2 Reyes 14:14 - Biblia Dc en Mixe de Quetzaltepec

¹⁴ Ojts tjä'ä'ajta'ay ja poop pujxn, pu'ts pujxn, mëti'ipë ënety japën tsajptëkoty ets näjyëtu'un mëti'ipë japën ma ja kutujkëntëjkën. Ko ojts wyimpijnë jam Samaria ojts kanaak ja'ay je'eyë t'ëkjaakmajtsnë ajuuky ets ojts tmënëjkxy.

Biblia Mixe de Quetzaltepec

¹⁴ Ojts tjä'ä'ajta'ay ja poop pujxn, pu'ts pujxn, mëti'ipë ënäty japën tsajptëkoty ets näjyëtu'un mëti'ipë japën ma ja kutujkëntëjkën. Ko ojts wyimpijnë jam Samaria ojts kanaak ja'ay je'eyë t'ëkjaakmajtsnë ajuuky ets ojts tmënëjkxy.

2 Reyes 14:14 ပူးပေါင်းရင်းမြစ်များ

1 Reyes 14:26

ko jap tyëjkëy tsajptëkoty wa'ats tyajpëtsëëmtaay ja wit meeny ets näjyëtu'un ma ja Kutujkëntëjkën. Wa'ats winë tmä'tstaay ets ojts tmënëjkxta'ay ja pu'ts pujxn mëti'ipë ijty ja tsiptuunpë ja'ay nätyuk akëëytyujkëtëpën, mëti'ipë ja Salomón yajkojën.

1 Reyes 7:51

Ko y'apatëtyääy ja tuunk mëti'ipë ënety ja yajkutujkpë Salomón të tni'ënä'ämën ma ja tsajptëjkën, ënät tmënëjkxtaay jap tsajptëkoty ja apëjk atu'unën pu'ts pujxn mëëtpë ets ja poop pujxn mëëtpë mëti'ipë ënety ja tyeety David të tukmëyoxyën ja Wintsën ets jap tpëjktaktaay ma nyipetyën ja Wintsën ja jyä'ä.

2 Reyes 25:15

Näyjyëtu'un ja ja'ay mëti'ipë ja tsiptuunpëtëjk tyu'uwinwoopyën; ojts tyajnëjkxta'ay winë mëti'ipëjaty ja pu'ts pujxn ets ja poop pujxn myëët'ajtypyën: Tä ja jëëntsijtkën ets ja mëj'a'ukënëty.

2 Reyes 24:13

Ok ja Nabucodonosor tju'taay tëkokyë ja pu'ts pujxn, poop pujxn ets ja wit meeny mëti'ipë jap tsajptëkoty yajpatpën ets ma ja akujktëjkën ets jëtu'un tä ënety ja Wintsën të t'akäjpxyën. Ojts tjanty tyukë'tsëtyä'äy tëkokyë winë pu'ts pujxnmëëtpë, mëti'ipë ënety ja Salomón të tyaj'oyën, mëti'ipë jam yajkutujkën Jerusalén ets tuknikojëy ja Wintsën.

2 Reyes 18:23

Ti ko tu'uk käjpxytyu'unën xykyatuny mëët yë nwintsënës, yë Asiria yajkutujkpë: tyam mijts nmo'ojëty mäjtsk mil yë kwaay, pën xymyoopyës yë ja'ay mëti'ipë jëyujktuk'u'unyäätyëpën.

2 Reyes 12:18

Joás, jampë yajkutukyën Judá, ënätyë twinpëjkmujktaay winë mëti'ipë kënu'kxyën, mëti'ipë të tyaktën ja yajkutujkpëtëjk Josafat, Joram ets ja Ocozías; mëti'ipë yë'ë y'apäjtën jampë näjyëtu'un yajkutujktën Judá; ojts tpëjkmujkta'ay näjyëtu'un mëti'ipë ënety yë'ë kë'ëm të tyäkyën ets tëkokyë winëjaty mëti'ipë pu'ts pujxn myëët'ajtypyën jap tsajptëkoty ets ma ja kutujkëntëjkën ets tmooytyääy ja Hazael, jëtu'un ja Hazael ojts ka'ap ja naax kajpn tnitëjkënëpë.

1 Reyes 15:18

Ënet ja Asá tyajpëtsëëmtaay ja pu'ts pujxn ets ja poop pujxn mëti'ipë ënety jap të jyaakwë'ëmyën tsajptëkoty ets jap ma ja kutujkëntëjkën ets ja tyuunpëtëjk tukmëkäjxëy ets tmo'otëty ja Ben-adad, mëti'ipë jam yajkutujkpën Sirië, ja myaank ja Tabrimón, yë y'ok'u'unk yë Hezión, mëti'ipë jam tsënääpyën Damasco. Näyjyëtu'un ja aaw ayuk tuknikejxy: