2 Reyes 11:12 - Biblia Dc en Mixe de Quetzaltepec

¹² Tääts ja Joiadá ojts jap tyajpëtsëmy ja yajkutujkpë ja myaank ets tukujujpy ja kyujup mëti'ipë myëkutujkën'ajtëpën ets tpëjktäky ma yë'ëjën ja mëti'ipë yajtuk'ijxtëpën ko yë'ë yajkutuktë; ojts tukutemy ja on kënu'kxypyë ets ojts tkënu'kxy ets yë'ë yajkutukëty. Tääts tëkokyë ja ja'ayëty tyëjkëtyë yaxpë jojkpë, y'ëna'antë: Tyaa ja yajkutujkpë.

Biblia Mixe de Quetzaltepec

¹² Tääts ja Joiadá ojts jap tyajpëtsëmy ja yajkutujkpë ja myaank ets tukujujpy ja kyujup mëti'ipë myëkutujkën'ajtëpën ets tpëjktäky ma yë'ëjën ja mëti'ipë yajtuk'ijxtëpën ko yë'ë yajkutuktë; ojts tukutemy ja on kënu'kxypyë ets ojts tkënu'kxy ets yë'ë yajkutukëty. Tääts tëkokyë ja ja'ayëty tyëjkëtyë yaxpë jojkpë, y'ëna'antë: Tyaa ja yajkutujkpë.

2 Reyes 11:12 ပူးပေါင်းရင်းမြစ်များ

1 Samuel 10:24

Tä ja Samuel tyajtëëy ja mayjyä'äy: ¿Tëë xy'ixtë pën jëtu'un yë Dios të twin'ixyën ets yajkutujkpë'atëty? Ka'ap maa wiinkpë, pën mëpaat yaj'ijxkijpxy mëët yë'ë. Tääts tëkokyë ja mayjyä'äy yujk'ënantë: Yajkutujkpë, yajkutujkpë.

Éxodo 25:16

Jap kaaxëjoty xypyëjkta'akëty ja ënä'ämën tëyajtën mëti'ipë yam nmo'ojäämpyën.

1 Reyes 1:39

Jamts ja teety Sadoc ojts tyajpëtsëmy tsajptëkoty ja tsajpkaawaj ma jap ja on y'ityën mëti'ipë ja ja'ay yajtukkënu'kxpën, yë'ë ja Salomón ojts mëët yajtukkënu'kxy. Tä tukxuxtë ja tsajppaxwaj ets tëkokyë ja ja'ayëty myäy'ënaantaaytyë: Wä'än ja yajkutujkpë Salomón jeky tjuuky'äty.

2 Samuel 1:10

Ënätës të njanty wiinkuwa'akë etsës të nyaj'ooky, jä'ä ko tëëjës ënety n'ixy ko ka'ap y'ëkjuuky'atanë, tëë yajxon mëj tsyëtyujnë. Tääts të ntimpyëjkës ja pyu'tspujxn kujup ets ja pyu'tspujxn kë'ëjän ets yaa mijts ntukniminy.

Éxodo 31:18

Ko yë Dios ojts myëtyakta'ay mëët yë Moisés jam ma Sinaí kopkën, mäjtsk ojts yë Moisés yajmo'oy yë tsaatsetsy, ma tkëxjaayën ja ënä'ämën tëyajtën mëti'ipë ojts yë Dios kë'ëm timy'oytyunyën.

Isaías 55:12

Xoontä'äky jam nëjkx mtsoontë, jotkujk nëjkx mja'të ma mnaax mkajpnëtyën. Ko ënety xynyinaxtë ja tun kopk may nëjkx ja'ay mjëjpaatë'ëkëtë ets nëjkx myajwin'ëw myajwinya'axtë mëët ja jotkujk'ajtën ets tu'kë'ëyë aay kepy nëjkx kyë'ë t'apo'kxmuktë.

Salmos 98:8

wä'än yë mëjnëë jotkujk näjyawëty, ets wä'än nämyujkta'ajëtë tun kopk ets xi'iky xony yajpaatëty mëët yë jotkujk'ajtën,

Salmos 47:1

Tukë'ë'apo'kxmuktë, miitsëty naax kajpn; mëk yë Dios mmëkajpxtë mëët yë xoontakën.

