2 Reyes 14:26 - Biblia Dc en Mixe de Quetzaltepec

²⁶ Jä'ä ko yë Wintsën tëë ënety t'ixy wi'ix ja Israel kajpn o'ktëy jyajnën kyëpäjnën, mëti'ipë ka'ap ninu'un pën të tjëkyepy tkukä'äk tkuputëtyën ja ëyo'on jotmay ets ko yë Israel ka'ap nitiiputëjkën të tpaaty.

Biblia Mixe de Quetzaltepec

²⁶ Jä'ä ko yë Wintsën tëë ënäty t'ixy wi'ix ja Israel kajpn o'ktëy jyajnën kyëpäjnën, mëti'ipë ka'ap ninu'un pën të tjëkyepy tkukä'äk tkuputëtyën ja ëyo'on jotmay ets ko yë Israel ka'ap nitiiputëjkën të tpaaty.

2 Reyes 14:26 ပူးပေါင်းရင်းမြစ်များ

Deuteronomio 32:36

Yë Wintsën nyiwaantu'utäämpy yë nyaax kyajpn, ko ënety t'ixy të y'ënu'kxëtyääynyëtë. Yë Wintsën pya'ëyowäämpy yë tyuunpë kyupëjkpë, ko ënety t'ix, ko ka'ap ma pën mëti'ipë ka'ap myëkëtyën ets mëti'ipë mëkëtyën.

2 Reyes 13:4

Tä ja Joacaz jyiiytyäky nyu'kxtäky ma ja Wintsënën, e ja Wintsën ojts tmëtoy ya'atë ja jëëytyak nu'kxtakën, jä'ä ko tëë ënety kë'ëm t'ixy wi'ix ja sirië tyajmon tyajtuktën ja Israel ja'ayëty.

Éxodo 3:7

e ja Dios ojts jyaak mëtyä'äky ets y'ënäny: Ëjts wa'atsës të n'ixy të ntuny wi'ixës yë nnaax nkajpn jap y'ëyoyën Egiptë. Tëës nmëtoow'ity yë y'ëjën tyu'kënëty, mëët ko mëk y'ënä'ämëtë myëkajpxëtë mëti'ipë nyiwintsën'ajtëpën ja tuunk ëyo'on ets tëëjës wa'ats nijawë wi'ix jap jyatën kyëpätën.

Isaías 63:9

Ma ja y'amay jyotmayëtyën. Ka'ap yë Wintsën kyutëkats tkejxy mëti'ipë të yajtso'okëtën; kë'ëm yë Wintsën të tyimminy ets të tyajtso'oky. Jä'äkyëjxm ko tmëët'aty tsojkën ja'awën ets pa'ëyo'owën najts'ëyo'owën, paaty të tyajtso'oky, kyë'ëkëjxy të tmatsy ets të tyajpëtë'ëky. Jëtu'un xëmë winë tuny.

1 Reyes 21:21

Paaty tyam jëtu'un yë Wintsën m'ënë'ëmxëty: Nyajkëta'akäämpyës yë ëyo'on jotmay ma mijtsën ets nyajkëjxta'ajäämpyës yë m'u'unk m'ok, ja ye'etyëjktëjk wa'atsës nyajkëjxta'aja'any ma ja mnaax mkajpnën mëti'ipë mja'ay'äjtypyën.

1 Reyes 14:10

Paaty ëjts, nyajkëta'akäämpyës ja ëyo'on jotmay ma ja m'u'unk m'okën; nyaj'o'kta'ajäämpyës ja ye'etyëjktëjk ma ja mja'ayën mëti'ipë yajpatëpën ma ja Israel kajpnën; nitu'uk nëjkx kyawë'ëmy juuky. Pe'ety jaaxyës nyajnaxa'any, jëtu'un ja ja'ay twinpätmukyën yë putsta'ak.

Jueces 10:16

Ënet ja Israel ja'ayëty ojts tyajma'ta'atë ets tukpu'ujëtyääytyë ja wiink tios, ets ja Wintsën t'ënëmaaytyë ko yë'ë t'ëwtata'antë tu'ukyë, ko jëtu'un yë Dios t'ijxy ka'ap ojts jeky tmëmëtä'äky ets ja Israel ja'ayëty y'ëyowtëty.

Éxodo 3:9

Ëk'ix tëëjës nmëtoy wi'ix yë Israel ja'ayëty y'ëjtën tyu'uktën ets tëës näjyëtu'un n'ixy ko ëxëëk tyunëtë yë Egiptë ja'ayëty.

2 Reyes 9:8

Tëkokyë ja Ahab ja jyiiky myëku'uk nëjkxëp kyëjxta'atë; ja ye'etyëjktëjk mëti'ipë jää jaakjuuky'ajtëpën ma Israel kajpnën wa'atsës nyajkutëkooytya'aja'any.

Salmos 22:11

Këtiis xymyëjëkäm'atëty, ëjts janty jëtu'unës winkon ntimyajpaaty mëët yë monyëtukyë, e ka'apës pën nmëëtëty mëti'ipës xypyutëkëpën.

2 Reyes 13:23

E ja Wintsën ojts tpa'ëyoy ja ja'ay mëti'ipë jam ëxëëk yajtuun yaj'ënëmaaytyëpën, mëët ko tja'amyejtsy ja kyäjpxytyu'unën mëët ja Abraham, Isaac ets Jacob; ka'ap t'a'ijxëy kyutëkoytyëty ja jyä'äy ets ka'ap tjo'tsy. Tyampaat kä'äpyëm wi'ix tuny.

Salmos 107:12

Dios ojts myo'ojëtë ja tuunk mëkpë ets jä'ä tuunk'atëty; oy jyakëtaaw jyakëpijptë, ka'ap pën pyutëjkëyëtë.

Ezequiel 22:30

Ëjts tëëjës ja ja'ay n'ixta'ay ma tääpë naax kajpnën mëti'ipë jeexyë ja kajpn pya'ëyoopyën ets jeexyë tnikajpxtu'uty ma ëjtsën këtiipës nyajkutëkoyëty, je'eyëp ko ka'ap të npaatyës.