2 Reyes 15:12 - Biblia Dc en Mixe de Quetzaltepec

¹² Jëtu'un'äämpy ojts y'atëy ja Wintsën ja y'aaw y'ayuk, ko t'ënëmaay ja Jehú, ko ja y'u'unk y'ëna'k ja Jehú je'eyë taxk najtskä'äxë yajkutuka'antë jam Israel.

Biblia Mixe de Quetzaltepec

¹² Jëtu'un'äämpy ojts y'atëy ja Wintsën ja y'aaw y'ayuk, ko t'ënëmaay ja Jehú, ko ja y'u'unk y'ëna'k ja Jehú je'eyë taxk najtskä'äxë yajkutuka'antë jam Israel.

2 Reyes 15:12 ပူးပေါင်းရင်းမြစ်များ

2 Reyes 10:30

Ënet ja Wintsën t'ënëmaay ja Jehú: Mëët ko mijts oy winë të xytyuny ets tëë jëtu'un xytyuny tä ënety ntsokyënës ja Ahab jyatëty kyëpätëty, tyamës nikäjpxy ko yë m'u'unk m'ok nëjkxëp yajkutuktë jeky, jäpaat ma ënety ja y'ok'u'unk y'ok'ëna'k jyuuk'atën.

Hechos 1:16

Mëku'uktëjkëty, kopkpëky ko ënety jëtu'un tyuna'any jyata'anyë ijxtëm ja Kënu'kxymyëkajtën ojts tyaj'ëna'anyën ja David, ma tnimëtyä'äkyën ja Judas, mëti'ipë tyu'uwinwoowën ja ja'ayëty mëti'ipë myajtstën ja Jesús.

Juan 19:24

Ënet ja tsiptuunpë nyäy'ënanëtë: Ka'ap ntukë'tsëmëty, je'eyë nni'ëyë'kmëty ets n'ijxmëty pën tuka'ajëp. Jëtu'un tyuunë jyajtë ets y'atëëy ja Dios ja y'aaw y'ayuk mëti'ipë këxja'ay miinpën: Ojts tpëjkwa'kxtë aak yë'ëjëty ja nwitës ets tëë tni'ëyë'ëktë ja nipitës. Jëtu'un ojts ja tsiptuunpë winë tuntë.

Juan 10:35

Yajnija'ap ko ka'ap tjëkyepy ja Dios ja y'aaw y'ayuk këxja'aypyë yajninaxëty; ets ja Dios, nän tios ojts tijy ja ja'ayëty mëti'ipë ja y'aaw y'ayuk tyukmëtoowën.

Marcos 13:31

Këxaanp naxaanp yë naax tsajp, e yë n'aaw n'ayukës nijëna'a kyakëxa'any kyanaxa'any.

Zacarías 1:6

E yë n'ayukës ets n'ënä'ämënës, mëti'ipës ënety të ntuknipëktën ja nkäjpxynyajxpëtëjkës, ojts pyaatëtë yë m'ap m'okëty. Yë'ëjëty ojtsës xynyiwinpitë ets ojts tja'akyukëtë ko paatyës ënety o'ktëy të nyajjat të nyajkëpätë jä'ä ko jëtu'unëtën ënety nyitëkëtë ja y'ëxëëktu'un y'ëxëëkkajpxënëty, ko ka'ap ënety tii oy të tuntë.

2 Reyes 14:29

Ko ja Jeroboam ojts y'o'knë, jam tyajnaaxtëjkëy ma ja yajkutujkpëtëjk jam të nyaaxtëkëtën, mëti'ipë ojts jam tyuntën Israel. Yë'ë kutëjkëyë yë myaank Zacarías.

2 Reyes 13:13

Ko ja Joás y'o'ky jam ojts tyajnaaxtëkëtë Samaria, ma jam ja myëku'uktëjk kyo'knëtën mëti'ipë të yajkutuktë jam Samaria. Yë'ë ojts kyutëkëty yë Jeroboam.

2 Reyes 13:10

Ma y'i'px majkmokx mäjtsk jëmëjtpetyën ma yajkutukyën yë Joás, jam Judá; jää ojts yë Joás yë myaank yë Joacaz, tyëkë yajkutujkpë jam Israel ets ojts y'ëne'emy jam Samaria majkmokx mäjtsk jëmëjt.

2 Reyes 13:1

Ma ënety y'i'px jëmëjtpetyën, ma ja Joás yajkutukyën, yë myaank yë Ocozías, jam Judá; jää ojts yë Joacaz yë myaank yë Jehú, tyëkë yajkutujkpë jam Israel, jam Samaria yajkutujky majkmokx mäjtsk jëmëjt.

2 Reyes 10:10

E tyam yajxon xynyijawëtëty ko tëkokyë mëti'ipë yë Wintsën nyikajpxën wi'ix ënety jyata'any kyëpäta'anyën ja Ahab ja y'u'unk y'ëna'k ets ja jyiiky myëku'uk, nitu'uk kyaninaxa'any. Tëkokyë mëti'ipë tyam yaj'ijxp yajtuunpën tëë yë Wintsën tnikajpxta'ay mëët yë tyuunpë Elías.

2 Reyes 15:11

Yë nyikäjpxy nyimëtyä'äky yë Zacarías, jap myiinta'ay ma ja nokyën mëti'ipë nyoky'ajtëpën ja yajkutujkpëtëjk, mëti'ipë ojts jam y'ënä'ämtën Israel.

1 Samuel 3:19

Samuel ojts oy tsuj yeeky pyety ets xëmë ojts oy winë tuny tä ënety ja Dios tsokyën, ets jëtu'un tä ënety të twaantä'äkyën winë.