2 Reyes 16:10 - Biblia Dc en Mixe de Quetzaltepec

¹⁰ Ko ja yajkutujkpë Acaz ojts jam nyijkxy Damaskë ets mëët nyäpyaata'anyë ja Tiglat-piléser, ja Asiria yajkutujkpën, ënät t'ijxy ja wintsë'këntyakn. Ënet tuknikejxy tu'uk ja noky ma jap myinyën këxkeetsy wi'ix ja wintsë'këntyakn y'ixëtyën e yë'ëts yajnikojtu'utëp ja teety Urías,

Biblia Mixe de Quetzaltepec

¹⁰ Ko ja yajkutujkpë Acaz ojts jam nyijkxy Damaskë ets mëët nyäpyaata'anyë ja Tiglat-piléser, ja Asiria yajkutujkpën, ënät t'ijxy ja wintsë'këntyakn. Ënät tuknikejxy tu'uk ja noky ma jap myinyën këxkeetsy wi'ix ja wintsë'këntyakn y'ixëtyën e yë'ëts yajnikojtu'utëp ja teety Urías,

2 Reyes 16:10 ပူးပေါင်းရင်းမြစ်များ

Romanos 12:2

Këtii m'ëkjuuky'ajnëtëty ijxtëm ja ja'ayëtyën mëti'ipë ja naaxwiinyëtë winma'any yajtuuntëpën, yajtëkatstë ja mwinma'anyëty ets ja mjuukyajtënëty, jëtu'un xynyijawëtëty mëti'ipë ja Dios tsyojkpyën, mëti'ipë oyën, mëti'ipë y'oyjya'apën ets mëti'ipë mëtëyën.

Isaías 8:2

Yë'ë m'ënëëmëp yë teety Urías ets teety Zacarías ets t'ixtëty mëti'ipë ënety mjääpyën.

1 Pedro 1:18

Dios miitsëty të myajpëtsëmëtë ma ja juukyajtën najtspëkëpë mëti'ipë ojts mtukumayëtën yë m'ap m'okëty; ets wa'ats xynyijawëtë ko tëë këjää tsyowpaaty ko të m'ëwaatsëpëtsëmtë. Ka'ap yë'ëjëty meeny, pu'ts pujxn ets poop pujxn të yajtukujuy mëti'ipë ma'tpën ets tëkoopyën,

Mateo 15:9

Nëkoopë nyätyijëtë koos xywyintsë'ëkëtë; yë y'ijxpëjkënëty, ja'ay yë y'ënä'ämën.

Mateo 15:6

ets ko pën jëtu'un y'ënä'äny, ka'ap ja tyaak tyeety atsip t'ëkputëjkënë. Paaty miitsëty tëë ja Dios ja y'aaw y'ayuk xyajkutëkooyëtë mëët ko jëtu'un winë xytyuntë ijxtëm ja mkë'ëmjot mkë'ëmwinma'anyëtyën.

Ezequiel 43:11

Pën tsyëtyu'un ja'awëtyëp ja nyëë pyokyëty mëti'ipë të tuuntëkoytyën, tukmëmëtya'ak wi'ix y'ixë'ata'anyën ja tsajptëjk ets wi'ix jap jootjoty kyëxë'ëka'anyën, wi'ix ja nyitëjkëtyaknën ets wi'ix ja pyëtsëëmtaknën, tu'kë'ëyë wi'ix y'ixë'ata'anyën, näjyëtu'un ja ënä'ämën kuttujkën mëti'ipë pyatuntëpën. Myajkojta'ajëp tu'kë'ëyë ya'atë ets tja'akyukëtëty yajxon. Mkëxjaaytya'ajëp näjyëtu'un ja ënä'ämën kuttujkën ets tjëkyäpëty wi'ix tpatuntëtyën.

Ezequiel 43:8

ets ka'ap nëjkx t'ëkojnëtë yë kyutujkëntëjk ets jam tpëjktakëtëty yë nyitëjk'aaw winkon maas yë ntëjkën ets nëjkx yi'iyë tu'uk potsy t'akojtuk'aty. Yë'ëjëty ojts yë nxëëwës nëxi'ik tukxi'iktë ko aakjä'ä tyuuntë mëti'ipës n'ëxëëk'ijxypyën; paatykyëjxmës ëjts njoot'anpëky etsës nyaj'o'ktaaytyë.

