2 Reyes 13:25 - Biblia Dc en Mixe de Quetzaltepec

²⁵ Ënet ja Joás, mëti'ipë ja Joacaz myaank'ajtypyën ojts tpëjkëtyä'äy ja Ben-adad ja naax kajpn, mëti'ipë ënety të yajpëjkën yë Joacaz, mëti'ipë tyeety'äjtypyën, ko tsyiptuuntë. Ets ja Joás, jä'ä ojts tmëmëtä'äky yë Ben-adad tëkëëk'ok ets jatëkok tjä'äpëjky ja Israel ja nyaax kyajpn.

Biblia Mixe de Quetzaltepec

²⁵ Ënät ja Joás, mëti'ipë ja Joacaz myaank'ajtypyën ojts tpëjkëtyä'äy ja Ben-adad ja naax kajpn, mëti'ipë ënäty të yajpëjkën yë Joacaz, mëti'ipë tyeety'äjtypyën, ko tsyiptuuntë. Ets ja Joás, jä'ä ojts tmëmëtä'äky yë Ben-adad tëkëëk'ok ets jatëkok tjä'äpëjky ja Israel ja nyaax kyajpn.

2 Reyes 13:25 ပူးပေါင်းရင်းမြစ်များ

2 Reyes 10:32

Jä'ä xëëw yë Wintsën ojts tjëpëjkë ja Israel ja'ayëty ja nyaaxjot. Yë Hazael ojts tnipëtë'ëky ja Israel ja'ayëty jampaat ma ja tsyëpa'an nyaxtën ets maajaty ja tsëpa'an tmëët'atën:

2 Reyes 14:25

Ja Jeroboam ojts jatëkok ja tsëpa'an tpëjktä'äky ma ja Israel ja nyaaxjotëtyën, tsyo'ontä'äky jam Hamat ets jyä'ty Arabá mejy ëkë'ëm, timjëtu'un tä ënety ja Wintsën të tnikäjpxyën, mëti'ipë jam Israel yaj'ëwtajtpën, mëët ja tyuunpë Jonás, myaank yë Amitai, jampë kyukajpnëtyën Gad-héfer.

2 Reyes 10:33

Tsyo'ontä'äky jam ëpa'tkë'ëmtsow ma ja Jordán mëjnëë jyënäkyën, nyäxy ma ja Galaad y'itjotmën ets y'ëwtity ma ja nyaaxjotëtyën ja Gad, Rubén ets Manasés; jam jatëkok tsyo'ontä'äky wiinkpë Aroer, winkon ma ja woknëë mëti'ipë yajtijpën Arnón ets Galaad ets Basán.

2 Reyes 13:3

Paaty ja Wintsën mëj këjää tukjoot'anpëjky ja Israel kajpn ets jekpyaat tkë'ëyäjky ma ja Hazael yajkutukyën, jam Sirië ets ma ja y'u'unkën Ben-adad.

2 Reyes 13:5

Tääts ja Wintsën tu'uk tkejxy ja mëti'ipë nitsiptunëtëpën, jëtu'un ja Israel ja'ayëty ojts jatëkok tsyo'oktë ma ja sirië ja'ayëtyën ets jyotkujkëtyë, jotkujk jatëkok y'ijtë ma jyëën tyëjkëtyën.

2 Reyes 13:24

Ko ja Hazael, ja Sirië yajkutujkpë, ojts y'o'knë, yë'ë ojts kyutëkëty ja myaank Ben-adad ma ja kutujktaknën.

1 Reyes 20:29

Wëxtujk xëëw ojts jam y'itë ja sirië ja'ayëty ets Israel ja'ayëty nixim niyam nyäwyinku'ixëtë, kom wëxtujk xëëw ojts tsyiptuntë. Jä'ä xëëw yë Israel ja'ayëty ojts tyaj'ooktë yë sirië ja'ayëty mëti'ipë teky'am tsiptuuntëpën nitu'kmëko'px mil.