2 Reyes 11:4 - Biblia Dc en Mixe de Quetzaltepec

⁴ Kom wëxtujk jëmëjt, yë Joiadá ojts tmëkajpxmujkta'ay ja tsiptuunpë wintsën ets ja Queret ja'ayëty mëti'ipë kyëwent'ajtëpën ja yajkutujkpë ets ja mëti'ipë ja kutujkëntëjk kyëwent'ajtëpën, tääts jap tkuwo'owëtyääy tsajptëkoty, ma ja Wintsën ja tsyajptëjkën, jap ënety yë Joiadá yajpaaty. Japts ojts yë käjpxytyu'unën tuntë ets tuk'ixy ja yajkutujkpë ja myaank mëti'ipë xyëëwajtypyën Joás.

Biblia Mixe de Quetzaltepec

⁴ Kom wëxtujk jëmëjt, yë Joiadá ojts tmëkajpxmujkta'ay ja tsiptuunpë wintsën ets ja Queret ja'ayëty mëti'ipë kyëwent'ajtëpën ja yajkutujkpë ets ja mëti'ipë ja kutujkëntëjk kyëwent'ajtëpën, tääts jap tkuwo'owëtyääy tsajptëkoty, ma ja Wintsën ja tsyajptëjkën, jap ënäty yë Joiadá yajpaaty. Japts ojts yë käjpxytyu'unën tuntë ets tuk'ixy ja yajkutujkpë ja myaank mëti'ipë xyëëwajtypyën Joás.

2 Reyes 11:4 ပူးပေါင်းရင်းမြစ်များ

Génesis 50:25

Ënet ojts tuknikäjpxy yë Israel yë y'u'unk y'ëna'k ets t'ënëmaay: Tëyajtën yë'ë ko Dios yë'ë mniminanëtëp. Ko jëtu'un nëjkx jyäty kyëpety myajtso'onta'atëp yaa yë nwaay npajkës.

2 Samuel 20:23

Joab yë'ë ojts tmëwë'ëmy tëkokyë ja tsiptuunpëtëjk mëti'ipë jam yajpatëpën ma Israel kajpnën, e ja Benaías, yë Joiadá myaank yë'ë ojts twinkuwa'akë ja Queret ja'ayëty ets ja peleteos ja'ayëty ets tu'uwinye'eyëty ya'atë tsiptuunpëtëjkëty.

2 Samuel 8:18

E ja Benaías, yë myaank yë Joiadá, yë'ë ijty jam winë y'ijxpy tyuunpy ma ja Queret ja'ayëtyën ets ja peleteëja'ayëtyën mëti'ipë ja David këwent'ajtëpën. Yë David yë y'ëna'k aak teety y'ijtë.

1 Reyes 14:27

Yë yajkutujkpë Roboam ojts ja jyä'ä näjyëtu'un tyajkojy, jä'ä ja pujxn mëti'ipë ijty ja tsiptuunpë ja'ayëty nätyuk'akëëytyujkëtëpën ko tsyiptuuntë, aakyë'ë pujxn ojts tyajtuntë mëti'ipë yajtijpën tsuxk pujxn, tääts tuknipëjky ja tsiptuunpëtëjk ets yë'ë tkëwent'atëty, ja mëti'ipë jam këwent'ajtëpën ma ja kutujkëntëjkën.

1 Reyes 18:10

Ëjts tyamës ntukajpxpety yë mWintsën yë xyëëw, ko tää yajxon mjanty yaj'ixta'ay ets myaj'ooka'anyë, tëë yajtukjëtijtëtyä'äy yë naax kajpn, ko pën y'ënä'äny ko ka'ap maa Ahab kanaak'ok tuknikäjpxy yë ja'ay ko ka'ap maa pën të mpaatyë.

2 Reyes 11:17

Ok ja teety Joiadá tuuny tu'uk ja käjpxytyu'unën mëët ja Wintsën, ja yajkutujkpë ets ja naax kajpn mëti'ipë ja Wintsën jyä'ä'ajtypyën ets näjyëtu'un tuuny ja käjpxytyu'unën ja yajkutujkpë mëët ja kajpn.

2 Reyes 11:19

tääts twinpiiy ja mëti'ipë ja këwent'ajtpë nyiwintsën'ajtëpën, ijxtëm ja Queret ja'ayëtyën, jampë tyuntën ma ja këmoontëjkën ets tu'kë'ëyë ja ja'ayëty, tääts ni'ëmukë jap twoowtso'ontë ja yajkutujkpë ma ja tsajptëjkën ets jam tyajnëjkxnëtë ma ja kutujktaknën, jamtsow tyëjkëtyë ma ja kutujkëntëjk yajnitëkën mëti'ipë këwent'atyën ets ja Joás ja kyutujktakn yajmooynyë,

2 Reyes 11:3

yë Joás jap ojts tëtujk jëmëjt y'ity yu'utsy tsajptëkoty mëët ja to'oxytyëjkëty mëti'ipë këwent'ajtëpën. E yë Atalía yë'ë ojts t'ëne'emy ja naax kajpn.

2 Reyes 11:9

Ja tsiptuunpë wintsënëty ojts jëtu'un tjantytyuntë tä ënety ja teety Joiadá të tyuk'ënä'ämëtën. Nitu'ukjaty ojts twinkuwa'akëtë ja tyuunpëtëjk ets yë'ë kë'ëm tyim'ijx tyimtuuntëp ja mëti'ipë tëjkëtyëp ma po'kxënxëëw tpaatyën ets mëti'ipë pëtsëëmtëpën, ënät jam nyäwya'këxë'ëkëtë ma ja teetyën Joiadá.

