2 Reyes 17:10 - Biblia Dc en Mixe de Quetzaltepec

¹⁰ Ojts ja tsaapotsy muum tpëjktaknëtë mëti'ipë y'ëmaaytyijtëpën ets ojts tyajnikojtutnëtë ja Aserá, jam muum tunkëjxm ets jam muum kepypya'tkë'ëm,

Biblia Mixe de Quetzaltepec

¹⁰ Ojts ja tsaapotsy muum tpëjktaknëtë mëti'ipë y'ëmaaytyijtëpën ets ojts tyajnikojtutnëtë ja Aserá, jam muum tunkëjxm ets jam muum kepypya'tkë'ëm,

2 Reyes 17:10 ပူးပေါင်းရင်းမြစ်များ

1 Reyes 14:23

Jä'ä ko yë'ë ojts näjyëtu'un tnimëktä'äky ets ja ja'ayëty t'ëwtatëty mëti'ipë jeexyë ka'ap t'ëwtatën, ojts ja nyitsajptëjk tkojë ja awinax mëti'ipë yajtijpën Aserá, ojts tyajkojy ja awinax tsaapotsypë ets kepy tsetsypë, tpëjktäky jam muum tunkëjxm ets kepypya'tkë'ëm ma muum ja mëj kepy tyänën.

Miqueas 5:14

Nkë'ëtsë'käämpyës yë mkepy mëti'ipë mkënukxyjya'apën ets nyajkutëkoyäämpyës tëkokyë yë mnaax mkajpn.

2 Reyes 16:4

Ojts tyajknë ja wintsë'kën ets ojts tyajtooy tyajjojknë ja poom ma ja awinaxyën japë y'itën ma ja tsajptëjkën ka'ap Dios tëjkëtyën, maajaty ja nitunën ets maajaty ja aay kepy mëjatyëtypë.

Éxodo 34:13

Ni'ikyë xyjyijtë'kta'atëty yë wyintsë'këntyakn ets xyajma'ta'atëty yë tsyaapotsy ets kepy tyetsy.

Isaías 57:5

je'eyë xy'ixta'atë kepypya'tk mëjëtypë tääts jam m'ëtë'ëtstë m'ëna'antë tëkatsy, jap muum wokjoty m'u'unk mmëxu'unkpë xykyujëpijpnaxtë, jap muum tsaajutjoty xy'atijëtë.

Deuteronomio 16:21

Këtii nitii kepy xykyojtëpëty ets m'ënantëpëty yë'ë xy'ëwtata'antë jam winkon ma Wintsën yë wyintsë'këntyaknën.

Éxodo 34:12

Nitii aaw nitii ayuk mëët tääpë ja'ayëty xykyamëët'atëty mëti'ipë jam tsënaaytyëpën ma mnëjkxtën, këtiipë ëxëëktum myajka'ajëtëty.

2 Reyes 17:11

timjëtu'un ojts winë t'atuunajxnëtë tä ja kajpnëtyën mëti'ipë ja Wintsën ënety të t'ëxëëk'ixtën ets ja naax kajpn mëti'ipë ënety të t'ëxwopyën; ojts twino'k twinxaamnëtë mëët ja poom, ka'apë wyintsënëtyën, tuunëtë tkajpxnëtë ja ka'apë tyuunëtyën ets tyajjoot'anpëktë jëtu'un ja Wintsën mëjwiin këjää.

Deuteronomio 16:22

Këtii nitiipotsy xyajpëtë'ëktëty ets jam yë wiink wintsën xy'ëwtatantëpëty. Jä'ä ko yë Wintsën y'ëxëëk'ijxyp yë jëtu'unpë.

Isaías 2:8

May näjyëtu'un tmëët'atë ja awinax, ets ënät twinkoxtänëtë mëti'ipë kë'ëm të tyajkojtën mëët ja kyë'ë y'aawëty.

Jeremias 3:6

Ma ënety yë Josías y'ëne'emyën, jääjës ojts yë Wintsën xymyëkäjpxy ets xy'ënëmaayës: ¿Tëë xy'ixy wi'ix yë Israel kajpn y'ëti'itsyën mëti'ipë käjpxy kyumëtoownajxpën? Yë'ë wiink tios të tpanëjkxtëkë jam muum ma kopkën, ma kepypya'tkën y'ëti'itsy y'ënä'äny, tä tu'uk to'oxytyëjkën xim yampë ye'etyëjk tmëët'atyën.

Ezequiel 20:28

Koos ojts nyajtëkëtë ma ja naaxwiinyëtën mëti'ipës ënety të ntukwinwanëtën, tim je'eyë muum t'ijxpatë tu'uk yë mëj kepy ëkë nitun, ënätyë ijty wyintsë'kën ets y'ayajk y'ako'onën tmo'otë ja awinax, ja tsooy mëti'ipë pa'akxu'kpën ets ja tsatym nyëë mëti'ipë tëë nyimaanaxyën, yë'ë mëët xytyukyajjoot'anpëjktës, jëtu'un ja wyintsë'kën tyajtëkooytyë ma ëjtsën.