2 Reyes 17:11 - Biblia Dc en Mixe de Quetzaltepec

¹¹ timjëtu'un ojts winë t'atuunajxnëtë tä ja kajpnëtyën mëti'ipë ja Wintsën ënety të t'ëxëëk'ixtën ets ja naax kajpn mëti'ipë ënety të t'ëxwopyën; ojts twino'k twinxaamnëtë mëët ja poom, ka'apë wyintsënëtyën, tuunëtë tkajpxnëtë ja ka'apë tyuunëtyën ets tyajjoot'anpëktë jëtu'un ja Wintsën mëjwiin këjää.

Biblia Mixe de Quetzaltepec

¹¹ timjëtu'un ojts winë t'atuunajxnëtë tä ja kajpnëtyën mëti'ipë ja Wintsën ënäty të t'ëxëëk'ixtën ets ja naax kajpn mëti'ipë ënäty të t'ëxwopyën; ojts twino'k twinxaamnëtë mëët ja poom, ka'apë wyintsënëtyën, tuunëtë tkajpxnëtë ja ka'apë tyuunëtyën ets tyajjoot'anpëktë jëtu'un ja Wintsën mëjwiin këjää.

2 Reyes 17:11 ပူးပေါင်းရင်းမြစ်များ

Jeremias 44:17

Ni'ikyës njaaktuuna'antë ja mëti'ipës xëmë ntuuntëpën. Ntukwintoyantëpës ja poom mëti'ipë nyiwintaj'ajtypyën ja tsajp; jëtu'unyëm tääjës ntuntën, tä ja n'aptëjkëtyës tuuntën, tä ja yajkutujkpëtëjk ets wintsëntëjkëty tuuntën mëti'ipë jam Judá yajpatën ets jampë Jerusalén të yajpaatën në'ëjoty tu'ujotypë;

2 Crónicas 28:25

Jam Judá ojts jam may tkojy ëxëëkpë nyitsajptëjk ets jap tukwino'ok tukwinxamtëty ja poom ja wiink tios ets jëtu'un'äämpy ni'ikyë ja Wintsën tyajjoot'anpëjky, mëti'ipë ënety ja y'aptëjk të t'ëwtatën.

2 Reyes 21:6

Ojts ja y'u'unk y'ëna'k tyajtooy tyajjäämnë, ma tukwintsë'këyën ja ka'apë tyiosëtyën, yajtuun ja najtsja'apë, yajkutujk ets ja ja'ay tuunk'atëty ja kajpxpojkën, paatoy panajxk. Tim tëkatsy ojts winë tuny, je'eyë ja Wintsën tyajjoot'anpëjk.

1 Reyes 13:1

Yë Jeroboam yë'ë ënety jam pyëjktäkpy yë poom ma wintsë'këntyaknën, ko tu'uk yë Wintsën yë kyäjpxynyajxpë jyä'äjty jam Betel, Judá tsyoony, Wintsën ënety të kyexyë.

Deuteronomio 12:2

Yajkutëkooytya'atë tëkokyë yë it naaxwiinyëtë, ma ja'ayëty t'ëwtatën yë wyintsënëty, mëti'ipë tsënaaytyëpën jam ma it naaxwiinyëtën, mëti'ipë mjä'ä'atantëpën. Tukpu'ujëtya'atë yë y'awinaxëty, mëti'ipë myëët'ajtëpën jam tunkëjxm kopkëjxm, tu'u'am ëkë jampë muum kepypya'tkë'ëm yajpaatyën.

2 Reyes 17:10

Ojts ja tsaapotsy muum tpëjktaknëtë mëti'ipë y'ëmaaytyijtëpën ets ojts tyajnikojtutnëtë ja Aserá, jam muum tunkëjxm ets jam muum kepypya'tkë'ëm,

2 Reyes 17:12

Ojts t'ëwtajnëtë ja naaxpotsy ets ja kepy tsyetsy, mëti'ipë ënety mëktä'äky ja Wintsën të tyajkupokyën.

