2 Reyes 12:6 - Biblia Dc en Mixe de Quetzaltepec

⁶ E nyäjxy jëtu'un i'px tëkëëk jëmëjt, ja teetytyëjkëty ka'ap tuuntë tä ënety të yajtuk'ënä'ämtën.

Biblia Mixe de Quetzaltepec

⁶ E nyäjxy jëtu'un i'px tëkëëk jëmëjt, ja teetytyëjkëty ka'ap tuuntë tä ënäty të yajtuk'ënä'ämtën.

2 Reyes 12:6 ပူးပေါင်းရင်းမြစ်များ

2 Reyes 12:7

Ënet ja Joás ojts tmëkäjpxy ja teety Joiadá ets wiinkëtypë ja teetytyëjkëty, tääts t'ënëmaay: ¿Wi'ix ko ka'ap xyaj'a'oyëtë ja tsajptëjk? Tyam ka'ap ënät meeny xy'ëk'ëxajënëtëty ma ja'ayëtyën mëti'ipë jap winë tsajptëkoty y'ijxtëp tyuuntëpën; mëti'ipë miitsëty mëët'ajtëpën yë'ë mtuknikoonë'ëkëtëp ets ja tsajptëjk y'a'oyëty.

2 Crónicas 24:5

ënät tyajmujky ja teetytyëjkëty ets ja Leví ja'ayëty ets t'ënëmaay: Ëjts mëyajtënës n'amëtowäämpy ma miitsëtyën ets nëjkx mjëtitë winnaax wiinkajpn ets xyajmuktëty yë wit meeny, wä'än yë Wintsën yë tsyajptëjk nkoj'o'oy mpëjk'o'oyëmë winjëmëjt. Tyaapë oy kyopkpëkyëty ets xytyukjotëkoytyëty. E ja Leví ja'ayëty ka'ap nëkooyë tukjotëkooytyë.

2 Crónicas 29:34

Je'eyëp ko ja teetytyëjkëty ka'ap ojts y'ëkmaayënëtë tni'ääktëty ja tsajpkaa mëti'ipë yajktëpën ja ja'ayëty ets ja Wintsën yajtukwintsë'ëkëty nino'oky nixämy, paatykyëjxm ja Leví ja'ayëty tputëjkëtyë ja teetyëjk, jä'ä ko ja Leví ja'ayëty nikë tëë ënety ja pujën jä'tsën tpaatë këtiinëm ja teetytyëjkëty.

Malaquías 1:10

Jääpëk jeexyë jam pën pyëtsimy ma miitsëtyën mëti'ipë tsajptëjk yaj'ëtukëpën, këtiipë pën tyajmëjëty jap yë jëën maas yë nwintsë'këntyaknën. Jä'ä ko ka'apës jotkujk näjyawëty mëët miitsëty ets ka'apës jëtu'un n'ëkupëkanë yë wintsë'kën mëti'ipë myajktëpën.

Filipenses 2:21

Aak kyë'ëm jotmay ja'ay myëmaay myëtajtëp ni pën ja Wintsën Jesukristë ja jyä'ä tkamëmaay tkamëtajë.

1 Pedro 5:2

Jëtu'un ijxtëm ja jëyujk ijxpë t'ijx'ity tkëwent'atyën ja kyupixyny, jëtu'un këwent'atë ja Dios ja jyä'äy. Winë aaw winëjot mtuntëty ijxtëm ja Dios tsokyën, ka'ap y'atsipëty ets ka'ap yë meeny yi'iyë xytsyojkën'atëty.