Jeremias 10:2

Jëtu'un yë Wintsën y'ënä'äny: Këtii jëtu'un tii xytyunëty tä wiinkëtypë naax kajpnën.

Salmos 106:39

Yë'ëjëty ojts nyäyaj'ëxëëkëtë, mëët ja y'ëxëëktu'un y'ëxëëk kajpxën.

1 Crónicas 28:19

Tëkokyë ya'atë aak këxja'ay myiinta'ay ma tu'uk yë nokyën mëti'ipë ënety yë Wintsën kë'ëm të timnyaskajpxën ets David tkujaaytyääy, ma tnikäjpxyën wi'ix mëpaat ja Wintsën ja jyëën tyëjk yajkojy ets wi'ix ja tuunk tyu'uye'eyëty.

2 Reyes 15:29

Ma ënety ja Peka yajkutukyën jam Israel, ënety jyä'äjty jam yë Tiglat-piléser, jampë yajkutukyën Asiria ets ojts tjä'äpëky Iión, Abel-bet-maacá, Janoa, Cedes, Hazor, Galaad, Galilea ets tëkokyë jënu'un ja Neftalí ja y'itjotmën ets ja ja'ayëty mëti'ipë ënety jam tsënaaytyëpën aakjam ojts tsumy matsy nyëjkxta'atë Asiria.

Éxodo 39:43

Ko ja Moisés t'ijxy, ko ja ja'ayëty mëj këjää të tyuntë, ënät ojts ni'ëmukë tkënu'kxta'ay.

Éxodo 24:4

Yë Moisés ojts tjaaypyäjta'ay tëkokyë mëti'ipë ënety ja Dios të tnikäjpxyën, ko kyomjëpom'ajty, tsojk ojts myä'äypyëtë'kojy ets t'oytyuuny tu'uk yë wintsë'këntyakn jam ma kopk'ëjxën, majkmäjtsk ojts ja tsaa tkoontä'äky jëtu'un ijxtëm ënety ja Israel ja'ayëty ja tyeety y'apetyën nimajkmäjtskpë.

2 Reyes 16:11

ja teety Urías ojts tu'uk ja wintsë'këntyakn tyajkojy, jëtu'un tä ënety jam nokykyijxy myinyën, mëti'ipë ja yajkutujkpë Acaz të tkexyën jam Damaskë ets jëjp'ixy ojts tyaj'ity jëna'a ja yajkutujkpë Acaz wyimpity jatëkok ko jam tsyoonëty Damaskë.

2 Reyes 21:4

ojts jap tsajptëkoty, ma ja Wintsën ja tyëjkën tyaj'oyë kanaak ja wintsë'këntyakn, mëti'ipë ja Wintsën ojts tnikäjpxyën ko jämyë ja xyëëw yaj'ëwtatëty ma Jerusalén kajpnën.

Ezequiel 16:28

E kä'äpyëm mku'uxyë paaty ojts yë mjot mnini'kx xyäky ma Asiria ja'ayëtyën ets kä'äpyëm mjotkëtäky.

Ezequiel 44:12

Jä'ä ko yë'ëjëty ojts ja Israel ja'ayëty tyuktunëtë ja ëxëëkpë ko ojts ja wiink tios t'ëwtatë ets jëtu'un yajpokytyuunëtë. Paatykyëjxm nëjkx tkumëtowtë ja nyëë pyokyëty. Ëjts Wintsën, ëjts ënaanp.

Josue 22:28

Ëëtsëty jëtu'un të nmay të ntajtës, ko ënety pën jëna'a xy'ënëëmëtës ko ëëtsëty ets n'u'unk n'okëtyës, nëjkxëpës n'ëtsowtë: Ix, yë n'ap n'okëtyës yë'ë ojts ya'atë wintsë'këntyakn tkojtë, e kajts ojts yë'ë tuknikojëtë ets jam ja wintsë'kën yajyakëty, paatykyëjxm ojts yajkojy ets yë'ë ijxpät wya'anëty ma ëëtsajtëmën.