2 Reyes 15:13 - Biblia Dc en Mixe de Quetzaltepec

¹³ Yë Salum, yë myaank yë Jabés, jää ojts jyëmëjtëkë, ma ënety i'px majkmokx majktaxk jëmëjt yajkutujknën yë Uzías, jam Judá. Je'eyëp ko yë'ë je'eyë ojts tu'kpo'o jam Samaria yajkutuky,

Biblia Mixe de Quetzaltepec

¹³ Yë Salum, yë myaank yë Jabés, jää ojts jyëmëjtëkë, ma ënäty i'px majkmokx majktaxk jëmëjt yajkutujknën yë Uzías, jam Judá. Je'eyëp ko yë'ë je'eyë ojts tu'kpo'o jam Samaria yajkutuky,

2 Reyes 15:13 ပူးပေါင်းရင်းမြစ်များ

2 Reyes 15:1

Ma ënety y'i'px wëxtujk jëmëjtpetyën, ma ja Jeroboam yajkutukyën, jampë Israel y'ëne'emyën, jää jëmëjt ojts yë Azarías, yë myaank yë Amasías tyëkë yajkutujkpë jam Judá.

Proverbios 28:17

Yë ja'ay mëti'ipë të yaja'ay'ookyën, xëmë je'eyë kyä'äka'any koonëm y'ookëty. Wä'än tnëjkx, ka'ap pën t'ëtukëty.

Proverbios 28:2

Ko naax kajpn ka'ap oy nyë'ëye'ey tyu'uye'ey, aak ënä'ämantëp jää ja'ay, e mëti'ipë tyukjajtypyën wi'ix tu'uwinwowëtyën yë nyaax kyajpn, nyija'ap wi'ix winë oy tyaj'itëtyën.

Salmos 55:23

Dios mëti'ipës nTios'ajtypyën, ka'ap jeky jyuuky'ata'any yë yaja'ay'o'kpë ets win'ë'ëmpë; mijts kë'ëm myajkutukëp ets kyuka'anaxtëty jap o'kpëjutjoty, e ëjts ënät, mijts tu'ut ntuk'ijxpätäämpy.

Job 20:15

Jëtu'un t'ix'ë'tsta'ay ja wit meeny mëti'ipë ja myëku'uk atsip të tpëjkën; Dios jap jyu'typ jyootjoty.

2 Reyes 15:8

Ma ënety y'i'px majkmokx tëkëëk jëmëjtpetyën ja kyutujkën yë Azarías jam Judá, jää ojts yë Zacarías, yë Jeroboam yë myaank tyëkë yajkutujkpë jam Israel ets jä'ä ojts jam y'ëne'emy Samaria tëtujk po'o.

1 Reyes 16:24

Ojts tjuy tu'uk yë naax jam ma ja Samaria kopkën, yë'ë Semer jyä'ä, jä'ä tkujuuy tëtujk kilë aak poop pujxn; jam ojts tu'uk tkojy ja kajpn, ma ja näkyëwent'atë y'itëtyën, jä'ä txëëwmooy Samaria, jä'ä ko ja mëti'ipë ijty nyiwintsën'ajtypyën jä'ä ijty txëëwaty Semer.

1 Reyes 16:15

Ma y'i'px wëxtujk jëmëjtpetyën, ma yajkutukyën yë Asá jam Judá, yë'ë ënety yë Israel ja'ayëty të tyajnatuktë yë Guibetón kajpn, filistejë ja'ay jam tsënaaytyëp, ko tyëjkëy yë Zimri yajkutujkpë jam Tirsá. Je'eyëp ko wëxtujk xëëw ojts je'eyë tyuny,

Isaías 1:1

Mëti'ipë yë Jeséas y'ijxën myëtoowën, Amós yë myaank, ma ja Jerusalén yajnikäjpxyën ets Judá, ma ënety yajkutukyën yë Uzías, Jotam, Acaz ets Ezequías, mëti'ipë jam Judá ënä'ämtën.

Oseas 8:4

Ëjts ka'apës tii të xyajtëwtë ko tpëjkta'aktë yë kyutujkpëtëjkëty ets të tnikajpxpätë yë wyintsëntëjkëty maas ka'ap të nijawën. Tëë twinpëjkmuk twintuunmuktë yë pyoop pujxnëty pyu'tspujxnëty ets y'awinax të t'oytyuntë ets kë'ëm nyäyajkutëkoya'anëtë.

Oseas 10:3

Ets ya'atë kajpn y'ëna'ana'any: Ka'ap nmëët'ajtëm yajkutujkpë jä'ä ko ka'ap të nwinkutsë'këmë yë Wintsën. E ¿tii jëtää tu'uk yajkutujkpë tyimtuumpy?