2 Reyes 15:29 - Biblia Dc en Mixe de Quetzaltepec

²⁹ Ma ënety ja Peka yajkutukyën jam Israel, ënety jyä'äjty jam yë Tiglat-piléser, jampë yajkutukyën Asiria ets ojts tjä'äpëky Iión, Abel-bet-maacá, Janoa, Cedes, Hazor, Galaad, Galilea ets tëkokyë jënu'un ja Neftalí ja y'itjotmën ets ja ja'ayëty mëti'ipë ënety jam tsënaaytyëpën aakjam ojts tsumy matsy nyëjkxta'atë Asiria.

Biblia Mixe de Quetzaltepec

²⁹ Ma ënäty ja Peka yajkutukyën jam Israel, ënäty jyä'äjty jam yë Tiglat-piléser, jampë yajkutukyën Asiria ets ojts tjä'äpëky Iión, Abel-bet-maacá, Janoa, Cedes, Hazor, Galaad, Galilea ets tëkokyë jënu'un ja Neftalí ja y'itjotmën ets ja ja'ayëty mëti'ipë ënäty jam tsënaaytyëpën aakjam ojts tsumy matsy nyëjkxta'atë Asiria.

2 Reyes 15:29 ပူးပေါင်းရင်းမြစ်များ

1 Crónicas 5:26

Paatykyëjxm ja Wintsën nän kë'ëm ojts naskajpxë ets ja Pul wyinma'anypyaatëty, mëti'ipë Tiglat-piléser xyëëwajtypyën, ja Asiria yajkutujkpë ets tmëtsiptsoonëty ja Israel ja'ay; jëtu'un tyajnëjkxtaay tsumy matsy ja Rubén ja'ayëty, Gad ja'ayëty ets nikujkwä'kxy ja Manasés ja jyä'äy; jam ojts yajmënëjkxtë Halah, Habor, Hara ets ma ja Gozán mëjnëë jyënäkyën, ma tyampaat yajpaatën.

2 Reyes 17:6

E ma tyaxtujk jëmëjtpäjtnën ma ja Oseas yajkutukyën, ja Asiria yajkutujkpë jää ojts tmëmëtaknë ja Samaria ja'ay ets ja Israel ja'ayëty ets tyajnëjkxtaay ni'ëmukë jam Halah, ma ja Habor ja y'itjotmën, jam Gozán ma ja mëjnëë jyënäkyën, mëti'ipë nyiwantëpën ja Medos ja'ayëty.

2 Reyes 16:7

Ënet yë Acaz tkejxy yë kyukäjpxy jam ma Tiglat-piléser, jampë yajkujkyën Asiria ets t'ënëëmëty: Ya'atë mtuunpë jëtu'un yë'ë tä jeexyë xy'u'unk'atyën. E paaty yam npëjktsoyë ets minëty poj'am, minës nitsiptuunk maas yam yë yajkutujkpë Sirië ëxëëk xytyunyën.

1 Reyes 15:20

Ben-adad ojts tkupëky ijxtëm ja yajkutujkpë Asá y'ënë'ëmxëtyën, paaty tkejxy ja tsyiptuunpëtëjk ets ja Israel kajpn tnitëkëtëty, ojts kanaak ja kajpn tmëmëtä'äky: Iión, Dan, Abel-bet-maacá, tu'kkë'ëyë ja itjot ma txëëwatyën Quinéret ets ma ja Neftalí ja jyä'äy tnitänën.

Josue 20:7

Ënet ja Israel ja'ayëty ojts tjantywyin'ixtë ja kajpn mëti'ipë tsoktakn wa'anëpën ma ja ja'ay kyäktso'oktëtyën, yë'ë ojts twin'ixtë ja Quedes kajpn. Jampë Galilea kopkjotm yajpaatyën mëti'ipë ja Neftalí nyitënääpyën; ja Siquem jampë kopkjotmën mëti'ipë Efraín nyitënääpyën; ja Quiriat-arbá mëti'ipë näjyëtu'un yajtijpën Hebrón ma ja kopkjotmën mëti'ipë yë Judá nyitënääpyën.

2 Crónicas 16:4

Ben-adad y'oymëtoow ijxtëm ja Asá y'ënë'ëmxëtyën, paaty tkejxy ja tyuunpëtëjk mëti'ipë tsiptuuntëpën ets tnitëkëtëty ja Israel ja'ayëty ma kyajpnëtyën. Jëtu'un tjä'äpëjktë ja Iión, Dan, Abel-maim ets tëkokyë ja naax kajpn mëti'ipë jamën ma ja Neftalí jyä'äyëty jyi'kxy pyiky tpëjkë'ëktën.

