2 Reyes 14:1 - Biblia Dc en Mixe de Quetzaltepec

¹ Ma ënety myëmäjtsk jëmëjtpetyën, ma ja Joás, ja Joacaz ja myaank, yajkutukyën jam Israel; jää ojts yë Amasías, yë myaank yë Joás tyëkë yajkutujkpë jam Judá.

Biblia Mixe de Quetzaltepec

¹ Ma ënäty myëmäjtsk jëmëjtpetyën, ma ja Joás, ja Joacaz ja myaank, yajkutukyën jam Israel; jää ojts yë Amasías, yë myaank yë Joás tyëkë yajkutujkpë jam Judá.

2 Reyes 14:1 ပူးပေါင်းရင်းမြစ်များ

2 Reyes 13:10

Ma y'i'px majkmokx mäjtsk jëmëjtpetyën ma yajkutukyën yë Joás, jam Judá; jää ojts yë Joás yë myaank yë Joacaz, tyëkë yajkutujkpë jam Israel ets ojts y'ëne'emy jam Samaria majkmokx mäjtsk jëmëjt.

2 Reyes 14:15

Ja Joás ja nyikäjpxy nyimëtyä'äky, mëti'ipë tyuunën ets wi'ix winë tuunyën, wi'ix ojts mëët tsyiptunyën ja Amasías, jampë yajkutukyën Judá, jap myiinta'ay ma ja nokyën mëti'ipë nyoky'ajtëpën ja yajkutujkpë, jampë ojts y'ënä'ämtën Israel.

2 Reyes 12:21

Yë'ë ojts yaj'ookyë yë Josacar, yë myaank yë Simat, ets Jozabad, yë myaank yë Somer, mëti'ipë ënety yë'ë tsyiptuunpë wintsën'ajtypyën këjää ojts tyajtsëtyutyë ets y'o'ky; ko y'o'ky jam tyajnaaxtëjkëtyë ma ja David ja kyajpnën. Ok, yë'ë ojts kyutëkëty yë myaank Amasías.

2 Reyes 14:2

Yë Amasías i'px mëkoxk ënety yë jyëmëjt ets jä'ä ojts yajkutuky jam Jerusalén i'pxtaxtujk jëmëjt. Jä'ä ja tyaak ijty xyëëwajtyp Joadán, jam kyukajpnëty Jerusalén.

2 Reyes 14:17

Yë Amasías, yë myaank yë Joás, mëti'ipë yajkutujkën jam Judá, ojts majkmokx jëmëjt jyaakjuuky'äty ma ënety të y'o'knën yë Joás, yë myaank yë Joacaz, mëti'ipë jam Israel yajkutujkën.

2 Reyes 14:23

Ma myajkmokx jëmëjtën ma tyëkën yajkutujkpë yë Amasías, yë myaank yë Joás jam Judá; jää ojts tyëkë yajkutujkpë yë Jeroboam, yë myaank yë Joás mëti'ipë ënä'ämën jam Israel ets jä'ä jam yajkutujky Samaria wëxtyikxy tyu'uk jëmëjt.

2 Crónicas 25:25

Yë Amasías, Joás yë myaank, mëti'ipë jam yajkutujkën Judá, majkmokx jëmëjt ojts jyaakjuuky'äty ma y'o'kyën yë Joás, Joacaz yë myaank, mëti'ipë jam yajkutujkën Israel.

2 Crónicas 26:1

Ënet ja naax kajpn ojts tnikajpxpety ja Uzías ets yë'ë yajkutukëty, jä'ä ko ja tyeety Amasías tëë ënety y'o'knë. Uzías jä'ä ënety jyëmëjt majkmokx tu'uk,