2 Reyes 11:5 - Biblia Dc en Mixe de Quetzaltepec

⁵ Tä ojts mëktä'äky tuk'ëne'emy: Ya'atë miitsëty mtuntëp: Ja mëtëkëëk pëkpyë tsiptuunpëtëjk jam nëjkx mkëwent'atë ma ja kutujkëntëjkën ko ënety pyo'kxënxëëwëty;

Biblia Mixe de Quetzaltepec

⁵ Tä ojts mëktä'äky tuk'ëne'emy: Ya'atë miitsëty mtuntëp: Ja mëtëkëëk pëkpyë tsiptuunpëtëjk jam nëjkx mkëwent'atë ma ja kutujkëntëjkën ko ënäty pyo'kxënxëëwëty;

2 Reyes 11:5 ပူးပေါင်းရင်းမြစ်များ

1 Crónicas 9:25

Ja jyiiky myëku'ukëty mëti'ipë jam kajpnjotm ijtëpën, nimiinëtëp ijty xëmë ets tëtujk wëxtujk xëëw pyutëjkëkyojëtë.

Jeremias 26:10

Ja kopktëjkëty mëti'ipë jam Judá mëj'äämpy ijtëpën, ko tnija'awëtyë wi'ix jam jyäty kyëpetyën, ënätyë jam tsyo'ontë ma ja kutujkëntëjkën, ma ja yajkutujkpë y'ëne'emyën ets ojts nyëjkxtë ma tsajptëjkën. Jam nyaaxwä'tstë ma ja Jempyë Tëjk Aawën.

1 Crónicas 23:32

Yë'ë näjyëtu'un ijty y'ijx'ijtëp ja tëkot ma ja näpyaatë y'ityën mëët ja Dios ets ma ja tsajptëjk tëkotën, tyuntë jap jëtu'un mëët ja jyiiky myëku'ukëty, mëti'ipë ja Aarón y'u'unk'ajtyp y'ok'ajtypyën.

2 Reyes 16:18

Ets jä'ä ko ja Asiria yajkutujkpë mëët oy nyäjyawëja'anyë, ojts jam tyajpëtsëmy ma ja Wintsën ja tsyajptëjkën ja tënaaytyakn mëti'ipë ojts yajkoyën ets jää tyunëty ko ja po'kxënxëëw tpaatëty; jëtu'un wyë'ëmëty ja tëjk'aaw ëwaatsë ko ja yajkutujkpë ënety myiny.

2 Reyes 11:19

tääts twinpiiy ja mëti'ipë ja këwent'ajtpë nyiwintsën'ajtëpën, ijxtëm ja Queret ja'ayëtyën, jampë tyuntën ma ja këmoontëjkën ets tu'kë'ëyë ja ja'ayëty, tääts ni'ëmukë jap twoowtso'ontë ja yajkutujkpë ma ja tsajptëjkën ets jam tyajnëjkxnëtë ma ja kutujktaknën, jamtsow tyëjkëtyë ma ja kutujkëntëjk yajnitëkën mëti'ipë këwent'atyën ets ja Joás ja kyutujktakn yajmooynyë,

1 Reyes 10:5

Ets t'ijxtaay ja kyä'äyën y'ukën, ja jyëën tyëjk maajaty ja tyuunpëtëjk y'ityën, ja wyit tyujkxy, ja tyuunpëtëjk, wä'än yë'ëjëty mëti'ipë tojkx apëjkëtyëpën uuky apëjkëtyëpën ets wi'ix ja wintsë'kën tyäkyën mëjwiin këjää ma Wintsënën mëj'äämpy ojts t'ixy.

2 Reyes 11:6

ja wiinkpë nän ja tëkëëk pëkpyë jam nëjkx mkëwent'atë ma ja tyëjkëtyaknën ja Shur; ets ja tëkëëk pëkpyë wiinkpë jam nëjkx kyëwent'atë ma yajpaatyën ja yajkutujkpë ja jyëën tyëjk. Jëtu'un këkääknaxy nëjkx xykyëwent'atë ja kutujktakn.