2 Reyes 13:19 - Biblia Dc en Mixe de Quetzaltepec

¹⁹ Ënet ja käjpxynyajxpë ojts jyoot'anpëky ets y'ënëmaayë: Kooxyëp jeexyë yë naax të xykyojxyu'kxy mëkoxk tëtujk'okën, mëmëtäkpy jeexyë yë sirië ja'ayëty ets koonëm jeexyë xyajkutëkooytyä'äy; e tyam je'eyë nëjkx xymyëmëtä'äky tëkëëk'ok.

Biblia Mixe de Quetzaltepec

¹⁹ Ënät ja käjpxynyajxpë ojts jyoot'anpëky ets y'ënëmaayë: Kooxyëp jeexyë yë naax të xykyojxyu'kxy mëkoxk tëtujk'okën, mëmëtäkpy jeexyë yë sirië ja'ayëty ets koonëm jeexyë xyajkutëkooytyä'äy; e tyam je'eyë nëjkx xymyëmëtä'äky tëkëëk'ok.

2 Reyes 13:19 ပူးပေါင်းရင်းမြစ်များ

2 Reyes 13:25

Ënet ja Joás, mëti'ipë ja Joacaz myaank'ajtypyën ojts tpëjkëtyä'äy ja Ben-adad ja naax kajpn, mëti'ipë ënety të yajpëjkën yë Joacaz, mëti'ipë tyeety'äjtypyën, ko tsyiptuuntë. Ets ja Joás, jä'ä ojts tmëmëtä'äky yë Ben-adad tëkëëk'ok ets jatëkok tjä'äpëjky ja Israel ja nyaax kyajpn.

Marcos 10:14

Ko ja Jesús jëtu'un t'ijxy, ënät jyoot'anpëjky ets y'ënäny: Ixmatstë yë pi'k ëna'k, wä'än xynyimintës, ka'ap xy'ëtuktëty, jä'ä ko yë'ë jëtu'unpë ja'ay nyäpyëjktä'äkyën tä pi'k ëna'kën yë'ë Dios tsyokpy ma kyutujktaknën.

Marcos 6:5

Ka'ap jam ojts tuuny yë mëj'ajtën, wäänë je'eyë tyajtsoky ja pa'amja'ay ko ojts tkë'ënixajy.

Marcos 3:5

Tääts ja Jesús wyintë'kxëtë mëët yë joot'an ets moonp tujkp jä'äkyëjxm ko juun ja jyot wyinma'anyëty tpëjkta'aktë. Paaty t'ënëmaay ja ye'etyëjk mëti'ipë ënety ja kyë'ëjën ooky: Xajtëw. Tääts ja ye'etyëjk xyajtëëy ets ja kyë'ë tsyoky.

2 Reyes 6:9

Ënet ja Elisejë tnikäjpxykyäjxëy ja yajkutujkpë mëti'ipë jam ënä'ämpën ma ja Israel kajpnën, ma t'ënëmaayën ko këtii jam nyaxëty ma tääpë itjotmën, jä'ä ko ja sirië ja'ayëty jamtsow ënety yajpaata'antë.

2 Reyes 4:40

Tääts yaj'apëjkëy ja tyojkxëty ja käjpxynyajxpëtëjkëty, tam ënety tjë'kxtsoontë ko myäy'ënaantaktë: Käjpxynyajxpë, ya'atë tojkx tëë yowë yajtukupëky yë ëxëëkpë. Jëtu'un ojts ka'ap ni pën tjë'kxy.

2 Reyes 4:16

Tä ja Elisejë y'ënëmaayë: Jajëmëjt, ya'atpë, tëë ënety yë m'u'unk maay xypyääty. Tä y'ëtsooy ja to'oxytyëjk: Ëk'ix Wintsën, këtii nëkoo jëtu'unpë ayuk xykyajpxpëtsëmy, jä'ä ko ka'ap tjëkyepy mijts xywyin'ëënëtyës, jä'ä ko mijts Wintsën myajtuunëp.

2 Reyes 5:20

ko yë Guehazí, mëti'ipë ja Elisejë tyuunpë'ajtypyën, ojts myäy tyäjy: Yë nwintsënës jëtu'unyë yë Naamán, yë sirië ja'ay, të timyajwinpijnë, ka'ap wäänë nitii të t'ëxajë, mëti'ipë të jyatukniminyën. Tyamës yajxon ntimy'ënä'äny mëët yë Wintsën yë xyëëw koos mpapo'ojäämpyës yë yam, jamës n'ixëty tiijës n'ëkpatyp ma yë'ëjën.

2 Reyes 13:18

Ok t'ënëmaay ja yajkutujkpë: Pëjkë'ëk yë mti'pxn yë nyiku'umën. Ko tpëjkë'ky ja tyi'pxn ja nyiku'umën, ënät ja Elisejë y'ënëmaayë: E tyam kojxyu'kx yë naax. Yë yajkutujkpë tëkëëk'ok ojts tkojxyu'kxy yë naax.

Jeremias 48:10

Poky yë ja'ay wyi'imy mëti'ipë ka'ap winë aaw winëjot tunyën mëti'ipë ja Wintsën të tyuk'ëne'emyën. Poky yë ja'ay wyi'imy mëti'ipë ka'ap jyam'atyën ko ja o'kën y'itëty.