2 Reyes 13:7 - Biblia Dc en Mixe de Quetzaltepec

⁷ Yë Joacaz, je'eyë ënety ja tsyiptuunpëtëjk të jyaak wë'ëmy, wëxtyikxy majk mëti'ipë kwaaykyijxy jëtijtëpën, majk ja pujxnwintëkäämpë mëti'ipë myëtsiptuuntëpën ets majk mil mëti'ipë teky ye'epyën, jä'ä ko ja yajkutujkpë mëti'ipë jam sirië tso'onpën tëë ënety may tyajma'ta'ay.

Biblia Mixe de Quetzaltepec

⁷ Yë Joacaz, je'eyë ënäty ja tsyiptuunpëtëjk të jyaak wë'ëmy, wëxtyikxy majk mëti'ipë kwaaykyijxy jëtijtëpën, majk ja pujxnwintëkäämpë mëti'ipë myëtsiptuuntëpën ets majk mil mëti'ipë teky ye'epyën, jä'ä ko ja yajkutujkpë mëti'ipë jam sirië tso'onpën tëë ënäty may tyajma'ta'ay.

2 Reyes 13:7 ပူးပေါင်းရင်းမြစ်များ

2 Samuel 22:43

Täätsës jëtu'un të nyajjajta'ay tä yë naaxway pyojë'ëkyën. Tëë n'atään ntuktäänës tä ja'ay mo'onts t'atään tuktäänën tu'ujoty.

1 Reyes 20:15

Ënet ja Ahab tmëtyooy ja ëna'ktëjk, mëti'ipë ënety pyutëjkëtyëpën ja yajkutujkpëtëjk maajaty ja kajpnën, jä'ä nyiwinë'ajtë nimäjtsk mëko'px ja i'px majkmäjtsk ets näjyëtu'un ëpëky ja tsiptuunpëtëjk, jä'ä nyimay'atë niwëxtujk mil.

1 Reyes 20:27

Näyjyëtu'un ja Israel ja'ayëty ojts t'ijxmuktë ja tsyiptuunpëtëjkëty ets tmooytyääytyë mëti'ipëjaty yajtunantëpën, tääts tnitso'ontë ja sirië ja'ayëty. Ko jam nyäpyëjktakëtë awinmtsow ma ja sirië ja'ayëtyën, jëtu'un je'eyë jëkäm yaj'ixtë may tsyajppax yowë jam tënaaytyëp mäjtsk këëyi'iky, jä'ä ko ja sirië ja'ayëty ni'iknimay ënety kyëxë'ëktë ets ojts tyajwintujkta'atë ja joyjyot.

2 Reyes 10:32

Jä'ä xëëw yë Wintsën ojts tjëpëjkë ja Israel ja'ayëty ja nyaaxjot. Yë Hazael ojts tnipëtë'ëky ja Israel ja'ayëty jampaat ma ja tsyëpa'an nyaxtën ets maajaty ja tsëpa'an tmëët'atën:

2 Reyes 13:8

Ja Joacaz ja nyimëtyä'äky ets tëkokyë mëti'ipë tyuunën kyajpxën ets wi'ix winë tuunyën, jap ja myiinta'ay këxja'ay ma ja nokyën, mëti'ipë nyoky'ajtëpën ja yajkutujkpë, jampë ojts y'ënä'ämtën Israel.

2 Reyes 8:12

ets ja Hazael yajtëëwë: ¿Tii ko myä'äxy Wintsën? Tä ja Elisejë y'ëtsooy: Jä'ä ko nija'apës wa'ats ko mijts ëxëëk nëjkx jëna'a xytyuny yë Israel ja'ayëty, nëjkxëp yë nyaax kyajpn ets tsyënaaytyakn xynyino'kë ets y'ëna'ktëjk xyaj'o'k xyajtëkooyë, yë'ëpaat yë pi'k ëna'k mëti'ipë je'eyë miinpnëmën naaxwiiny ets mëti'ipë jap tyaakjootjoty yajpatpnëmën; nëjkxëp ja to'oxytyëjktëjk ja jyot myääts xytsyujkë xyjyë'të.

Salmos 18:42

Way wayës të ntuunta'ay tä naaxwayën mëti'ipë pojë'kpën. Tëës n'ateeny ntukteeny tä mo'ontsën tu'ujotypë.

Isaías 36:8

Nikë tun tu'uk ja käjpxytyu'unën mëët yë nwintsënës, mëti'ipë jam Asiria yajkutujkpën ets tyam nmo'ojëty nimäjtsk mil yë kwaay pën mpatyp yë nyija'ay mëti'ipë tyuk'u'unyëtëpën.

Isaías 41:2

Pën yajmiin tu'uk ja yajkutujkpë maatsow xëëw pyëtsimyën ets myëtäky? ¿Pën ojts ja naax kajpn myo'oyë ets tjä'ä'atëty, ets mëët ja tyiypyujxn tukpux tukka'atsëty ets aay pu'uxmën jyata'atëty kujy jëpipy?

Joel 3:14

Tam ja'ay jyätyë ma ja joyjotmën ma jam yajnijawëja'anyën wi'ix tu'uktu'uk ja nipaye'eyën y'ita'any. Tëë wyinkony ja Dios ja xyëëw.

Amós 1:3

Jëtu'un yë Wintsën y'ënä'äny: Yë Damasco ja'ayëty mëj këjää yë nëë poky të tuuntëkoytyë, ka'apës jëtu'unyë nyajninaxa'any; jä'ä ko jëtu'un yë Galaad ja'ay të twop të tka'atstë tä ja'ay twinwopyën yë tsajpmok mëët yë pujxn ko tyajpajk'aty.

Amós 4:10

Ojts ntuknikäxtë këtye'epyë jëtu'unpë tä ojts jap Egiptë nkexyënës; ëjts ojts nyajkutukyës ets pi'k ëna'ktëjk jam tsipjotm y'ooktëty ets ojts n'ëwa'atsyës ets mëtsip tjä'ä'ajta'atëty yë kwaay; ojts ntukxuuk'atë yë o'kpë jam ma ënety mtsiptuntën, e miitsëty kä'äpyëm ojts xynyiwinpitës. Jëtu'un yë Wintsën y'ënä'äny.

1 Samuel 13:15

Ënet ja Samuel ojts jam tsyo'onkojnë Guilgal ets ojts nyijkxy. E ja maytsyiptuunpëtëjk jä'ä ojts tpanëjkxtë ja Saúl ets tsyiptuna'antë. Jam tsyo'ontë Guilgal ets jyajtë jam Guibeá ma ja Benjamín tnitänën. Jam yë Saúl tmëtyooy yë tsyiptuunpëtëjk, jä'ä nyiwinë'ajtë nitëtujk mëko'px.