mtuunpëtëjkëty käjpxynyajxpëtëjkëty.

Oseas 11:2

Koos nyaxtsoy, ni'ikyës xymyëjëkämke'eky. Yë'ë ja wyintsë'kën myoopy ja wiink tios ets ijty twinno'oky twinxamy yë awinax.

Oseas 12:10

Ëjts ojtsës nmëkäjpxy yë käjpxynyajxpëtëjkëty etsës nyajkëjääjëy mëti'ipë y'ixtëpën kuma'ayjoty ets ojts winë ntuknimëtya'aktë mëët yë ijxpäjtën.

Oseas 12:11

Jam Galaad tam wiink tios jyätyë, je'eyëp ko yë'ë mëti'ipë ka'ap myëtëyëtyën. Jam Guilgal yë'ë jam wintsë'kën'ajtp yë tsajpkaa; ets yë'ë jam wintsë'këntyakn'ajtp yë tsaanipiy ma të t'awitstën yë kam tu'u.

Oseas 14:1

Israel, niwinpit yë mWintsën Dios, mijts mpoky ëxëëk të myajjatyë.

Oseas 4:15

Pën mijts Israel mto'kpy myäjkpy yë mjot mnini'kx, yë Judá ka'ap mëpaat pyokytyuny. Këtii jam mnëjkxtëty Guilgal, këtii jam mpa'tëkëtëty Bet-avén ets këtii nëkoo je'eyë kajpxpäjn xywya'antëty yë Wintsën.

Hechos 20:21

Wä'än tjutiis ja'ayëty tkajutiis ja'ayëty, ni'ëmukës të nëëmëtë ets mwinpitëty ma Tiosën, xy'ëxmatstëty ja ëxëëk winma'any ets xymyëpëktëty ja Wintsën Jesús.

Deuteronomio 31:21

E ma ënety ja ëyo'on jotmay tyukëtakënëtë ets o'ktëy jyajnëtë kyëpäjnëtë, ya'atë ëy yë'ë nëjkx t'ëwtë ets tyukja'amyätsëtëty ja nyëë pyokyëty, ja y'u'unk y'okëty nëjkxëp ja tja'amyätstë ets nëjkx t'ëwtë. Jä'ä ko ka'anëm ënety jam nyajja'tënëm, ma ja naax kajpnën mëti'ipës të ntukwinwanëtën. Ëjts wa'atsës nijawë maa ja wyinma'any tyaj'itën.

Deuteronomio 4:26

Ëjts tyamës yajxon ntimnyikäjpxy, yë tsajp ets naax yë'ëjës mpëjktäkpy ijxpë tuunpë, ko miitsëty ënätyë nëjkx mkutëkooytya'atë jam ja ma it naaxwiinyëtën mëti'ipë mjä'äpëkantëpën jamtsow nëë'awinm ma Jordán mëjnëëjën. Ka'ap nëjkx jeky xytyukjuuky'atë tääpë naax kam, wa'ats mkëjxta'atëty.

Deuteronomio 8:19

E pën mja'atyëkooynyëtëp ja mWintsënëty ets ja wiink wintsën xypyanëjkxnëtëty ets jä'ä xy'ëwtajnëtëty, tyam miits yajxon n'ënëëmëtë, ko nëjkxëp mkutëkooytya'atë.

Josue 23:16

Pën ka'ap xypyatuntë ja Wintsën ja kyäjpxytyu'unën. Ko miitsëty wiink tios xy'ëwtajnëtëty ets xywyinkoxtënaaynyëtëty, yë Wintsën mëj këjää nëjkx mtukjoot'anpëkëtë ets ka'ap mnimä'kxëtëty; wa'ats myajkutëkooytya'ajëtëty koonëm mkëxtëty yaa naaxwiiny naaxkëjxy ma ya'atë it naaxwiinyëtë të mo'ojëtën.

2 Pedro 3:9

Ka'ap n'ëna'anmëty ko Dios poxp ko tkuuytyuna'any ja tëëpë twaantä'äkyën, jëtu'un ijxtëm pënëty myäytyë tyajtën; jä'ä tëy mä'kxtujkp jëtu'un, yë'ë jyatuumpy ets jeexyë ni'ëmukë ja'ay jyotwinpijta'ay këtiipë pën y'ëyo'onpaatëty.

Jueces 6:10

Ets n'ënëmaaytyë koos ëjts jëtu'un Wintsën, mëti'ipë miits mTiosajtëpën ets ko këtii ninu'un xytyimtsë'ëkëtëty ja Amor ja'ayëty ja tyiosëty, mëti'ipë tsënaaytyëpën ma ja it naaxwiinyëtën ma miits tyam mtsëënëtën: E miitsëty ka'ap ojts ninu'un xytyimtuntë këwentë ijxtëm nja'ënëmaaytyën.

Jueces 6:8

ojts tyuknikäxëtë tu'uk yë tyuunpë mëti'ipë winë y'akäjpxypën ets y'ënëmaayëtë: Ëjts miits tu njuutë jap Egiptë ma ënety jap je'eyë mëtun m'ëyowtën

1 Samuel 9:9

Tëëyëp ko ijty ja Israel ja'ayëty tii tnija'awëja'antë ma Tiosën, tyaa ijty y'ëna'antë: Ja'amtë n'ijxëmë mëti'ipë winë nyajtsja'apën. Jä'ä ko ja mëti'ipë tyam yajtijpën käjpxynyajxpë, jä'ä ijty yajtijy najtsja'apë.