2 Reyes 14:17 - Biblia Dc en Mixe de Quetzaltepec

¹⁷ Yë Amasías, yë myaank yë Joás, mëti'ipë yajkutujkën jam Judá, ojts majkmokx jëmëjt jyaakjuuky'äty ma ënety të y'o'knën yë Joás, yë myaank yë Joacaz, mëti'ipë jam Israel yajkutujkën.

Biblia Mixe de Quetzaltepec

¹⁷ Yë Amasías, yë myaank yë Joás, mëti'ipë yajkutujkën jam Judá, ojts majkmokx jëmëjt jyaakjuuky'äty ma ënäty të y'o'knën yë Joás, yë myaank yë Joacaz, mëti'ipë jam Israel yajkutujkën.

2 Reyes 14:17 ပူးပေါင်းရင်းမြစ်များ

2 Reyes 14:23

Ma myajkmokx jëmëjtën ma tyëkën yajkutujkpë yë Amasías, yë myaank yë Joás jam Judá; jää ojts tyëkë yajkutujkpë yë Jeroboam, yë myaank yë Joás mëti'ipë ënä'ämën jam Israel ets jä'ä jam yajkutujky Samaria wëxtyikxy tyu'uk jëmëjt.

2 Reyes 13:10

Ma y'i'px majkmokx mäjtsk jëmëjtpetyën ma yajkutukyën yë Joás, jam Judá; jää ojts yë Joás yë myaank yë Joacaz, tyëkë yajkutujkpë jam Israel ets ojts y'ëne'emy jam Samaria majkmokx mäjtsk jëmëjt.

2 Reyes 14:16

Ko ojts y'o'knë, jam nyaaxtëjkëy Samaria, ma nyaaxtëjkëtyën näjyëtu'un ja yajkutujkpëtëjk mëti'ipë ënä'ämtën jam Israel. Ok ojts kyutëkëty ja myaank Jeroboam.

2 Reyes 14:18

Yë Amasías yë nyikäjpxy nyimëtyä'äky, jap myiinta'ay ma ja nokyën mëti'ipë nyoky'ajtëpën ja yajkutujkpëtëjk jampë ojts y'ënä'ämtën Judá.

2 Reyes 15:1

Ma ënety y'i'px wëxtujk jëmëjtpetyën, ma ja Jeroboam yajkutukyën, jampë Israel y'ëne'emyën, jää jëmëjt ojts yë Azarías, yë myaank yë Amasías tyëkë yajkutujkpë jam Judá.