Jueces 4:2

Paaty ojts yë Dios tyukjoot'anpëkëtë ets y'ëxmajtsëtë. Ënet yë Jabín myiiny ets yë'ë yajnëjkxëtë, jam ënety y'ëne'emy Canaán ets jam ja kyutujktakn Hazor. Ja tsyiptuunpë wintsën jä'ä ijty txëëwëty Sísara, jam tsyënaay Haróset-goim

Josue 19:37

Quedes, Edrei, En-Hasor,

Josue 11:1

Ko yë Jabín, Hasor yajkutujkpën tnija'awëy mëti'ipë ënety të tyuny të jyätyën, ënät ojts tu'uk ja käjpxytyu'unën tyaj'apaatë mëët ja Jobab mëti'ipë jam ënä'ämpën Madón ets mëët ja yajkutujkpëty mëti'ipë jam ënä'ämtëpën Simrón ets Acsaf,

Amós 1:13

Jëtu'un yë Wintsën y'ënä'äny: Yë Amón ja'ayëty mëj këjää yë nëë poky të tuuntëkoytyë paaty kopkpëky koos ntëytyuna'antë; jä'ä ko yë'ëjëty ko ja nyaax kyajpn tyajmëjëjantë, yaj'o'ktë ja to'oxytyëjk mëti'ipë ënety u'unk maay nyëkëjxm'ajtëpën ets tmoxmëtsujkëtyääytyë mëti'ipë jam Galaad yajpatëpën.

Amós 1:3

Jëtu'un yë Wintsën y'ënä'äny: Yë Damasco ja'ayëty mëj këjää yë nëë poky të tuuntëkoytyë, ka'apës jëtu'unyë nyajninaxa'any; jä'ä ko jëtu'un yë Galaad ja'ay të twop të tka'atstë tä ja'ay twinwopyën yë tsajpmok mëët yë pujxn ko tyajpajk'aty.

Isaías 7:20

Nëjkxëp ja Wintsën tyajtuunkpaaty ja Sirië yajkutujkpë, jëtu'un tyajtuna'any tä tu'uk yë tsujknën mëti'ipë jëkäm tso'onpën, jamtsow y'ëwtita'any Éufrates ets yajnijäpa'antë yë Israel ja'ayëty, yajjäjpta'ajaanp yë kyëpajkëty, y'awaayëty ets o'ktëy yajpëjkta'aka'antë.

Isaías 1:7

Anë'ëk tëëtsë'ëk ja mnaax mkajpn të wyë'ëmnë, aak tooy aak jäämnëp je'eyë ja naax kajpn. Ma mjëën mtëjkëtyën ja mmëtsip jap winë jyë'kxtëp mëti'ipë miitsëty të xynyitunëtën.

2 Reyes 17:23

Tä ja Wintsën ojts tim'ëxmajtsnë ja Israel kajpn, jëtu'un tä ënety të t'akäjpxyën mëët ja kyäjxynyajxpëtëjk, paaty ojts ja Israel ja'ayëty yajmënëjkxnëtë tsumy matsy jam Asiria, ma tyampaat yajpaatën.

1 Reyes 9:11

mëti'ipë ja Hiram nyiyajkëyën jampë yajkutukyën Tirë. Hiram ojts tmo'oy ja Salomón may ja oy kepy, ja ajë kepy ets ja juunkepy, ëpëky may ja pu'ts pujxn jëtu'un tä ënety tyajmëyätyën ja Salomón. E ja Salomón ojts tmo'oy ja Hiram majk ja kajpn jam Galilea.

Josue 16:6

Jamts tsyoony yë wiinkpë ets jyä'ty ma Mejyën Naax'akujkpyë. Ja it naaxwiinyëtë jampë yajpaatyën anëkëjxmtsow jä'ä tu'k'it yajtijy Micmetat, jam tsyoony ja tsëpa'an ets nyijkxy a'oytsyow ma txëëwatyën Taanat-siló ets tuknaxy ja it naaxwiinyëtë mëti'ipë xyëëwajtypyën Janóah,

Josue 12:19

Madón, Hasor,

Josue 11:13

Jä'ä tëy ja kajpnëty jampë yajpaatën tunkëjxm ka'ap ja Israel ja'ayë tyajtooytyë, yi'iyë ojts tyajtoytyë ja Hasor kajpn.

