2 Reyes 14:16 - Biblia Dc en Mixe de Quetzaltepec

¹⁶ Ko ojts y'o'knë, jam nyaaxtëjkëy Samaria, ma nyaaxtëjkëtyën näjyëtu'un ja yajkutujkpëtëjk mëti'ipë ënä'ämtën jam Israel. Ok ojts kyutëkëty ja myaank Jeroboam.

Biblia Mixe de Quetzaltepec

¹⁶ Ko ojts y'o'knë, jam nyaaxtëjkëy Samaria, ma nyaaxtëjkëtyën näjyëtu'un ja yajkutujkpëtëjk mëti'ipë ënä'ämtën jam Israel. Ok ojts kyutëkëty ja myaank Jeroboam.

2 Reyes 14:16 ပူးပေါင်းရင်းမြစ်များ

Amós 1:1

Ya'atë Amós y'aaw'ajtyp y'ayuk'ajtyp, ja kupixyny këwent'ajtpë, mëti'ipë jam Tecoa kukajpn'ajtpën. Ojts yë Wintsën tyukmëmëtyä'äkyë wi'ix ja Israel kajpn jyata'anyën, ja mäjtsk jëmëjt ënety tkapaaty ma ja mëk ujx nyaxa'anyën; jää xëëw jää jëmëjt ma ënety yajkutukyën yë Ozías, Judá yajkutujkpë ets ma yajkutukyën yë Jeroboam, yë Joás yë myaank, Israel yajkutujkpë.

Oseas 1:1

Ya'atë ja Wintsën y'aaw'ajtyp y'ayuk'ajtyp mëti'ipë yajmooyën ja Oseas, yë Beerí yë myaank, ma ënety yajkutuktë yë Ozías, Jotam, Ahaz ets Ezequías jam Judá ets ma ënety yajkutukyën yë Jeroboam, yë Joás yë myaank, jam Israel.

2 Reyes 13:13

Ko ja Joás y'o'ky jam ojts tyajnaaxtëkëtë Samaria, ma jam ja myëku'uktëjk kyo'knëtën mëti'ipë të yajkutuktë jam Samaria. Yë'ë ojts kyutëkëty yë Jeroboam.

2 Reyes 13:9

Ko y'o'ky jam tyajnaaxtëjkëtyë Samaria. Yë'ë ojts kyutëkëty ma ënety yajkutukyën ja myaank Joás.

1 Reyes 1:21

Jä'ä ko pën ka'ap mijts kë'ëm xynyikäjpxy, ko ënät m'ookëty, ëjts etsës yë nmaank Salomón xyaj'ooktëpës ënät yë ja'ay.

2 Samuel 7:12

e ko ënety tëë m'ënu'kxënyë ets ja m'o'kën wyinkoonë, ëjtsës kë'ëm nyajkutukäämpy ets tu'uk ja m'u'unk maay wyë'ëmëty ma ja mkutujktaknën, yë'ëtsës nëjkx xëmë nyaj'ëne'emy.

2 Reyes 14:15

Ja Joás ja nyikäjpxy nyimëtyä'äky, mëti'ipë tyuunën ets wi'ix winë tuunyën, wi'ix ojts mëët tsyiptunyën ja Amasías, jampë yajkutukyën Judá, jap myiinta'ay ma ja nokyën mëti'ipë nyoky'ajtëpën ja yajkutujkpë, jampë ojts y'ënä'ämtën Israel.

2 Reyes 14:17

Yë Amasías, yë myaank yë Joás, mëti'ipë yajkutujkën jam Judá, ojts majkmokx jëmëjt jyaakjuuky'äty ma ënety të y'o'knën yë Joás, yë myaank yë Joacaz, mëti'ipë jam Israel yajkutujkën.

1 Crónicas 5:17

Tëkokyë ya'atë ja'ayëty aak jää ojts yajkuja'ayëtya'atë nokyjoty ko yajkutujky ja Jotam, ma ja Judá ja'ayëtyën ets ko yajkutujky ja Jeroboam ma ja Israel ja'ayëtyën.

2 Reyes 13:12

Ja nyikäjpxy nyimëtyä'äky ja Joás ets tëkokyë mëti'ipë tyuunën jap myiinta'ay kuja'ay ma ja nokyën mëti'ipë nyoky'ajtëpën ja yajkutujkpëtëjk jampë të y'ënä'ämtën Israel.

2 Reyes 14:23

Ma myajkmokx jëmëjtën ma tyëkën yajkutujkpë yë Amasías, yë myaank yë Joás jam Judá; jää ojts tyëkë yajkutujkpë yë Jeroboam, yë myaank yë Joás mëti'ipë ënä'ämën jam Israel ets jä'ä jam yajkutujky Samaria wëxtyikxy tyu'uk jëmëjt.

2 Reyes 14:28

Ja nyikäjpxy nyimëtyä'äky ja Jeroboam, mëti'ipë tyuunën ets wi'ix ojts winë tunyën tkäjpxyën, ma tsyiptuunyën ets wi'ix ojts jatëkok tjä'äpëkyën ja Damaskë kajpn ets ja Hamat kajpn mëti'ipë ja Israel ja'ayëty jyä'äy'ajtën, jap myiinta'ay kuja'ay ma nokyën mëti'ipë nyoky'ajtëpën ja yajkutujkpëtëjk mëti'ipë ojts jam y'ënä'ämtën Israel.