2 Reyes 15:37 - Biblia Dc en Mixe de Quetzaltepec

³⁷ Jä'ä xëëw jä'ä jëmëjt ojts yë Wintsën kë'ëm tkexy yë Rezin mëti'ipë ënä'ämpën ma Siria ja'ayëtyën ets ja Peka Remalías yë myaank ets tsyiptuna'antë mëët yë Judá.

Biblia Mixe de Quetzaltepec

³⁷ Jä'ä xëëw jä'ä jëmëjt ojts yë Wintsën kë'ëm tkexy yë Rezin mëti'ipë ënä'ämpën ma Siria ja'ayëtyën ets ja Peka Remalías yë myaank ets tsyiptuna'antë mëët yë Judá.

2 Reyes 15:37 ပူးပေါင်းရင်းမြစ်များ

Isaías 7:1

Ja yajkutujkpëtëjk mëti'ipë xyëëwajtëpën Resin, Siria ja'ayëty ets ja Pecah, Israel ja'ay, yë myaank yë Remalías; ojts tjanitëkëtë tëkok yë Jerusalén kajpn, je'eyëp ko ka'ap ojts myëta'aktë. Jää ojts jëtu'un tyunyë jyätyë ma ënety yajkutukyën yë Acaz, yë Jotam yë myaank, yë Ozías y'ok'u'unk, mëti'ipë jam Judá yajkutujkpën.

2 Reyes 16:5

Jä'ä xëëw jä'ä jëmëjt, yë Rezin, mëti'ipë jam yajkutujkpën Sirië ets Peka, yë myaank yë Remalías, jampë yajkutukyën Israel, ojts jam nyëjkxtë Jerusalén ets tniwaka'antë. Jëtu'un tyajnatujktë ja Acaz, je'eyëp ko ka'ap ojts tjëkyepy tnitëkëtëty.

Lucas 21:28

Ko jëtu'un tsyo'onta'akëty ja ëyo'on, akujk jotkujk mnäjyawëtëty, jä'ä ko yë'ë ënety wiinkoonp ja nyixëëw ja nitsokën.

Jeremias 43:10

ets xy'ënëëmëtëty: Yë Wintsën, mëti'ipë maaytyääyëtëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Yë'ëjës nyajminäämpy yë ntuunpës Babilonyë yajkutujkpën ets y'ënä'ämtakn npëjkta'akanës ma yaa tsaa nitajy y'ityën.

Jeremias 25:29

Jä'ä ko jamës nyajtso'onta'aka'any yë ëyo'on jotmay ma ja kajpnën mëti'ipës ojts ëjts njayajtuknikënu'kxën. ¿E miits m'ënantëp ko ka'ap myajtëytyuntëtyë? Miitsëty ka'ap myajnimä'kxa'antë, jä'ä ko nyajtso'onta'akäämpyës yë tsip ma tëkokyë yë naax kajpn yajpaatën. Ëjts Wintsën mëti'ipë maaytyääyëpën winë, ëjts ënaanp.

Jeremias 16:16

Ëjts Wintsën jëtu'unës n'ëna'any: Nyajminäämpyës ja'ay mëti'ipë nëë jëyujk majtstëpën ets tmatstëty ja Israel ja'ay. Ok nyajmina'anyës nimay mëti'ipë aayjëyujk ujtsjëyujk y'ijxtaaytyëpën ets tmajtsmuktëty ja Israel ja'ayëty tunkëjxmëpë kopkëjxmëpë tsyëënëtën.

Isaías 7:8

Jä'ä ko yë Siria ja'ayëty timjëtu'un yë tyu'unënëty kyajpxënëty tä yë Damaskë ja'ayëty y'ijtën, e yë Damaskë ja'ay yë'ë ënä'ämëtëp yë Rezin; e yë Efraín ja'ayëty je'eyë jyaak juuky'ata'antë ja tëkë'px mëkoxk jëmëjt tääts ja nyaax kyajpn kyutëkoya'antë.

Salmos 78:49

Dios ojts jëtu'un yë tsyip y'äkë tnajtsmatsë; yë joot'an, tëytyu'unën ets monyëtukyë, mëti'ipë ojts tnikajpxtën ko ënety ëyo'on y'ita'any.

2 Crónicas 28:6

Jam ijty tu'uk yë ja'ay yajpaaty, jä'ä xyëëwajtyp Pécah, jä'ä ojts yë Judá ja'ay tyaj'ooky mëko'px ja i'px mil, aakjä'ä ja mëti'ipë mëj'äämpy ijtëpën jam Judá. Jëtu'un tkëpäjtë mëët ko ënety ka'ap ja Wintsën të tmëj'ixtën, mëti'ipë y'aptëjk y'ëwtajtën.

2 Reyes 10:32

Jä'ä xëëw yë Wintsën ojts tjëpëjkë ja Israel ja'ayëty ja nyaaxjot. Yë Hazael ojts tnipëtë'ëky ja Israel ja'ayëty jampaat ma ja tsyëpa'an nyaxtën ets maajaty ja tsëpa'an tmëët'atën:

1 Samuel 3:12

Ko ënety jëtu'un ja xëëw jëmëjt jyä'ty, jëtu'unës nëjkx winë ntuny tääjës të nikäjpxyën mëëtpë yë Eli y'u'unk tyo'oxytyëjk.

Deuteronomio 28:48

Yë mmëtsiptëjk yë'ë nëjkx xymyëtuny mëti'ipë ja Wintsën të mtuknikexyën ets ëxëëk mtunëtëty. Nëjkxëp m'ayuu'aty m'axëëw'aty, nëjkxëp ja nëëtëëtsë xymyënaxy xyajnaxy, ni mwit ni mtujkxy nëjkx kyaka'ty, o'ktëy mjat mkëpätëty. Yë Wintsën nëjkx jëtu'un myaj'ëyoyë, koonëm m'ookëty mtëkoyëty.

2 Reyes 15:36

Ja nyimëtyä'äky ja Jotam ets tëkokyë mëti'ipë tyuunën, jap myiinta'ay këxja'ay ma ja nokyën, mëti'ipë nyoky'ajtëpën ja yajkutujkpëtëjk jampë ojts y'ënä'ämtën Judá.

2 Reyes 15:38

Paaty ko ja Jotam ojts y'o'knë, jam tyajnaaxtëjkëtyë ma ja David ja kyajpnën, mëti'ipë y'ap'ajt y'ok'ajtën. Ko y'o'ky yë'ë ojts kyutëkëty yë myaank Acaz.

2 Reyes 15:27

Ma wëxtyikxy myajkmäjtsk jëmëjt y'apetyën, ma yajkutukyën ja Azarías, jam Judá; jää ojts tyëkë yajkutujkpë yë Peka, yë Remalías yë myaank, jam Israel ets i'px jëmëjt ojts y'ëne'emy jam Samaria.