Josue 11:10

Ko wyimpijnë jam ojts nyijkxy Hasor, ma ënety ja yajkutujkpëtëjk ja käjpxytyu'unën të tuntën. Ko jam jyä'äjty tä ojts tyaj'ooky ja yajkutujkpë jampë y'ëne'emyën,

Deuteronomio 28:25

ets mnakëty. Ko ja mëtsip xyanitsoonëty, je'eyë xywyinku'ixëty ko nimay mniminyë, tääts poj'am mkä'äkëty, mijts ko ënety ëxëëk'o'ktëy mjajnë mkëpäjnë, yë'ë nëjkx ja wiink naax wiink kajpn xytyuk'atsë'ëk xytyuk'ajawë.

Deuteronomio 3:15

Yë Maquir yë'ëjës ojts nmo'oy yë Galaad yë y'it nyaaxwiinyëtë.

1 Reyes 14:15

Tyam ets jëtu'un tyu'uye'eyä'äny, yë Wintsën jëtu'un txijt yu'kxa'any yë Israel kajpn tä aay kepy xyijtyu'kxyën ko yë mëj nëëkom jyënäky. Nëjkxëp tkë'ëtsë'ëky ma ya'atë naax kamën oypyë tsujpë ets tyajwojpkëtaka'any jëkäm, tyimninaxëp ja mëjnëë mëti'ipë yajtijpën Éufrates, mëët ko të tyajnikojtutpë ja Astarté ka'apë Wyintsënëtyën, ka'apë mëpaat yaj'ëwtatyën, mëti'ipë mëët ja naax kajpn mëj këjää të tyajpokytyunyën mëti'ipë ja Wintsën të tukyajjoot'anpëktën.

2 Reyes 15:19

Jä'ä xëëw jä'ä jëmëjt, yë Pul, jampë yajkutukyën Sirië, tnija'ajty yë kajpn ets tyajnatujky, e yë Menahem jä'ä ojts tmo'oy yë poop pujxn i'px majktëkëëk kilë, yë'ë nätyukputëkëtëp ets ja kyutujkën tyajmëkta'akëty.

2 Reyes 15:28

E ja tyu'unën kyajpxën ka'ap ojts ja Wintsën oy t'ixy, jä'ä ko ka'ap ja nëë poky t'ëxmajtsy mëti'ipë ënety ja Jeroboam ja myaank ja Nabat, të tukyajpokytyunyën ja Israel ja'ayëty.

2 Reyes 15:30

Ënet ja Oseas, yë myaank yë Elá, tnikäjpxytyu'unëy yë Peka, yë myaank yë Remalías, ojts tnipëtë'ëky ets tyaj'o'ky. Ko y'o'ky tääts ojts yë'ë tkutëkë, ma ënety më'i'px jëmëjt tyunyën ja Jotam, yë myaank yë Uzías.

2 Reyes 16:10

Ko ja yajkutujkpë Acaz ojts jam nyijkxy Damaskë ets mëët nyäpyaata'anyë ja Tiglat-piléser, ja Asiria yajkutujkpën, ënät t'ijxy ja wintsë'këntyakn. Ënet tuknikejxy tu'uk ja noky ma jap myinyën këxkeetsy wi'ix ja wintsë'këntyakn y'ixëtyën e yë'ëts yajnikojtu'utëp ja teety Urías,

2 Reyes 17:20

Paatykyëjxm ja Wintsën ojts tim nyas'ijxënyë ja Israel ja'ayëty ets ëxëëk jyajtë kyëpäjtë, ma ëxëëk tyuunëtën ja mëti'ipë yajja'ay'o'ktëpën; koonëm jam y'ëxwojpëtë ma ja nyaax kyajpnëtyën, kyë'ëyajktaayëtë ma ja mä'tspëtëjkëtyën y'ijxwojpëtë Wintsën wyintum.

1 Crónicas 5:22

May ja mëtsip y'o'ktë jä'ä ko yë'ë Dios kë'ëm tim tsiptuun. Paatykyëjxm jam tsyënaaytyaknpëjktë mëti'ipë mëtaktën, koonëm ja wiink kajpn ojts ok myëmëta'ëkëtë.

