2 Reyes 11:18 - Biblia Dc en Mixe de Quetzaltepec

¹⁸ Tääts ni'ëmukë nyëjkxtaaytyë ma ja Baal ja tsyajptëjkën ets tjijtë, wa'ats tukjijtëtyääytyë ja wyintsë'këntyakn, xit ko'ow tuuntaaytyë. E ja Matán mëti'ipë teety'ajtpën ma ja Baal ja tsyajptëjkën jämyë tyaj'o'ktë ma ja wintsë'këntyaknën. Ko jëtu'un kyëjxtaay nyajxtaay ënät ja teety ojts jam tyajwë'ëmy ja këwent'ajtpë ma ja Wintsën ja tsyajptëjkën;

Biblia Mixe de Quetzaltepec

¹⁸ Tääts ni'ëmukë nyëjkxtaaytyë ma ja Baal ja tsyajptëjkën ets tjijtë, wa'ats tukjijtëtyääytyë ja wyintsë'këntyakn, xit ko'ow tuuntaaytyë. E ja Matán mëti'ipë teety'ajtpën ma ja Baal ja tsyajptëjkën jämyë tyaj'o'ktë ma ja wintsë'këntyaknën. Ko jëtu'un kyëjxtaay nyajxtaay ënät ja teety ojts jam tyajwë'ëmy ja këwent'ajtpë ma ja Wintsën ja tsyajptëjkën;

2 Reyes 11:18 ပူးပေါင်းရင်းမြစ်များ

Deuteronomio 12:3

Mjijtë'ktaayëtëp yë pyotsyëty ma ja wintsë'kën tyaktën, piw nuuk tuunta'atë yë tsaa ets nino'oktë yë kepy tsyetsy ets yajkutëkooytya'atë tëkokyë mëti'ipë y'ëwtajtëpën. Nitii xykyayajwë'ëmtëty mëti'ipë y'ëwtajtëpën ets jëtu'un ka'ap nijëna'a y'ëkyajja'amyäjtsnëtëty.

2 Reyes 18:4

Ojts tjijta'ay ja tëjk ma ja awinax y'itën, tyukpu'ujëtyääy ja tsaa mëti'ipë ënety tyijtëpën kënu'kxy, jëtu'unyë tpu'utaktaay ja Aserá ja y'awinax ets ja tsa'any mëti'ipë aak pujxnën mëti'ipë ënety ja Moisés të tyajkojyën; wa'ats tyajma'taay, yë'ë ijty yë Israel ja'ayëty wyino'k wyinxaamtëp mëët yë poom, jä'ä tijtë Nehustán.

2 Reyes 10:26

ets tukpu'ujëtyääytyë winë, tuktëjëtyääytyë ja kepyëty ets nino'ktaaytyë mëti'ipë ëmaay tyijtëpën.

1 Reyes 18:40

Ënet ja Elías y'ënëmaayëtë: Majtsta'atë mëti'ipëjaty myëtuuntëpën yë Baal. Nitu'uk xyjyaakyajkä'äktëty. Tä tjanty myajtstaaytyë ets ja Elías ojts tyajnëjkta'ay jam ma ja wokjot txëëwatyën Quisón jamts tkupujxtaay.

Deuteronomio 13:5

Tääpë käjpxynyajxpë, ëkë mëti'ipë yajniwijpyën yë kuma'ay, nëjkxëp yë y'ooky, mëëtkyëjxm ko ënety tëë mnajts'ëw mnaskajpxëtë ets xykyäjpxy kumëtoownaxtëty ja Wintsën mëti'ipë mTyios'ajtëpën, mëti'ipë myaj'ëwaatsëpëtsëëmëtën jap Egiptë ma ënety mëtun m'ëyowtën ets ka'ap myajmëjuytyë. Jëtu'un ënety ka'ap xy'ijxta'aktë ja ëxëëkajtën ma miitsëtyën.

Isaías 2:18

ets nëjkx tyajkutëkooytyä'äy ja awinax.

2 Crónicas 34:7

Wa'ats tjijtë'ktaay ja wintsë'këntyakn, ja Aserá ja y'awinax ets ja naaxpotsy; xit ko'ow tuuntaay. Jyijtaay ja poom ja nyiwintsë'këntyakn maajaty ja Israel kajpnën. Ok ojts wyimpijnë jam Jerusalén.

2 Crónicas 34:4

Ojts yajijtë'ëky may ja Baal ja wyintsë'këntyakn yë'ë wyintuuy. Ojts näjyëtu'un tukjijtëtyä'äy ja poom ja nyiwintsë'këntyakn. Ojts tjijtë'kta'ay, ja Aserá y'awinax, ja awinax mëti'ipë mëët pujxn y'oytyunyëtyën; tääts tukwojpëtyääy ets naaxwayën tuuntaay ets ojts jam twëjtëy ma nyaaxtëjkëtyën ja teetytyëjkëty mëti'ipë ënety të tmo'otën ja wyintsë'kën ja ka'apë tiosëtyën.

