2 Reyes 14:11 - Biblia Dc en Mixe de Quetzaltepec

¹¹ E ja Amasías ka'ap ojts jëtu'unpë ja ayuk tmëjpëjktä'äky. Ënet ja Joás tsyo'ony ets mëët tsyiptuna'any ja Amasías, jam Bet-semes, ma ja Judá ja y'itjotmën.

Biblia Mixe de Quetzaltepec

¹¹ E ja Amasías ka'ap ojts jëtu'unpë ja ayuk tmëjpëjktä'äky. Ënät ja Joás tsyo'ony ets mëët tsyiptuna'any ja Amasías, jam Bet-semes, ma ja Judá ja y'itjotmën.

2 Reyes 14:11 ပူးပေါင်းရင်းမြစ်များ

Josue 19:38

Irón, Migdal-el, Horem, Bet-anat ets ja Bet-semes. Ja kajpnëty jä'ä nyiwinë'atë majkmokx majktaxk, ëpëky ja mutsk kajpnëty mëti'ipë mëët nyämyëwinkon'atëtën.

2 Crónicas 25:20

Ja Amasías kyatimtyuunpy ja këwentë, oy jëtu'un ja Joás jya'ëna'any, jä'ä ko Wintsën tëë ënety kë'ëm tuknipëjktaakë ko Edom ka'ap yajmëta'aka'anyë ja Joás, mëët ko ja Edom wiinktsow ja wyinma'any tpëjktäky.

2 Crónicas 25:16

Ko jëtu'un ja Wintsën ja tyuunpë t'ënëmaay ja yajkutujkpë, ënät ja yajkutujkpë ojts tyukjoot'anpëkyë ets y'ojë, tääts y'ënëmaayë: ¿Pën mijts të mpëjktä'äkyë ëëwijpë kajpxwijpë? Këtii nëkoo tii ajotkumonë xy'ëwëty xykyajpxëty. ¿Ti yë'ëmës mijts mtsojkpy ets m'ookëtyë? Ja Wintsën ja tyuunpë ka'ap ojts nëkoo tii t'ëkajpxnë, je'eyë ojts ok jyaak'ëna'any: Ëjts nija'apës ko yë Wintsën tëë tuknipëjktaakë ko myaj'ooka'anyë, mëët ko mijts ka'ap yë n'aaw n'ayukës të xymyëjpëjktä'äky.

Josue 21:16

Aín, Jutá ets ja Bet-semes. Ya'atë taxtujkpë ja kajpn ëpëky ënety tmëëtëty ja nyinaax nyikam ma tjëkyepyën tyänëtëty ja jëyujk tsajpkaa.

Josue 15:10

Jamts tsyoony Baalá ets nyijkx jamtsow anajnytsyow, jyä'ty jam ma Seir kopkjotmën ets nyäxy Quesalón, jam pë'am anëkëjxmtsow ma ja Jearim kopkën ets jam kyujënake'eky Bet-semes, nyäxy Dimná,

Jueces 11:28

E ja Jefté oy ojts ja aaw ayuk tjakexy, ja yajkutujkpë mëti'ipë jam ënä'ämpën ma Amón ja'ayëtyën ka'ap tja'akyujkëy ets ka'ap timtyuunyë këwentë.

2 Reyes 13:12

Ja nyikäjpxy nyimëtyä'äky ja Joás ets tëkokyë mëti'ipë tyuunën jap myiinta'ay kuja'ay ma ja nokyën mëti'ipë nyoky'ajtëpën ja yajkutujkpëtëjk jampë të y'ënä'ämtën Israel.