2 Reyes 12:7

Ënet ja Joás ojts tmëkäjpxy ja teety Joiadá ets wiinkëtypë ja teetytyëjkëty, tääts t'ënëmaay: ¿Wi'ix ko ka'ap xyaj'a'oyëtë ja tsajptëjk? Tyam ka'ap ënät meeny xy'ëk'ëxajënëtëty ma ja'ayëtyën mëti'ipë jap winë tsajptëkoty y'ijxtëp tyuuntëpën; mëti'ipë miitsëty mëët'ajtëpën yë'ë mtuknikoonë'ëkëtëp ets ja tsajptëjk y'a'oyëty.

2 Reyes 23:3

Ënet ja yajkutujkpë jam wya'ak'o'oyëy ma ja mëjpotsyën, mëti'ipë ja tsajptëjk pya'tënääpyën ets y'ënäny; ko myëmëtowäämpy ja Wintsën ets ko pyatuunta'ajäämpy ja y'ënä'ämën tyiyajtën; ja y'aaw ja y'ayuk ets ko xëmë tja'amyätsa'any ja käjpxytyu'unën mëti'ipë jap miinpën kuja'ay ma ja nokyën. Näyjyëtu'un ja naax kajpn ojts ja y'aaw y'ayuk tkë'ëyaktë.

1 Crónicas 9:13

ets tëkokyë ja jyiiky myëku'ukëty, jä'ä nyiwinë'ajtë mil ja wëxtujk mëko'px ja tëkë'px, tyaapë ja'ayëty nyija'awëtyëp ijty wi'ix ja tuunk tyajtu'uye'eytyëtyën jap tsajptëkoty.

2 Crónicas 15:12

Ets ëmuumtu'ukjot tukkajpxpäjtë ja Wintsën ja xyëëw ets y'ënantë ko yë'ë xëmë tmëkajpxa'antë winë aaw winëjot, ja Wintsën mëti'ipë ja tyeety y'apëty y'ëwtajtën.

2 Crónicas 29:10

Paatyës të ntuknipëjktaakë koos ja käjpxytyu'unën oypyë ntuna'any mëët yë Wintsën, mëti'ipë Israel ja'ayëty y'ëwtajtëpën ets Wintsën tyajjëwa'akëty ja tsyip y'äkë ma ëëtsajtëmën.

Nehemías 10:29

ojts tyu'ukmujkta'atë jënu'un ënety tyu'ukjëëky'at tyu'ukmëku'uk'atën mëët ja kyopktëjkëty ets ojts tnikajpxtë ko tpatuna'antë ja Wintsën ja y'ënä'ämën tyiyajtën mëti'ipë yajwë'ëmën mëët ja Moisés, ets ko tpatuna'antë ja ënä'ämën tëyajtën, ja winma'any ets ja y'aaw y'ayuk ja Wintsën.

Nehemías 5:12

Tä y'ëtsoowtë ja mayjyä'äyëty: Oyës jëtu'un ntuntëty, tyam ëëts jatëkok tmooytya'atëty mëti'ipë të tnitooktën ets tyam ëëts n'ëna'antë ko ka'ap ja nu'kxy pën ntukmatsa'antës. Jëtu'un yam ëëts n'ëna'antë ko ntuna'antës jëtu'un tä yam xynyikäjpxyën. Ënet tmëjmëkajpxtaayës ja teetytyëjkëty ets ja ja'ay tnikajpxtëty yë'ë wyintuuyëty ko mëtëy y'ëna'antë.

Nehemías 9:38

Mëët ya'atë kyëjxm, tyam ëëts yajxon nikajpxtë nokykyijxy ets wä'än yajxon tyajjaaypyäjta'ay, ets ja noky mëti'ipë ënät pëtë'ëkëpën yë'ë wyinkukaatsëtëp ets tsya'atëp ëëts yë nkopktëjkëty, Leví ja'ayëty ets teetytyëjkëty.

Hechos 5:24

Ko jëtu'un ja ayuk tmëtoowtë ja teety wintsënëty ets ja mëjtsajptëjk këwent'ajtpë wintsënëty, ka'ap tmëwinma'anypyatë, je'eyë tmëmay tmëtajtë wi'ix kyukëxëja'any ya'atë winë.

Hechos 5:26

Tääts ja mëjtsajptëjk këwent'ajtpë wintsën ets ja tyuunpëtëjk ojts tninëjkxtë ja ijxpëjkpëtëjk; je'eyëp ko ka'ap wi'ix tuuntë, jä'ä ko tsyë'këtëp ja ja'ay ko kyuka'atsëtëty.

Josue 24:25

Jä'ä xëëw yë Josué ojts tuny tu'uk yë käjpxytyu'unën mëët ja naax kajpn jam Siquem, ojts tmo'oy ja aaw ayuk ets ja ënä'ämën tëyajtën tii mëpaat tuntën.

1 Samuel 18:3

Yë Jonatán mëët yë David ojts tkäjpxy'atë ko xëmë nyäy'oyjyawëja'anëtë, jä'ä ko yë Jonatán janty'oy ojts tmëku'ukjawë ets t'oyja'awëy yë David, jëtu'un tä kë'ëm nyäjyawëtyën.

1 Samuel 23:18

Ënet ojts jatëkok ja käjpxtyu'unën tuntë ets Wintsën ojts kë'ëm t'ixy tnijawë. Ko jëtu'un tyuuntaay jyajtaayë, tääts ojts ja Jonatán wyimpijnë ma tyëjkën, e ja David jam wyë'ëmnë Horés.