2 Reyes 12:3 - Biblia Dc en Mixe de Quetzaltepec

³ Je'eyëp tëy ko ka'ap ojts yajijta'ay ja tëjk ma ja'ay ijty t'ëwtatën ja ka'apë Wyintsënëtyën, jä'ä ko ja ja'ayëty je'eyëm jam ja wyintsë'kën ets ja pyoom tyaktë.

Biblia Mixe de Quetzaltepec

³ Je'eyëp tëy ko ka'ap ojts yajijta'ay ja tëjk ma ja'ay ijty t'ëwtatën ja ka'apë Wyintsënëtyën, jä'ä ko ja ja'ayëty je'eyëm jam ja wyintsë'kën ets ja pyoom tyaktë.

2 Reyes 12:3 ပူးပေါင်းရင်းမြစ်များ

1 Reyes 15:11

Yë Asá oy ojts winë tuny Wintsën wyintum, jëtu'un tä ja y'apteetyën David.

1 Reyes 15:14

Oy ojts ka'ap tyajkutëkooytyä'äy ja tuuntakn kajpxtakn tunkëjxmëpë kopkëjxmëpë. Yë Asá xëmë oy tmëtuuny ja Wintsën,

1 Reyes 22:43

Yë Josafat oy ojts winë tuny, jëtu'un tä ja tyeety Asá ojts winë tunyën. Ja tyuunk oy ojts ja Wintsën t'ixy. Je'eyëp ko ja awinax ets ja nyitsajptëjk ja ka'apë jeexyë t'ëwtatyën, ka'ap ojts jyëwä'äky ets kyutëkoy.

2 Reyes 12:2

Yë tyu'unën kyajpxën oy ojts yë Wintsën t'ixy, jä'ä ko yë'ë ënety oy tsuj të tyu'uwinwoy të tyu'uwinwitsyë yë teety Joiadá.

2 Reyes 14:4

ka'ap kyutëkooy ja nyitëjk ja wiinkëtypë ja tios, ja ja'ayëty je'eyëm tyajktë ja wyintsë'kënëty ets ja pyoomëty tno'oktë txamtë.

2 Reyes 15:3

Yë tyu'unën kyajpxën yë Azarías oy yë Wintsën t'ijxy, jä'ä ko jëtu'un oy winë tuuny tä ënety ja tyeety Amasías oy winë të tunyën.

2 Reyes 15:35

ojts tyajkojy ja tsajptëjk'aaw jamtsow jëjp'am. Je'eyëp ko ka'ap tjëpëjktaay ja jëën tëjk ma ënety y'itën ja ka'apë tyiosëtyën ma ja ja'ay ja wyintsë'kën tyajktën ets ja pyoom tyajtoytyën.

2 Reyes 15:4

Je'eyëp ko ka'ap ojts tyajjëwa'kta'ay ja tëjk ma ja wiink tios tyaj'itën, ma ijty ja ja'ayëty ja wintsë'kën ets ja poom tyaktën ets tukwintsë'ëkëtë ja ka'apë Wyintsënëtyën.

2 Reyes 18:3

Yë tyu'unën kyajpxën yë Ezequías oy ojts yë Wintsën t'ixy, jëtu'un tä ja y'ap y'okën David.

2 Reyes 18:4

Ojts tjijta'ay ja tëjk ma ja awinax y'itën, tyukpu'ujëtyääy ja tsaa mëti'ipë ënety tyijtëpën kënu'kxy, jëtu'unyë tpu'utaktaay ja Aserá ja y'awinax ets ja tsa'any mëti'ipë aak pujxnën mëti'ipë ënety ja Moisés të tyajkojyën; wa'ats tyajma'taay, yë'ë ijty yë Israel ja'ayëty wyino'k wyinxaamtëp mëët yë poom, jä'ä tijtë Nehustán.

2 Reyes 22:2

Ja tyu'unën kyajpxën ja Josías oy ja Wintsën t'ijxy, jä'ä ko yë'ë oy winë tuuny tä ja y'apteety David winë tuunyën, yë'ë ka'ap ojts ma tii tuuntëkoy.

2 Crónicas 31:4

Ezequías ojts tuknipëky ja Jerusalén ja'ayëty ets tmo'otëty ja teetyëjk ets ja Leví ja'ayëty ja ayajk ako'onën ets tyuntëty tu'kjëjp ma ja Wintsën ja tsyajpjëën tsyajptëjkën.

Jeremias 2:20

Tëëyëp xyajtso'ontä'äky maas je'eyë xykyäjpxykyumëtoownaxyën, maas ka'ap xymyëmëtoyën. Je'eyë m'ënany: Ëjts ka'apës tii ntuna'any. Jam muum kepypya'tkë'ëm, jam muum kopkëjxm, je'eyë ojts jam mpokytyuny, ko wiink tios xy'ëwtajty, jëtu'un tä to'oxytyëjk jyot nyini'kx tookyën ets kanaak yë ye'etyëjk tmëët'aty.