2 Reyes 15:32 - Biblia Dc en Mixe de Quetzaltepec

³² Ma ënety myëmäjtsk jëmëjtpetyën, ma yajkutukyën yë Peka, myaank yë Remalías, jää ojts tyëkë yajkutujkpë jam Judá yë Jotam, myaank yë Uzías.

Biblia Mixe de Quetzaltepec

³² Ma ënäty myëmäjtsk jëmëjtpetyën, ma yajkutukyën yë Peka, myaank yë Remalías, jää ojts tyëkë yajkutujkpë jam Judá yë Jotam, myaank yë Uzías.

2 Reyes 15:32 ပူးပေါင်းရင်းမြစ်များ

2 Reyes 15:7

Ko yë Azarías y'o'ky, jam tyajnaaxtëjkëtyë ma ja David ja kyajpnën, ma nyaaxtëjkëtyën mëti'ipë yajkutujktën. Yë'ë kutëjkëyë ja myaank Jotam.

Mateo 1:9

Uzías yë'ë teety'ajtë Jotam, Jotam yë'ë teety'ajtë Acaz, Acaz yë'ë teety'ajtë Ezequías,

2 Reyes 15:27

Ma wëxtyikxy myajkmäjtsk jëmëjt y'apetyën, ma yajkutukyën ja Azarías, jam Judá; jää ojts tyëkë yajkutujkpë yë Peka, yë Remalías yë myaank, jam Israel ets i'px jëmëjt ojts y'ëne'emy jam Samaria.

2 Reyes 15:23

Ma ënety myajkmokx jëmëjtpetyën, ma ja Azarías yajkutukyën jam Judá, jää ojts jyëmëjttëkë yë Pekaia, yë myaank yë Menahem jam Israel ets jam yajkutujky Samaria mäjtsk jëmëjt.

2 Reyes 15:17

Ma ënety y'i'px majkmokx taxk jëmëjtpetyën, ma ja Azarías tyëkën yajkutujkpë jam Judá, jää ojts yë Menahem, yë myaank yë Gadí, tyëkë yajkutujkpë jam Israel ets majk jëmëjt ojts y'ëne'emy jam Samaria.

2 Reyes 15:13

Yë Salum, yë myaank yë Jabés, jää ojts jyëmëjtëkë, ma ënety i'px majkmokx majktaxk jëmëjt yajkutujknën yë Uzías, jam Judá. Je'eyëp ko yë'ë je'eyë ojts tu'kpo'o jam Samaria yajkutuky,

2 Reyes 15:1

Ma ënety y'i'px wëxtujk jëmëjtpetyën, ma ja Jeroboam yajkutukyën, jampë Israel y'ëne'emyën, jää jëmëjt ojts yë Azarías, yë myaank yë Amasías tyëkë yajkutujkpë jam Judá.

2 Reyes 14:21

Ënet ja ja'ayëty mëti'ipë jam kukajpnajtëpën Judá ojts yë Azarías tnikajpxpätë ets yë'ë tkutëkëty ja tyeety Amasías ma ja kutujktaknën. Jä'ä ënety ja Azarías ja jyëmëjt majkmokx tu'uk,

2 Reyes 15:31

Ja nyikäjpxy nyimëtyä'äky ja Peka ets tëkokyë mëti'ipë tyuunën kyajpxën, jap ja myiinta'ay ma nokyën mëti'ipë nyoky'ajtëpën yë kutujkëntëjkëty jampë ojts y'ënä'ämtën Israel.

2 Reyes 15:33

Jä'ä ënety yë jyëmëjt i'px mëkoxk ko tyëjkëy jam Jerusalén yajkutujkpë ets jä'ä ojts jam y'ëne'emy majkmokx tu'uk jëmëjt. Yë tyaak jä'ä ijty txëëwaty Jerusá, yë'ë nyëëx yë Sadoc.

1 Crónicas 5:17

Tëkokyë ya'atë ja'ayëty aak jää ojts yajkuja'ayëtya'atë nokyjoty ko yajkutujky ja Jotam, ma ja Judá ja'ayëtyën ets ko yajkutujky ja Jeroboam ma ja Israel ja'ayëtyën.

Isaías 1:1

Mëti'ipë yë Jeséas y'ijxën myëtoowën, Amós yë myaank, ma ja Jerusalén yajnikäjpxyën ets Judá, ma ënety yajkutukyën yë Uzías, Jotam, Acaz ets Ezequías, mëti'ipë jam Judá ënä'ämtën.

Miqueas 1:1

Ya'atë aaw'ajtp ayuk'ajtp, mëti'ipë ojts yë Wintsën tuknikexyën yë Miqueas mëti'ipë jam Moréset kukajpn'ajtpën ets mëti'ipë ojts tuknijawën kuma'ayjoty wi'ix jyata'any kyëpäta'anyën yë Samaria kajpn ets Jerusalén kajpn, ma ënety yajkutuktë ja Jotam, Ahaz ets Ezequías jam Judá.

2 Reyes 15:5

Yë Wintsën ko jëtu'un t'ijxy, ojts ja yajkutujkpë tëytyuny mëët tu'uk yë pu'uts pa'am mëti'ipë ja'ay tyijtëpën lepra, yë'ë ënety pëjkëp ko ojts y'o'knë, jam jëkäm jyaak jyuuky'äjty, myëjëkäm'ajtyp ja kyutujkëntëjk, wiink ja'ay ojts ja tuunk tjaak yajtu'uye'ey mëti'ipë yë'ë ja patëpën; ja myaank Jotam jä'ä jaakkutëjkëyë ets ojts yë'ë yajkutuky ma ja naax kajpnën.

2 Reyes 15:30

Ënet ja Oseas, yë myaank yë Elá, tnikäjpxytyu'unëy yë Peka, yë myaank yë Remalías, ojts tnipëtë'ëky ets tyaj'o'ky. Ko y'o'ky tääts ojts yë'ë tkutëkë, ma ënety më'i'px jëmëjt tyunyën ja Jotam, yë myaank yë Uzías.