2 Reyes 12:17 - Biblia Dc en Mixe de Quetzaltepec

¹⁷ Jä'ä jëmëjt yë Hazael mëti'ipë jam yajkutujkpën Sirië, ojts tkexy yë myaytsyiptuunpë ma nyaaxjotmën yë Gad ets tjä'äpëjky, jam tsyo'ony tääts ojty nyijkxy Jerusalén.

Biblia Mixe de Quetzaltepec

¹⁷ Jä'ä jëmëjt yë Hazael mëti'ipë jam yajkutujkpën Sirië, ojts tkexy yë myaytsyiptuunpë ma nyaaxjotmën yë Gad ets tjä'äpëjky, jam tsyo'ony tääts ojty nyijkxy Jerusalén.

2 Reyes 12:17 ပူးပေါင်းရင်းမြစ်များ

Lucas 9:53

Ka'ap ja Samaria ja'ay kyupëjkëtë, jä'ä ko tnijawëtë ko Jerusalén nyijkx ja Jesús.

Lucas 9:51

Ko ja xëëw po'o ënety tpatnë ma ja Jesús pya'tëkëjanën tsajpjotm, tääts ojts amëk jotmëk nyijkx Jerusalén.

Jeremias 42:15

miitsëty Judá ja'ayëty ninu'un të wyë'ëmtën yaa, mëtoow'itë wi'ix yë Wintsën y'ënä'änyën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën: Pën miitsëty jëtu'un m'ëna'antë ko jap mnëjkxa'antë Egiptë tsënääpyë,

1 Crónicas 18:1

Ko jëtu'un ya'atë y'ëkkëjxy y'ëknajxy, ënät ja David mëët tsyiptuuny ja filistejë ja'ayëty ets ka'ap tyajmëtäky ets tpëjkëy ja kyajpnëty mëti'ipë xyëëwajtëpën Gad ets nyaax kyajpn mutskjatyëtypë.

1 Crónicas 8:13

Beriá ets Semá jä'ä nyikopk'ajtë ja y'u'unk y'ëna'këty ets ja jyëën tyëjkëty, mëti'ipë y'ëxwojpëtsëëmtaaytyën ja Gad ja'ayët jam Aialón, ma tsyënaaytyaknpëjktën;

1 Reyes 19:17

Jëtu'un'äämpy ko pën jyakä'äka'anëty ma ënety ja Hazael yaj'ooka'anyën, yë Jehú yë'ë yaj'ookëtëp, e ko ënety pën jyake'eky ma ja Jehú, yë Elisejë yë'ë nëjkx yaj'ookyë.

1 Samuel 27:2

Jëtu'un yë David ojts jam tsyo'onë ma ënety jam yajpaatyën mëët nitëtujk mëko'px ja jyä'äy mëti'ipë ënät jämyëët'ajtëpën ets jam myëtuna'antë ma ja mëj'ënä'ämpën mëti'ipë txëëwajtpën Aquis, yë myaank yë Maoc, jampë y'ëne'emyën Gad naaxjotm.

1 Reyes 15:18

Ënet ja Asá tyajpëtsëëmtaay ja pu'ts pujxn ets ja poop pujxn mëti'ipë ënety jap të jyaakwë'ëmyën tsajptëkoty ets jap ma ja kutujkëntëjkën ets ja tyuunpëtëjk tukmëkäjxëy ets tmo'otëty ja Ben-adad, mëti'ipë jam yajkutujkpën Sirië, ja myaank ja Tabrimón, yë y'ok'u'unk yë Hezión, mëti'ipë jam tsënääpyën Damasco. Näyjyëtu'un ja aaw ayuk tuknikejxy:

2 Reyes 10:32

Jä'ä xëëw yë Wintsën ojts tjëpëjkë ja Israel ja'ayëty ja nyaaxjot. Yë Hazael ojts tnipëtë'ëky ja Israel ja'ayëty jampaat ma ja tsyëpa'an nyaxtën ets maajaty ja tsëpa'an tmëët'atën:

2 Reyes 10:33

Tsyo'ontä'äky jam ëpa'tkë'ëmtsow ma ja Jordán mëjnëë jyënäkyën, nyäxy ma ja Galaad y'itjotmën ets y'ëwtity ma ja nyaaxjotëtyën ja Gad, Rubén ets Manasés; jam jatëkok tsyo'ontä'äky wiinkpë Aroer, winkon ma ja woknëë mëti'ipë yajtijpën Arnón ets Galaad ets Basán.

2 Reyes 13:3

Paaty ja Wintsën mëj këjää tukjoot'anpëjky ja Israel kajpn ets jekpyaat tkë'ëyäjky ma ja Hazael yajkutukyën, jam Sirië ets ma ja y'u'unkën Ben-adad.

2 Reyes 16:8

Acaz ojts jap tju'ta'ay ja pu'ts pujxn ets ja poop pujxn mëti'ipë tsajptëkoty ijtpën ets mëti'ipë jap ma kutujkëntëjkën ets ojts tnamo'oy ja Asiria yajkutujkpë,

Daniel 11:17

Nëjkxëp näjyëtu'un tuknipëjktaakë wi'ix tjä'ä'ajta'aja'anyën ja naax kam ëpa'tkë'ëytsyowpë; ets yë'ë nëjkx wyinma'anypyääty ko tyajpëka'any yë nyëëx mëët yë myaank yë yajkutujkpë ëpa'tkë'ëytsyowpë ets tpëjkëtya'aja'any yë kyutujktakn, je'eyëp ko ka'ap nëjkx oy wyimpëtsëmy jyëjpëtsëmy.

Habacuc 1:9

Maajaty nyäxyën ëxëëk y'ëti'itsy; maajaty nyëjkxtën aak tsë'k aak ja'awëtyëp yë ja'ay, jëtu'un tä yë poj twinpäätë'ëkyën yë jin jam të'ëts'itjotm jëtu'un yë ja'ay tsumtë tmatstë