2 Reyes 12:4 - Biblia Dc en Mixe de Quetzaltepec

^4-5 Tëkok yë Joás, t'ënëmaay ja teetytyëjkëty: Yajmuktë tëkokyë ja wit meeny mëti'ipë yë ja'ayëty myëmiintëpën jap tsajptëkoty, mëti'ipë yojxtëpën ets mëti'ipë nätyukukëpäjtëtëpën ets tëkokyë ja mëti'ipë wyaantaktëpën jap tsajptëkoty ets ja Wintsën tukmëjjawëtë, ets xy'amëtowtëty yë ja'ayëty mëti'ipë jap winë y'ijxtëp tyuuntëp tsajptëkoty wä'än t'a'o'oyëtyä'äy winë mëti'ipë jap tuunpën.

Biblia Mixe de Quetzaltepec

^4-5 Tëkok yë Joás, t'ënëmaay ja teetytyëjkëty: Yajmuktë tëkokyë ja wit meeny mëti'ipë yë ja'ayëty myëmiintëpën jap tsajptëkoty, mëti'ipë yojxtëpën ets mëti'ipë nätyukukëpäjtëtëpën ets tëkokyë ja mëti'ipë wyaantaktëpën jap tsajptëkoty ets ja Wintsën tukmëjjawëtë, ets xy'amëtowtëty yë ja'ayëty mëti'ipë jap winë y'ijxtëp tyuuntëp tsajptëkoty wä'än t'a'o'oyëtyä'äy winë mëti'ipë jap tuunpën.

2 Reyes 12:4 ပူးပေါင်းရင်းမြစ်များ

1 Reyes 3:2

Ja ja'ayëty jam ja wyintsë'kën ijty xëmë tkë'ëyaktë kopkkëjxm tunkëjxm, jä'ä ko ka'anëm ënety kyojnyëm ja tsajptëjk.

1 Reyes 3:3

Salomón tsyojkpy jya'ap ënety ja Wintsën ets tyuunpy tä ja David të ënety të tyuk'ëne'emyën, oy jam ja wyintsë'kën xëmë tyäky ma ja tun kopkën,

1 Reyes 7:1

Salomón ojts kë'ëm kyumoontëjk tkojy, kom majktëkëëk jëmëjt tkoj'apejty.

2 Reyes 12:18

Joás, jampë yajkutukyën Judá, ënätyë twinpëjkmujktaay winë mëti'ipë kënu'kxyën, mëti'ipë të tyaktën ja yajkutujkpëtëjk Josafat, Joram ets ja Ocozías; mëti'ipë yë'ë y'apäjtën jampë näjyëtu'un yajkutujktën Judá; ojts tpëjkmujkta'ay näjyëtu'un mëti'ipë ënety yë'ë kë'ëm të tyäkyën ets tëkokyë winëjaty mëti'ipë pu'ts pujxn myëët'ajtypyën jap tsajptëkoty ets ma ja kutujkëntëjkën ets tmooytyääy ja Hazael, jëtu'un ja Hazael ojts ka'ap ja naax kajpn tnitëjkënëpë.

2 Reyes 14:4

ka'ap kyutëkooy ja nyitëjk ja wiinkëtypë ja tios, ja ja'ayëty je'eyëm tyajktë ja wyintsë'kënëty ets ja pyoomëty tno'oktë txamtë.

2 Reyes 15:4

Je'eyëp ko ka'ap ojts tyajjëwa'kta'ay ja tëjk ma ja wiink tios tyaj'itën, ma ijty ja ja'ayëty ja wintsë'kën ets ja poom tyaktën ets tukwintsë'ëkëtë ja ka'apë Wyintsënëtyën.

2 Reyes 16:4

Ojts tyajknë ja wintsë'kën ets ojts tyajtooy tyajjojknë ja poom ma ja awinaxyën japë y'itën ma ja tsajptëjkën ka'ap Dios tëjkëtyën, maajaty ja nitunën ets maajaty ja aay kepy mëjatyëtypë.

2 Reyes 17:11

timjëtu'un ojts winë t'atuunajxnëtë tä ja kajpnëtyën mëti'ipë ja Wintsën ënety të t'ëxëëk'ixtën ets ja naax kajpn mëti'ipë ënety të t'ëxwopyën; ojts twino'k twinxaamnëtë mëët ja poom, ka'apë wyintsënëtyën, tuunëtë tkajpxnëtë ja ka'apë tyuunëtyën ets tyajjoot'anpëktë jëtu'un ja Wintsën mëjwiin këjää.

2 Reyes 22:4

Nëjkx xy'ixy yë Hilquías, mëti'ipë nyikopk'ajtypyën yë teetytyëjkëty ets xy'ënëëmëty, ko wä'än t'ijxmujkta'ay yë meeny mëti'ipë jap tsajptëkoty yë ja'ay myëmiintëpën ets näjyëtu'un mëti'ipë të tyajmuktën ma ja'ay jam kyëpätën tsajptëjk ëkë'ëm,

1 Crónicas 18:11

David aakyë'ë ojts ya'atë Wintsën tmooytyä'äy, mëët tëkokyë ja pu'ts pujxn ets ja poop pujxn, mëti'ipë pyëjkëyën ja Edom, Moab, Amón ja'ayëty, filistejë ja'ayëty ets ja Amalec ja'ayëty.

