2 Reyes 16:12 - Biblia Dc en Mixe de Quetzaltepec

¹² Ko ja yajkutujkpë jam jyä'äjty Damaskë ets t'ijxy ja wintsë'këntyakn, ënät tmëwinkoony ets tyäky tu'uk ja wintsë'kën;

Biblia Mixe de Quetzaltepec

¹² Ko ja yajkutujkpë jam jyä'äjty Damaskë ets t'ijxy ja wintsë'këntyakn, ënät tmëwinkoony ets tyäky tu'uk ja wintsë'kën;

2 Reyes 16:12 ပူးပေါင်းရင်းမြစ်များ

2 Crónicas 28:25

Jam Judá ojts jam may tkojy ëxëëkpë nyitsajptëjk ets jap tukwino'ok tukwinxamtëty ja poom ja wiink tios ets jëtu'un'äämpy ni'ikyë ja Wintsën tyajjoot'anpëjky, mëti'ipë ënety ja y'aptëjk të t'ëwtatën.

2 Crónicas 28:23

Ni'ikyënëm ojts ja wyintsë'kën tmo'oy ja tios mëti'ipë Damaskë ja'ay y'ëwtajtëpën, yë'ë ojts yajtëkoyë. Jëtu'un ojts myäy tyäjy pën tyaapë tios yë'ë të tputëkë yë Sirië yajkutujkpë näjyëtu'un nëjkx pyutëkëty ko tmo'ojëty yë wyintsë'kën. E yë'ë ni'ikyënëm ojts o'ktëy yajjatyë ets o'ktëy ja nyaax kyajpn tyajjajty tyajkëpejty.

1 Reyes 13:1

Yë Jeroboam yë'ë ënety jam pyëjktäkpy yë poom ma wintsë'këntyaknën, ko tu'uk yë Wintsën yë kyäjpxynyajxpë jyä'äjty jam Betel, Judá tsyoony, Wintsën ënety të kyexyë.

2 Reyes 16:11

ja teety Urías ojts tu'uk ja wintsë'këntyakn tyajkojy, jëtu'un tä ënety jam nokykyijxy myinyën, mëti'ipë ja yajkutujkpë Acaz të tkexyën jam Damaskë ets jëjp'ixy ojts tyaj'ity jëna'a ja yajkutujkpë Acaz wyimpity jatëkok ko jam tsyoonëty Damaskë.

2 Reyes 16:13

ojts no'oky xämy ja y'ääypyajk y'ujts pajk, tpiky t'e'kxy ja y'uuky ets näjyëtu'un tuknixijkxy ja ne'pny ja wintsë'këntyakn mëët ja mëti'ipë ënety të tyajpëtsëmyën ma ja jëyujk të tyaj'ookyën, tuny jëtu'un ja nay'ëëw'oy näykyajpx'oyë.

1 Reyes 12:33

Ma myajkmokx anyën ja mëtuktujkpo'opë, jää ojts ja Jeroboam tu'uk ja wintsë'kën tyäky ma ja wintsë'këntyaknën mëti'ipë ënety jam Betel të t'oytyunyën. Ya'atë xëëw kë'ëm ojts tpëjktä'äky ets tnikäjpxy ko tmëjjawëtëty ja Israel ja'ayëty, jä'ä po'o jam pyejty ma ja wintsë'këntyaknën ets jam tyajtoyä'äny ja poom.