2 Crónicas 21:17

ënät tsyo'ontë ets tukjëtijtëtyääytyë ja naax kajpn ets tyajpëtsëëmtaaytyë jam winë mëti'ipë ja naax kajpn myëët'ajtypyën; wa'ats tyajpëtsëëmtaaytyë winë mëti'ipë jap yajpatpën akujktëkoty këmoontëkoty, ma ja yajkutujkpë y'ëne'emyën, ma ja jyëën tyëjkën ets ma ja y'u'unk y'ëna'k y'u'unk tyo'oxytyëjkën. Yi'iyë ojts wyi'imy yë Joacaz, ja mutskpë.

2 Reyes 23:14

Ojts tuktëjëtyä'äy tukka'tsëtyä'äy ja kepy tsaa, mëti'ipë kënu'kxy ijty tyijtëpën ets tyaj'ujtstaay ja it mëët ja o'kpëpajk.

2 Reyes 23:10

Josías ojts näjyëtu'un t'akajpxtuky ets ja ja'ay ka'ap ja y'u'unk y'ëna'k t'ëkyajtooy t'ëkyajxaamnëtëty ma ja potsyën, jampë yajpaatyën joyjotm ma txëëwatyën Ben-hinom ets ka'ap t'ëktukwintsë'kënëtëty ja Moloc.

Deuteronomio 13:9

Ti tëy mtunëp ni'ikyëmës jaakyaj'ook. Mijts ëka'any mxajjë'ëkëp ets ok ja naax kajpn xyajjë'ëktëty.

Éxodo 32:20

Ënet ojts jam amëjaaw tnëtexy ja awinax jëtu'umpë kyëxë'ëkyën tä tsajpkaajën ets piw nuuk tuuntaay mëët yë jëën, e ja waypyë ënety të jyajta'ayën jap ojts nëëjoty tkuwëjëtyä'äy; tääts ja Israel ja'ayëty t'ënëmaay ets ya'atë ja nëë t'uuktëty.

Deuteronomio 12:2

Yajkutëkooytya'atë tëkokyë yë it naaxwiinyëtë, ma ja'ayëty t'ëwtatën yë wyintsënëty, mëti'ipë tsënaaytyëpën jam ma it naaxwiinyëtën, mëti'ipë mjä'ä'atantëpën. Tukpu'ujëtya'atë yë y'awinaxëty, mëti'ipë myëët'ajtëpën jam tunkëjxm kopkëjxm, tu'u'am ëkë jampë muum kepypya'tkë'ëm yajpaatyën.

2 Reyes 10:21

Tä tkäjxwa'kxtaay ja kukäjpxy mëti'ipë ojts tuk'ëwa'anëtya'atën ja ja'ayëty ko ja Baal yajnixëëwtuna'any, e jëtu'un ye'eymyujktaaytyë tëkokyë ja ja'ayëty jam ma ja tsajptëjkën mëti'ipë ja Baal y'ëwtajtëpën. Nitu'uk kyatëkoy'äjty, yaj'ujtstë ja tsajptëjk.

2 Reyes 10:27

Ojts tjitë ja wintsë'këntyakn ma ja Baal y'ityën ets tukpu'ujëtyääytyë ja Baal ja y'awinax, näjyëtu'un ja nyitëjk ojts tjijtë'ëktë ets jëtu'unyë oywyi'ix tnipëjkpäjtë, jëtijtakn je'eyë jyaaktuuny; tyampaat jëtu'un jam oywyi'ix y'ity.

2 Reyes 23:20

Ojts tyaj'o'kta'ay ja teetytyëjkëty jam ma ja wintsë'këntyaknën ja mëti'ipë y'ëwtajtën ja awinax ka'apë Wyintsënëtyën. Ma jam y'o'ktën ja teetytyëjkëty nän jämyë tnino'ktaay ja waay pajk mëti'ipë ënety të yajnitajtu'utën. Tä wyinpijnëy jatëkok jam Jerusalén.

Deuteronomio 13:6

Pën yë mëkä'äx, ëkë m'u'unk, ëkë mnëëx, ëkë mto'oxytyëjk mëti'ipë oy mtsojkpy mja'apën, ëkë mjëëky mëku'uk, ni'ikyë mjanty'ënë'ëmxëty ets wiinkpë wintsën xy'ëwtatëty, mëti'ipë miitsëty ets m'ap m'ok ka'ap t'ixy'atën,

Deuteronomio 13:10

Kuka'ats, mëët ko ënety të mjatukjëjpwoowtu'uta'anyë ja mWintsën ja nyëë'aaw tyu'u'aaw, mëti'ipë jap myajpëtsëëmën Egiptë ma ënety mëk myajtëytyunyën.

2 Reyes 10:25

Ko ja Jehú tmooytyääy ja Baal ja wyintsë'kën, tä t'ënëmaay ja tsyiptuunpëtëjk: Tëkëtë ënät ets yaj'o'kta'atë tyaapë ja'ayëty jënu'un yaa tyam yajpaatën. Ni pën xykyayajkä'äktëty. Ënet ja Jehú ja tyuunpë tjanty yaj'o'ktaaytyë ja ja'ay ets jap tjëpijpëtsëëmtaaytyë. Ënet ok tyëjkëtyë ma ja Baal jap y'ityën,