2 Reyes 11:14 - Biblia Dc en Mixe de Quetzaltepec

¹⁴ Tääts t'ijxy jap ja yajkutujkpë tyänë ma ja mëjpotsyën mëti'ipë ja tsajptëjk myajts'ijtypyën, jä'ä ko jëtu'un ënety tu'unën'atë. Aaktam pya'atänëty ja mëj kutuunktëjkëty ets ja xuxpëtëjkëty ets ja mayjyä'äy mëti'ipë ëëwtëp xuxtëpën. Ënet ja Atalía ojts tkë'ëtswä'kxy ja wyit ets y'ënäny: Nikäjpxytyunës n'ity. Nikäjpxytyunës n'ity.

Biblia Mixe de Quetzaltepec

¹⁴ Tääts t'ijxy jap ja yajkutujkpë tyänë ma ja mëjpotsyën mëti'ipë ja tsajptëjk myajts'ijtypyën, jä'ä ko jëtu'un ënäty tu'unën'atë. Aaktam pya'atänëty ja mëj kutuunktëjkëty ets ja xuxpëtëjkëty ets ja mayjyä'äy mëti'ipë ëëwtëp xuxtëpën. Ënät ja Atalía ojts tkë'ëtswä'kxy ja wyit ets y'ënäny: Nikäjpxytyunës n'ity. Nikäjpxytyunës n'ity.

2 Reyes 11:14 ပူးပေါင်းရင်းမြစ်များ

Génesis 37:29

Ko yë Rubén jatëkok wyimpijty ma ja nëëjutën, ka'ap ojts t'ëkpatnë ja y'uty José, tä ja wyit, mëti'ipë ënety jam pyëjktäkpyën, t'akë'tsëy tyajnikëxë'ëky jëtu'un ko ënety mëk tjajawë ko ja y'uty të tyëkoy.

Génesis 44:13

Ënet ojts nyänyikëëts nyäy'ixkëëtsëtë, tjamëkjawëtë tja'ëxëëkjawëtë ko jëtu'un jyatë kyëpätë. Ënet jatëkok ja tyimy t'atsëëmpëktë nitu'ukjaty ets tukjëwë'ënë'ktaaytyë ja jyëyujkëty ets jëtu'un jatëkok wyimpijnëtë kajpntum.

1 Reyes 1:25

Jëtu'unës n'ixy, ko yë'ë tëëtëm jam jyëjptä'äky ets tëë ja jëyujk tsajpkaa tyaj'ooky may ets tsajpkaa ëna'k ets tsajppax, kupixyny; tëë twoowta'ay kääpyë ja m'u'unk m'ëna'k, mtsiptuunpë wintsëntëjk ets ja teety Abiatar. Tyam tam yajxon kyäytyë y'uuktë ets ya'axtë jyoktë: Wä'än yë Adonías tyajkutuky.

2 Reyes 11:15

E ja teety Joiadá, ënätyë ojts tuk'ëne'emy mëti'ipë nyikopk'ajtypyën ja këwent'ajtpë: Juutë tääpë to'oxytyëjk ets tukmoxmëkumëtë yë tsujkn pën panëjkxëp. E jä'ä ko ja teety tëë ënety tnikäjpxy ko ka'ap ja to'oxytyëjk tyaj'ooktëty jap tsajptëkoty,

2 Reyes 23:3

Ënet ja yajkutujkpë jam wya'ak'o'oyëy ma ja mëjpotsyën, mëti'ipë ja tsajptëjk pya'tënääpyën ets y'ënäny; ko myëmëtowäämpy ja Wintsën ets ko pyatuunta'ajäämpy ja y'ënä'ämën tyiyajtën; ja y'aaw ja y'ayuk ets ko xëmë tja'amyätsa'any ja käjpxytyu'unën mëti'ipë jap miinpën kuja'ay ma ja nokyën. Näyjyëtu'un ja naax kajpn ojts ja y'aaw y'ayuk tkë'ëyaktë.

2 Reyes 9:13

Tä ënätyë nitu'ukjaty nyätyuknijääntutëtë ja nyijänëty ets tyä'ptë ma ja tëjk yajnipäjtë'ëkyën, jä'ä tyukniyä'pëtyë ja Jehú. Tääts ojts txuxmuktë ja mayjyä'äy ets mëk tukyax tukjojkëtyë: Yë Jehú yë'ë tyam yajkutujkp.

2 Reyes 9:23

Ënätyë ja Joram wyimpijty ets kyeky, tyam mëk tjanty'ënëëmë ja Ocozías: Tëë nyajnikäjpxytyu'unëmë, Ocozías.

1 Crónicas 12:40

Näyjyëtu'un ja kajpnëty mëti'ipë ënety mëwinkon'ajtëtëpën ets yë'ëpaat ja Isacar, ja Zabulón ets ja Neftalí ja jyä'äyëty, ojts tmëmintë ja jë'kxy pëky jëyujkëjxy; tam ja krukts, tam ja jëyujk jëku'ux, tam ja mëkjëyujk ets tam ja tsajpkaa. Tjantymyëmintë mëti'ipë tunaanpën ets mëyajtpën tä ja: tsajpmokwayën, kääkyën, aaytyëëm ujts tëëmën, uukyën, jëyujk tsajpkaajën ets tëkokyë winë mëti'ipë ja tsiptuunpëtëjkëty yaj'ëmaaytyaktëpën; jä'ä ko ja'ayëty nän janty xoontaktëp ënätyëty ets jotkujk nyäyjyawëtë jam Israel.

2 Crónicas 34:31

Ënet ja yajkutujkpë wya'akë'ky jam ma ja potsy'ëjxën ets y'ënäny ko tpatuna'any ja Wintsën ja y'ënä'ämën kyutujkën ets ko winë aaw winëjot tmëmëtowa'any ja Wintsën ja y'ënä'ämën tyiyajtën, y'aaw y'ayuk ets y'ëëwtë'ëw kyajpxtë'ëwën, mëti'ipë jap miinpën kuja'ay ma ja nokyën.

Proverbios 29:2

Ko oyjyä'äytyëjkëty yë'ë yajkutuktë, jotkujk yë naax kajpn y'ity; ko ëxëëkja'aytyëjk yë'ë yajkutuktë, o'ktëy yë naax kajpn jyäty kyëpety.

Lucas 19:37

Ko tmëwinkoontë ja Olivo kopk, ënät ja mayjyä'äy tyëjkëtyë yaxpë jojkpë, tukmëjjawëtë ja Dios ko ja Jesús ënety të tyuk'ixëtë ja mëj'ajtën.