2 Reyes 16:4 - Biblia Dc en Mixe de Quetzaltepec

⁴ Ojts tyajknë ja wintsë'kën ets ojts tyajtooy tyajjojknë ja poom ma ja awinaxyën japë y'itën ma ja tsajptëjkën ka'ap Dios tëjkëtyën, maajaty ja nitunën ets maajaty ja aay kepy mëjatyëtypë.

Biblia Mixe de Quetzaltepec

⁴ Ojts tyajknë ja wintsë'kën ets ojts tyajtooy tyajjojknë ja poom ma ja awinaxyën japë y'itën ma ja tsajptëjkën ka'ap Tios tëjkëtyën, maajaty ja nitunën ets maajaty ja aay kepy mëjatyëtypë.

2 Reyes 16:4 ပူးပေါင်းရင်းမြစ်များ

1 Reyes 14:23

Jä'ä ko yë'ë ojts näjyëtu'un tnimëktä'äky ets ja ja'ayëty t'ëwtatëty mëti'ipë jeexyë ka'ap t'ëwtatën, ojts ja nyitsajptëjk tkojë ja awinax mëti'ipë yajtijpën Aserá, ojts tyajkojy ja awinax tsaapotsypë ets kepy tsetsypë, tpëjktäky jam muum tunkëjxm ets kepypya'tkë'ëm ma muum ja mëj kepy tyänën.

2 Reyes 12:4

Tëkok yë Joás, t'ënëmaay ja teetytyëjkëty: Yajmuktë tëkokyë ja wit meeny mëti'ipë yë ja'ayëty myëmiintëpën jap tsajptëkoty, mëti'ipë yojxtëpën ets mëti'ipë nätyukukëpäjtëtëpën ets tëkokyë ja mëti'ipë wyaantaktëpën jap tsajptëkoty ets ja Wintsën tukmëjjawëtë, ets xy'amëtowtëty yë ja'ayëty mëti'ipë jap winë y'ijxtëp tyuuntëp tsajptëkoty wä'än t'a'o'oyëtyä'äy winë mëti'ipë jap tuunpën.

2 Reyes 14:4

ka'ap kyutëkooy ja nyitëjk ja wiinkëtypë ja tios, ja ja'ayëty je'eyëm tyajktë ja wyintsë'kënëty ets ja pyoomëty tno'oktë txamtë.

Salmos 78:58

Ojts tyajjoot'anpëktë mëët ja wintsë'këntyakn, ma ja wiink tios t'ëwtatën,

Isaías 65:4

mëti'ipë o'kpë jut akë'ëy ijty naaxwä'tspën, ets nyäxy tyëkë ma ka'ap pën y'ixëtëtyën; mëti'ipë ijty ëtsëmtsu'utsy tsyu'typyën ets yajxon tyaj'utsy ja tu'ts mëët ja tojkxnëë ka'apë wya'atsëtyën.

Isaías 66:17

Jëtu'un yë Wintsën y'ënä'äny: Mëti'ipë näyaj'ëmaay'ijtëpën ets näpyujëpën ko t'ëwtata'any ja wiink tios jampë pëjykyamjotm yajpaatyën, mëti'ipë pyaye'epyën ja tu'u itkujkpyë nyijkxyën, mëti'ipë tsyu'typyën ëtsëmtsu'utsy, tsuk tsu'utsy ets wiinkëtypë jëyujk ka'apë yajtsu'utyën, tu'ktonyë nëjkx kyutëkooytya'atë, jä'ä ko nija'apës wi'ix myäytyën tyajtën ets wi'ix tii tuntën.

Jeremias 17:2

Yë m'u'unk m'ëna'k jyaak ja'amyäjtstëp ja wintsë'këntyakn ets kepy apujxtuky mëti'ipë ijty kënu'kxy myajnajxypyën mëti'ipë jam myaj'ijtypyën ma kepypya'tkën ets jam kopkkëjxm,

Ezequiel 43:7

ets xy'ënëmaayës: Ya'atë jëtu'un mpo'kxtakn'ajtypyës maas nyajkutukyën, maas ja nteky mpëjktä'äkyën; yaajës njuuky'ata'any mëët yë Israel ja'ayëty xëmëkyëjxm. Yë Israel ja'ayëty ets kyutujkpëtëjkëty ka'ap nëjkx t'ëkyajnipäxëtëjkënëtë ja nxëëwës wa'atspë mëët ja y'ëxëëktu'un y'ëxëëk kajpxënëty: ka'ap nëjkx t'ëkojnëtë ja potsy ma tyajkëxkojtëtyën ja yajkutujkpë mëti'ipë ënety të y'o'knën,

Ezequiel 6:13

E ko ënety t'ixtë ja o'kpë ma ja y'awinaxëtyën ets ma ja wyintsë'këntyaknëtyën, jam tunkëjxm kopkkëjxm, ma ja tsaatunën, ma ja kepypya'tkën, ma ja xoj pa'tkën ets maajaty ja wiinkëtypë ja awinax të t'ëwtatën ets të tmo'otën yë wyintsë'kën, ënät nëjkx xy'ixkaptës ko ëjts Wintsënajtp.

Deuteronomio 12:2

Yajkutëkooytya'atë tëkokyë yë it naaxwiinyëtë, ma ja'ayëty t'ëwtatën yë wyintsënëty, mëti'ipë tsënaaytyëpën jam ma it naaxwiinyëtën, mëti'ipë mjä'ä'atantëpën. Tukpu'ujëtya'atë yë y'awinaxëty, mëti'ipë myëët'ajtëpën jam tunkëjxm kopkëjxm, tu'u'am ëkë jampë muum kepypya'tkë'ëm yajpaatyën.