Éxodo 23:24

Këtii näjyëtu'un winë ëxëëkjaty xytyunëty ijxtëm yë'ëjëty y'ëtë'ëtstën y'ëna'antën. Këtii xywyinkoxtänëty mëti'ipë yë'ëjëty tyios'ajtëpën ets ni xykya'ëwtatëty, ni'ikyë mëpaat xytyukwop xytyukka'atsë yë nyaaxpotsyëty mëti'ipë y'ëwtajtëpën.

Deuteronomio 18:9

Ko ënety jam të mja'ajnëtë ma ja it naaxwiinyëtën mëti'ipë ja Wintsën mo'ojanëtëpën, këtii ja ëxëëkpë tu'unën kajpxën xytyuuntëpëty, tä ja ja'ayëtyën ma tampë ja naax kajpnëtyën.

Deuteronomio 32:16

Tëë yë Dios tyajjoot'anpëktë ko të t'ëwtatë naaxpotsy.

Deuteronomio 32:21

Yë'ëjëty je'eyës xëmë xyajjoot'anpëktë. Jä'ä ko ënätyë wiink wintsën tpanëjkxtëkëtë, ëxëëkës njanäjyawëty, ko yë'ë tmëjjawëtë ka'apë wyintsënëtyën. E kajts wyi'ixëty oy ko jyëtu'unëty, nëjkxëp yë ja'ay ëxëëk tyunëtë mëti'ipë jëtu'unyë jëtijtëpën, ka'apë yajnijawën maajën kyukajpn'atë, nëjkxëp yajtsipkä'äxëtë yë ja'ay mëti'ipë ka'ap ninu'un jyä'äkyukën.

1 Reyes 14:15

Tyam ets jëtu'un tyu'uye'eyä'äny, yë Wintsën jëtu'un txijt yu'kxa'any yë Israel kajpn tä aay kepy xyijtyu'kxyën ko yë mëj nëëkom jyënäky. Nëjkxëp tkë'ëtsë'ëky ma ya'atë naax kamën oypyë tsujpë ets tyajwojpkëtaka'any jëkäm, tyimninaxëp ja mëjnëë mëti'ipë yajtijpën Éufrates, mëët ko të tyajnikojtutpë ja Astarté ka'apë Wyintsënëtyën, ka'apë mëpaat yaj'ëwtatyën, mëti'ipë mëët ja naax kajpn mëj këjää të tyajpokytyunyën mëti'ipë ja Wintsën të tukyajjoot'anpëktën.

2 Reyes 12:4

Tëkok yë Joás, t'ënëmaay ja teetytyëjkëty: Yajmuktë tëkokyë ja wit meeny mëti'ipë yë ja'ayëty myëmiintëpën jap tsajptëkoty, mëti'ipë yojxtëpën ets mëti'ipë nätyukukëpäjtëtëpën ets tëkokyë ja mëti'ipë wyaantaktëpën jap tsajptëkoty ets ja Wintsën tukmëjjawëtë, ets xy'amëtowtëty yë ja'ayëty mëti'ipë jap winë y'ijxtëp tyuuntëp tsajptëkoty wä'än t'a'o'oyëtyä'äy winë mëti'ipë jap tuunpën.

Oseas 9:10

Jëtu'un yë Wintsën y'ënä'äny: Koos mpaty yë Israel, jëtu'unës jotkujk näjya'awëy tä ja'ay tpaatyën yë tsatsym jam të'ëts'itjotm. Yë m'ap m'okëty jëtu'unës n'ijxy tä yë higos tsojk tsyaamë'ëkyën. E ko jam jyajtë Baal-peor wiink tios ojts nyätyukmëkënu'kxëtë ets ojts tuntë winë ëxëëk tä y'ëxëkëtyën yë y'awinaxëty mëti'ipë ënety tsyojkën'ajtëpën.