2 Reyes 11:19 - Biblia Dc en Mixe de Quetzaltepec

¹⁹ tääts twinpiiy ja mëti'ipë ja këwent'ajtpë nyiwintsën'ajtëpën, ijxtëm ja Queret ja'ayëtyën, jampë tyuntën ma ja këmoontëjkën ets tu'kë'ëyë ja ja'ayëty, tääts ni'ëmukë jap twoowtso'ontë ja yajkutujkpë ma ja tsajptëjkën ets jam tyajnëjkxnëtë ma ja kutujktaknën, jamtsow tyëjkëtyë ma ja kutujkëntëjk yajnitëkën mëti'ipë këwent'atyën ets ja Joás ja kyutujktakn yajmooynyë,

Biblia Mixe de Quetzaltepec

¹⁹ tääts twinpiiy ja mëti'ipë ja këwent'ajtpë nyiwintsën'ajtëpën, ijxtëm ja Queret ja'ayëtyën, jampë tyuntën ma ja këmoontëjkën ets tu'kë'ëyë ja ja'ayëty, tääts ni'ëmukë jap twoowtso'ontë ja yajkutujkpë ma ja tsajptëjkën ets jam tyajnëjkxnëtë ma ja kutujktaknën, jamtsow tyëjkëtyë ma ja kutujkëntëjk yajnitëkën mëti'ipë këwent'atyën ets ja Joás ja kyutujktakn yajmooynyë,

2 Reyes 11:19 ပူးပေါင်းရင်းမြစ်များ

Mateo 25:31

Ko myinëty ja naaxwiinyëtë ja'ay ja y'U'unk mëët ja të'kxën jajën ets ja y'anklëstëjk ni'ëmukë, ënät nyaaxwäätsa'any ma ja kyutujktaknën mëti'ipë myëët'ajtypyën ja mëj'ajt oyajtën.

Mateo 19:28

Tääts ja Jesús y'ëtsoowëtë: Tëy miits n'ënëëmëtë, ko ënety winë y'ajemyëtyä'äy, ma ja naaxwiinyëtë ja'ay ja y'U'unk ja kyutujkën tpëkyën ets nyaaxwäätsëty ma ja oypyë tsujpë ja y'ënyääypyäjnën; ets miitsëty mëti'ipëjaty të xymyëpëktënës mnaaxwä'tsta'atëty ma ja majkmäjtskpë ja ënyääypyäjnën ets xypyaye'eytyëty ja nyëë pyokyëty ja Israel ja'ayëty nimajkmäjtsk teetypë.

Jeremias 22:30

Jëtu'un yë Wintsën y'ënä'äny: Jap ya'atë ye'etyëjk kuuja'atë ma yajjaaypyätën yë ye'etyëjktëjk, ko jëtu'un yë'ë tä tu'uk ja'ayën mëti'ipë ka'ap nitu'uk yë y'u'unkën, tä tu'uk yë ye'etyëjkën mëti'ipë ka'ap tii të y'oypyëtsë'ëmxëtyën ko të jyuuky'äty. Jä'ä ko ka'ap nëjkx nitu'uk yë y'u'unk y'ëna'k jyä'ty ma David yë kyutujktaknën ets jeexyë jam jatëkok y'ëne'emy Judá.

Jeremias 22:4

Pën mtuuntëp mëti'ipë ntuk'ënä'ämtëpën, jää'ataanp ja ja'ay mëti'ipë yajkutukëpën ma ja David ja kyutujktaknën, mëti'ipë tëkëjantëpën kepy wintëkäämpëkëjxy ets kwaaykyijxy jam ma yajnitëkën yë kutujktakn, mëët ja ja'ayëty mëti'ipë mëj'äämpy ijtëpën ets wintsëntëjkëty.

Jeremias 17:25

Ko jëtu'un xytyuntëty, itaanp xëmë yë ja'ay mëti'ipë nëjkx yajkutujkpë'atyën ets y'ënä'ämëty ma David kyutujktaknën, nëjkxëp jam tyëkë pyëtsëmtë mëj'äämpy naaxjoty kajpnjoty kepy wintëkäämpëkëjxy ets kwaaykyijxy, mëët ja kopktëjkëty, wintsëntëjkëty mëti'ipë jam Jerusalén ets jam Judá kukajpnajtëpën ets jam Jurusalén xëmë nëjkx ja'ay jam yajpaaty.

2 Crónicas 23:19

Ojts tuknipëky ja ja'ay mëti'ipë y'atänëtëpën ja Wintsën ja tsyajptëjk'aaw, këtiipë pën tyëkëty ajotkumonë mëti'ipë ka'ap pyäätyën.

2 Crónicas 23:5

jatu'kpëky yë'ë jam wyë'ëmtëty ets yë'ë tkëwent'atëty akujktëjk kutujkëntëjk; jatu'kpëky jam wyë'ëmtëty ma ja kajpnpa'a kajpnuxën. E ja nimayjyä'äy jam yajpata'atëty ma ja tsajptëjkën.

1 Crónicas 29:23

Ja Salomón ojts tmëwë'ëmy ja kutujktakn, mëti'ipë ja Wintsën jyä'ä'ajtypyën, tkutëjkënë ja tyeety David, oy tyuuntso'ony ets ojts wyimpäjtkojy ma ja kyutujkënën. Aak mëmëtoowëp ijty ja Israel ja'ay.

1 Reyes 1:13

Nëjkx yë David ix ets xy'ënëëmëty: Jëtu'un yowë ojts m'ëna'any mijts yajkutujkpë, koos yë nmaank Salomón yë'ë nëjkx jëna'a yajkutuky ko ënety mijts tëë m'o'knë mtëkooynyë. ¿E wi'ixts ko yë Adonías yë'ë jam tyam kë'ëm nyäpyëjktakëpë ets y'ënä'ämëty?

Génesis 37:36

Yë Madián ja'ayëty jap ojts tkutookëtë yë José Egiptë, ma tu'uk yë ja'ayën, jä'ä xyëëwajtyp Potifar, wintsën ënety y'ity ma yajkutujkpën, mëti'ipë ënä'ämpën jap Egiptë; yë'ë ënety wintsën ijtp ma tsiptuunpëtëjkëtyën mëti'ipë kyëwent'ajtëpën yë yajkutujkpë.

2 Crónicas 23:20

Ënet tyajmujktaay ja ja'ay mëj'äämpyë y'itën tä ja wintsëntëjkëty, yajkutujkpëtëjk, kopktëjkëty, mëj tuunpëtëjkëty ets nitëkokyë ja mayjyä'äy. Tääts tyajtso'ontë ja yajkutujkpë jam ma ja tsajptëjkën ets ojts tyajnëjkxtë ma ja kutujktaknën; jamtsow tyëjkëtyë ma ja mëj tëjkëtyaknën jampë këjxm yajpaatyën. Judu'un tyajnaaxwä'tstë ja yajkutujkpë ma ja y'ënyääytyaknën,

1 Reyes 14:27

Yë yajkutujkpë Roboam ojts ja jyä'ä näjyëtu'un tyajkojy, jä'ä ja pujxn mëti'ipë ijty ja tsiptuunpë ja'ayëty nätyuk'akëëytyujkëtëpën ko tsyiptuuntë, aakyë'ë pujxn ojts tyajtuntë mëti'ipë yajtijpën tsuxk pujxn, tääts tuknipëjky ja tsiptuunpëtëjk ets yë'ë tkëwent'atëty, ja mëti'ipë jam këwent'ajtëpën ma ja kutujkëntëjkën.