1 Crónicas 29:17

Ëjts nija'apës Wintsën, ko mijts wa'ats jot winma'any xy'ixy xynyijawë, yë'ë mtsojkën'ajtyp ets ja'ay winë tëyajtën tunëty. Paaty yam nmo'oy tëkokyë ya'atë winë aaw winëjot. Tyam n'ijxypyës ko yë mnaax mkajpn tyampë yaa yajpaatyën tu'ukmukyë mëët ja jot winma'any oy tsujpë, tëë mtukë'ëtëkëty tëkokyë ya'atë ayajk ako'onën.

2 Crónicas 15:18

ets tpëjktaktaay jap ma Wintsën yë tyëjkën tëkokyë ja pu'ts pujxn ets poop pujxn mëti'ipë ënety yë'ë të tpaatyën ets mëti'ipë ënety ja tyeety näjyëtu'un të tpaatyën; aakyë'ë myooytyääy ja Wintsën jap tsajptëkoty.

2 Crónicas 31:12

tääts jap tpëjktaktaaytyë mëti'ipë ja ja'ay ënety të tyaktën ets mëti'ipë ënety ja Wintsën të yajtuknipëjktaakën. Conanías mëët ja y'uty Simí yë'ë ojts tuknipëktë ets tkëwent'atëty.

2 Crónicas 35:2

Tääts tmooytyääy ja teetyëjk ja tyuunkëty ets tjomëkwinkajpxëy ets akujk jotkujk tyuntëty ma ja tsajptëjkën.

Esdras 1:6

Tëkokyë ja myëjëën myëtëjkëty ojts pyutëkëtë, tam mëti'ipë yajkën wit meeny, poop pujxn pu'ts pujxn ets tam mëti'ipë kë'ëmwinma'any yajkën ayak akonë.

Esdras 2:69

Ets ojts mayjyä'äy t'ayajkëpë jëtu'un tä ënety nijä'äjaty tim y'a'ixëtën kë'ëm, taxk mëko'px ja majkta'px tuktujk kilë ojts pu'ts pujxn yajkijpxmuky, mäjtsk mil ja wëxtujk mëko'px ja wëxtyikxy majk ja poop pujxn yajtëëymyujky, ets mëko'px ja teety wit.

Esdras 7:16

ets tëkokyë ja pu'ts pujxn poop pujxn mëti'ipë mtimpyätypyën yaa Babilonyë ets näjyëtu'un ja ayajk ako'onën mëti'ipë ja'ay yajktëpën, mëti'ipë teety yajktëpën ets jam tyunëty ma ja tsajptëjkën.

Éxodo 35:22

Yä'äy to'oxy winë tmëmiintë winë'aaw winëjot, ojts tmëmintë kë'ëjiits, kë'ëjän, tatsktëy, nantsëm ets wiinkëtypë, aak pu'ts pujxn mëët y'oytyunyëty. Tu'uktu'uk yë ja'ayëty ojts tmëmintë yë pyu'tspujxn, jëtu'un ijxtëm ënety pyaat'atyën ja Wintsën yajmo'ojëty.

Éxodo 35:29

Tëkokyë yë ja'ayëty ye'etyëjk to'oxytyëjkpë ojts ja jyot wyinma'any y'ëwa'atstë ets pyutëkëja'antë ma ja tuunk jam y'ityën, mëti'ipë ja Moisés ojts ja Dios tyuk'ëne'emyën, mëët ja ayajk ako'onën mëti'ipë myëmiintën, jëtu'un ojts tyaktë tä ënety ja jyot wyinma'any y'ëna'antën.

Éxodo 35:5

Pënjaty ja y'ayajk y'ako'onën kyë'ëyakäämpyën ma Tiosën, mëët ko jëtu'un ja jyot wyinma'any tyajja'ty ets ko jëtu'un tuknipëjktaakë winë aaw winëjot. Ya'atë mëpaat xyaktë: pu'ts pujxn, poop pujxn, tsuxkpujxn,

Éxodo 36:3

Ënet ojts jä'ä ja Moisés myooytya'ajëtë ja ayajk ako'onën mëti'ipë ja Israel ja'ayëty të tmëmintën ets tyajtso'onta'aktëty ja tuunk ma ja tsajptëjk kyoja'anyën. E ja Israel ja'ayëty ni'ikyë tmëmiin'ëtë'ëtstë ja ayajk ako'onën winjëpom.

Lucas 21:4

Yë ja'ayët aakyë'ë meeny y'ako'nëtëp mëti'ipë natëjkëpën e yë ku'ooktyo'oxy, yë'ë të t'akonë mëti'ipë nimëjaaw pyätypyën ets mëti'ipë ënety nätyukjëjp'ijxëpën ma jyuuky'ajtënën.