Nehemías 9:32

Paaty ënät yam myaj'ënëëmë mijts Wintsën, ma myajTeety'äty myajTios'atyën, mëti'ipë mëjën, mëti'ipë maaytyääyëpën winë ets kutsë'ëkë; ma mijts xykyuuytyunyën ja m'aaw m'ayuk ets mtsojkën mja'awën, ja'atyëkoy ja nyëë pyokyëty ëëts ja n'ap n'okëty, ëëts ja nyajkutujkpëty, ja nkopktëjkëty, ja nteetyëjkëty ets ja nwinkajpxpëtëjkëty ets tëkokyë ja naax kajpn mëti'ipë ijty ënä'ämëtëpën Asiria ja'ayëty ets mëti'ipë tyampaatën.

Isaías 37:18

Wintsën, mëtëy yë'ë ko Asiria ja'ayëty tëë ja naax kajpn tyaj'akëkooytya'atë tëkokyë mëët y'itjot nyaaxjot,

Josue 19:35

Ja kajpnëty mëti'ipë ënety naapotsyëtyën mëti'ipë yë'ë yajmooytyën, yë'ë ojts y'itë mëti'ipë xyëëwajtëpën Sidim, Ser, Hamat, Racat, Quinéret,

Jueces 18:30

Jamts ojts ja Dan ja'ayëty tpëjkta'aktë ja kepy tsyetsy mëti'ipë ënety nikoyën mëët ja poop pujxn ets yë'ë t'ëwtata'antë, yë'ë ojts tyajteety'atë ja Jonatán, yë myaank yë Guersón, yë y'ok'u'unk yë Moisés. Kom'ok yë Jonatán yë y'u'unk y'ëna'këty yë'ë ojts tyeety'atë ma ja Dan ja'ayëtyën, koonëm jatëkok jam yaj'ëxwojptë.

2 Reyes 8:11

Tä ja Elisejë twintë'kxpejty ja Hazael pety jënäky, ja Hazael ka'ap oy nyäjya'awëyë ko jëtu'un ja Elisejë wyintë'kxyë. Tä ja Elisejë tyëjkëy yaxpë,

2 Reyes 15:20

Ja meeny mëti'ipë ënety yajmo'ojaanpën ja Asiria yajkutujkpë, yë'ë ojts yë Menahem t'amëtoy ja kumeenyjyä'äytyëjkëty ets këëk kujkmtsim tyaktëty ja poop pujxn. Jëtu'un'äämpy ja Asiria yajkutujkpë yajmëjuyëty, paaty ojts ka'ap nëkoo t'ëkmëma'ayënë ja kajpn.

2 Reyes 18:11

Ja Asiria yajkutujkpë ojts tyajnëjkxta'ay ja Israel ja'ayëty jam ma kyajpnën ets jam tpëjktaktaay ma ja it naaxjot txëëwatyën Halah; ma ja Habor y'itjotmën, jam ma Gozán mëjnëëjën, ma ja ja'ayëty tsyëënëtën mëti'ipë yajtijtëpën medos.

2 Reyes 19:11

Mijts wa'ats xynyijawë tiijaty yë Asiria kyutujkpëtëjkëty të tuntën maajaty yë naax kajpn të tnitëkën. ¿Ets ënät mijts ka'ap wi'ix mjatëtyë?

Isaías 7:16

E ka'anëm ënety ja pi'k ëna'k yajxon wyinma'anytyëkënëm ko ja mäjtskpë ja kajpn wyë'ëma'antë tukwa'ats mëti'ipë tyam yajtsë'këtëpën.

Ezequiel 23:9

Paatyës ojts ntimy kyë'ëyäky ma ye'etyëjktëjkën mëti'ipë yë'ë tsyojkën'ajtypyën, yë Asiria ja'ayëty.

Amós 5:27

Paatykyëjxm n'ëxwojpta'aja'antë, tsumy matsy nyajnëjkxta'aja'antë wiink naax wiink kajpn, mwinaxtëp yë Damasco kajpn. Yë Wintsën jëtu'un ënaanp, yë Dios mëti'ipë maaytyääyëpën winë ets jëtu'un txëëwaty.

Amós 6:14

E mëmay mëtajtë yajxon, miitsëty Israel ja'ayëty; yë Wintsën, Dios mëti'ipë maaytyääyëpën winë, jëtu'un y'ënä'äny: Nkäxäämpyës tu'uk yë naax kajpn mëti'ipë nëjkx ëxëëk mtunëtën ets nëjkx mëktuunk mtuktunëtë, jampaat anëkëxmtsow ets ëpa'tkë'ëmtsow.