2 Reyes 15:10 - Biblia Dc en Mixe de Quetzaltepec

¹⁰ E yë Salum, yë myaank yë Jabés, ojts nyikäjpxytyunëty ets yaj'o'kë jam Ibleam ets Salum ojts yë'ë wyi'imy yajkutujkpë.

Biblia Mixe de Quetzaltepec

¹⁰ E yë Salum, yë myaank yë Jabés, ojts nyikäjpxytyunëty ets yaj'o'kë jam Ibleam ets Salum ojts yë'ë wyi'imy yajkutujkpë.

2 Reyes 15:10 ပူးပေါင်းရင်းမြစ်များ

Amós 7:9

Kutëkooytya'ajantëp yë tsajptëjk mëti'ipë jam yajpatëpën ma Isaac yë y'itjotmën ets tsajptëjk mëti'ipë jam yajpatëpën ma Israel yë kyajpnën, xit ko'ow jyajta'aja'antë. Ets nyaj'itäämpyës yë jëën tsip ma Jeroboam yë y'u'unk y'okën.

2 Reyes 15:30

Ënet ja Oseas, yë myaank yë Elá, tnikäjpxytyu'unëy yë Peka, yë myaank yë Remalías, ojts tnipëtë'ëky ets tyaj'o'ky. Ko y'o'ky tääts ojts yë'ë tkutëkë, ma ënety më'i'px jëmëjt tyunyën ja Jotam, yë myaank yë Uzías.

2 Reyes 15:25

E jamts ënety tu'uk ja tyuunpë mëti'ipë xyëëwajtypyën Peka, yë myaank yë Remalías, yë'ë ojts nyikäjpxytyunëty ets mëët nyäpyëjk nyämyajtsë yë Galaad ja'ayëty; ënät tukja'ajtë ma ja kutujkëntëjkën, jä'ä nyimay'atë niwëxtyikxymyajk. Ko tyaj'o'ky yë'ë ojts tkutëkë ma ja kutujktaknën.

2 Reyes 15:14

jä'ä ko ojts jyä'ty jam yë Menahem, yë myaank yë Gadí, mëti'ipë tso'onën Tirsá ets jam Samaria jyä'äjty, yë'ëts ja Salum yaj'ookyë ets ojts yë'ë tyëkë yajkutujkpë.

2 Reyes 9:31

E ko yë Jehú jam jyä'äjty ma ja kajpn yajnitëkën, tä ja Jezabel y'ënäny: ¿Wi'ix myajpaaty Zimri, mëti'ipë ja wyintsën kë'ëm të tyaj'ookyën?

2 Reyes 9:24

E yë Jehú ënätyë tu'uk tnajtsmajtsëy ja tyi'px ets pyatë ja Joram, jëxkë'ptsow ojts pyäätyë ets tim tuknajxë ja jyuukyjot, jëtu'un ja Joram jap y'o'ky pyujxnwintëkäämpëjoty.

1 Reyes 15:28

Baasá jää ojts tyaj'ooky ja Nadab ma ënety mëtëkëëk jëmëjt yajkutukyën yë Asá jam Judá ets yë'ë tyëjkëy yajkutujkpë.

2 Reyes 15:9

Je'eyëp ko ja tyu'unën kyajpxën ka'ap ja Wintsën oy t'ijxy, nän yë'ë poky ojts tuny mëti'ipë ja y'apteety Jeroboam, yë myaank yë Nabat, të tukyajpokytyunyën ja Israel ja'ayëty.

2 Reyes 15:11

Yë nyikäjpxy nyimëtyä'äky yë Zacarías, jap myiinta'ay ma ja nokyën mëti'ipë nyoky'ajtëpën ja yajkutujkpëtëjk, mëti'ipë ojts jam y'ënä'ämtën Israel.

2 Reyes 12:21

Yë'ë ojts yaj'ookyë yë Josacar, yë myaank yë Simat, ets Jozabad, yë myaank yë Somer, mëti'ipë ënety yë'ë tsyiptuunpë wintsën'ajtypyën këjää ojts tyajtsëtyutyë ets y'o'ky; ko y'o'ky jam tyajnaaxtëjkëtyë ma ja David ja kyajpnën. Ok, yë'ë ojts kyutëkëty yë myaank Amasías.

2 Reyes 14:19

Jam Jerusalén tëë ënety yajnikäjpxytyunë ja Amasías, paaty kyeky ets ojts nyijkxy jam Laquis; je'eyëp ko ojts ënätyë ja myëtsiptëjk pyanëjkxyë ets jam yaj'o'kë.

2 Reyes 15:22

Ko y'o'ky, yë'ë ojts kyutëkëty ja myaank mëti'ipë xyëëwajtypyën Pekaia.

Oseas 7:7

Aakjëtu'un tyoytyë jyämtë jëëntooytyaknën mëti'ipë të tyajnitooytya'atën yë kyutujkpëtëjkëty. Tëkokyë yë kyutujkpëtëjkëty tëë tyëkooytya'atë ets nitu'uk kyayajpaaty mëti'ipës jeexyë xymyëkajpxpën.

Oseas 8:4

Ëjts ka'apës tii të xyajtëwtë ko tpëjkta'aktë yë kyutujkpëtëjkëty ets të tnikajpxpätë yë wyintsëntëjkëty maas ka'ap të nijawën. Tëë twinpëjkmuk twintuunmuktë yë pyoop pujxnëty pyu'tspujxnëty ets y'awinax të t'oytyuntë ets kë'ëm nyäyajkutëkoya'anëtë.