2 Reyes 13:5 - Biblia Dc en Mixe de Quetzaltepec

⁵ Tääts ja Wintsën tu'uk tkejxy ja mëti'ipë nitsiptunëtëpën, jëtu'un ja Israel ja'ayëty ojts jatëkok tsyo'oktë ma ja sirië ja'ayëtyën ets jyotkujkëtyë, jotkujk jatëkok y'ijtë ma jyëën tyëjkëtyën.

Biblia Mixe de Quetzaltepec

⁵ Tääts ja Wintsën tu'uk tkejxy ja mëti'ipë nitsiptunëtëpën, jëtu'un ja Israel ja'ayëty ojts jatëkok tsyo'oktë ma ja sirië ja'ayëtyën ets jyotkujkëtyë, jotkujk jatëkok y'ijtë ma jyëën tyëjkëtyën.

2 Reyes 13:5 ပူးပေါင်းရင်းမြစ်များ

Nehemías 9:27

Paatykyëjxm ojts kyë'ëyajkënë ma ja myëtsipëtyën, mëti'ipë ëxëëk tuunëtën. Ok tja'ijxtë ko ëxëëk jyajnëtë kyëpäjnëtë, tä tpëjktsoowtë ja näpyutëkë ma mijtsën, e mijts mëët tu'uk mëjpa'ëyo'owën, ojts xymyëtoowë jam tsajpjotm ja jyi'iyënëty yaxënëty; ets xytyuknikejxy ja ja'ay mëti'ipë yaj'ëwaatsëpëtsëëmëtën ma ja myëtsiptëjkëtyën.

2 Reyes 14:27

Ënet tputëjkëy ets tmooy ja jotkujk'ajtën, ko nyitsiptuunëtë yë Jeroboam, myaank yë Joás, jä'ä ko yë'ë ka'anëm ënety tuknipëjktaakënëm tjo'otsa'any ja Israel kajpn.

2 Reyes 14:25

Ja Jeroboam ojts jatëkok ja tsëpa'an tpëjktä'äky ma ja Israel ja nyaaxjotëtyën, tsyo'ontä'äky jam Hamat ets jyä'ty Arabá mejy ëkë'ëm, timjëtu'un tä ënety ja Wintsën të tnikäjpxyën, mëti'ipë jam Israel yaj'ëwtajtpën, mëët ja tyuunpë Jonás, myaank yë Amitai, jampë kyukajpnëtyën Gad-héfer.

2 Reyes 13:25

Ënet ja Joás, mëti'ipë ja Joacaz myaank'ajtypyën ojts tpëjkëtyä'äy ja Ben-adad ja naax kajpn, mëti'ipë ënety të yajpëjkën yë Joacaz, mëti'ipë tyeety'äjtypyën, ko tsyiptuuntë. Ets ja Joás, jä'ä ojts tmëmëtä'äky yë Ben-adad tëkëëk'ok ets jatëkok tjä'äpëjky ja Israel ja nyaax kyajpn.

Lucas 2:11

Tëë tyam myëxu'unk'aty jam David kyajpnjotm ja Yajnitsokpë, yë'ë ja Kristë, ja Wintsën.

Abdías 1:21

Ko ënety të myëta'aktë tääts nëjkx jam pyätë ma Sión kopkën ets jam tni'ënä'ämëtëty mëti'ipë tsënaaytyëpën ma Esaú y'itjotmën, kopkjotypë ets Wintsën yë'ë nëjkx yajkutuky.

Isaías 19:20

Yë'ë nëjkx yajtuk'ixy ets ja Wintsën mëti'ipë maaytyääyëpën winë yaja'amyätsëty jap ma Egiptë kajpnën. Ko tmëkajpxtëty ja Wintsën ma t'amëtowtën ja näypyutëkë ko ënety ëxëëk yajtun yaj'ënëëmëtë, yë'ë nëjkx tyuknikäxëtë tu'uk ja yajnitsokpë mëti'ipë nëjkx kyuwa'anëtë ets yajtso'okëtën.

1 Crónicas 11:2

ja Saúl oy ënety jä'ä jyayajkutuky, mijts je'eyëm ijty ja Israel ja nyaax kyajpn xywyinye'eyë. Ets yajnija'ap yajxon ko mijts tëë yë mWintsën mtuk'ëwaanëty ko mijts xywyinwowa'any ets myajkutuka'any ma ja nyaax kyajpnën.

1 Samuel 19:7

Ënet ojts ja Jonatán tmëkäjpxy ja David ets tukmëmëtyäky wi'ix ënety të myëtya'aktën. Tä ojts twoownëjkxy ma ja Saúl jam yajpaatyën ets ja David ojts jam jatëkok wyi'imy tuunpë ma ja Saúl jam yajkutukyën.

Deuteronomio 19:4

Pën ënety ja myëku'uk të tyaj'ooky, jyëkyäpëp jam kyäktso'okëty, pën ka'ap ënety tsyokyëty tuny ets ka'ap ma ja myëku'uk të tmëjëën'aty të tmëtsip'aty.

Éxodo 4:10

Ay Wintsën. Jëtu'un y'ëtsooy ja Moisés. Ëjts nijënu'unës nkatukjaty nkajpxëty ets ko jyëtu'unëty ka'ap tyamnëmëty maas yam mijts jëtu'un xymyëkäjpxyën, ëjts jëtu'unyëmës ka'ap oy n'ëy nkäjpxy, koos ënät ëjts njaakajpxpë, je'eyës nëkoo ntyäty y'awë'ëmë.

Ester 4:14

Pën mijts ka'ap tyam wi'ix m'ëna'any ets amonyë m'ity, ja Jutiiyë ja'ayëty wä'änxyëp wiinktsow tpaatëty pën yajtso'okëtëpën, je'eyëp ko nijawë yajxon ko mijts ets mjëëky mmëku'uk kopkpëky ko m'o'kta'atëty. Mijts ka'ap xynyijawë, wä'änxyëp jam të mja'ty ma kutujktaknën ets tyam xypyutëkëty ja mjëëky mmëku'uk ma yajpaatën ëyo'ontum jotmaytyum.

1 Samuel 12:11

E mëët ko jëtu'un mëk ja Dios tmëmaaywyajtstë ënät tyuknikäjxëtë ja Jerubaal, Barac, Jefté ets ja Samuel ets yë'ë mputëkëtëty ets myajtso'okëtëty ma ja mëtsiptëjkëtyën ets jëtu'un'äämpy jotkujk mjuuky'atëty.