2 Reyes 11:2

E yë Joseba, yë nyëëx yë yajkutujkpë Joram, yë Ocozías yë y'uty, ojts tkoonyu'utsy yë Joás, yë myaank yë Ocozías; jam ojts tkoontëkoy ma myëkä'äxtëjk jam ja ja'ay yaj'ookëtën ets ojts tukwinkuyu'utsy ja Atalía; yë'ë tyukkë'ëtëjkëy ja tyuunpë, ja to'oxytyëjk mëti'ipë yaj'u'unk'ijxypyën ma jap myä'äyën. Paaty ojts ka'ap tyaj'ooktë,

2 Samuel 16:16

E ja Husai, ja David ja myëku'uk, ojts näjyëtu'un ënätyë tjëjpaatë'ëky ja Absalón ets tyëjkëy yaxpë jojkpë: Tëë ja yajkutujkpë jyä'ty, tëë ja yajkutukpë jyä'ty.

1 Samuel 10:1

Ënet yë Samuel ojts tpëjkë'ëky tu'k'apëjkën yë on ets tukuja'axy yë Saúl, tä t'ënëmaay: Yë Wintsën yë'ë tyam mtuknipëjkëp ets mijts xy'ënä'ämëty yë Israel kajpn ma mijts mkukajpnëtyën. Mijts jëtu'un mtsiptunëp ets xyajtso'okëty ma myëtsiptëjkën. E ya'atë mtuk'ixëp ets xymyëpëkëty ko mijts jëtu'un tyam myajtukmëkënu'kxëp ets xy'ënä'ämëty yë nyaax kyajpn.

Apocalipsis 19:12

Janty ajajp ja wyiin yaj'ixy ijxtëm ja jëënyä'änkën ets may ja kyujän tmëëtëty ma kyëpajkën. Jamts tu'uk ja xëëw kyuja'ayëty, ka'ap pën t'ijxkäpy, yi'iyë kë'ëm nyija'ap.

Hebreos 2:9

E Dios të xytyuk'ijxëm ja Jesús, mëti'ipë ja Dios tu'kxëëw tu'kjëmëjt pyëjktakën naxym këtiinëm ja anklëstëjk, tëë yajmo'oy ja kuttujkën ets ja mëj'ajt oyajtën, mëët ko tmënajxy tyajnajxy ja o'kën. Dios mëët ja tsyojkën jya'awën yë'ë ojts tuknipëjktaakë ets ja o'kën tpaatëty ets tuk'oy'atëty ja mayjyä'äy.

Hebreos 1:9

Ko mijts të xytsyoky ja oypyë ets të xy'ëxëëk'ixy ja ëxëëkpë; paatykyëjxm ja Dios mijts të mwin'ixyë, mëti'ipë mTios'ajtypyën, ets të mmo'oyë wäänëni'ik ja xoontakën këtiinëm ja mmëku'uktëjk.

2 Corintios 1:21

Dios tëë tuknipëjktaakë ets ëëtsëty mëët miitsëty tu'ukyë nyajpatmëty mëët ja Kristë, ets kënu'kxy nwë'ëmëty.

Hechos 4:27

Tëyajtën yë'ë, ko yë Herodes ets ja Poncio Pilato yaa të ye'eymyuktë mëët ja mayjyä'äy, ma ya'atë kajpnën, jutiis ets mëti'ipë ka'ap jyutiisëty, ets ja mWa'ats Tuumpë Jesús të yajmëtsippëky, mëti'ipë të xywyinwitsyën.

Mateo 27:29

ets taktë tu'uk ja äpnykyujan jëtu'unpë tä kujänën ets tukujääntë ja Jesús, ets tukë'ëkajpëtyë tu'uk ja kepy mëti'ipë ijty ja yajkutujkpëtëjk kyë'ëkap'ajtëpën. Ënet twinkuxtënaaytyë ets nëxik tukxiktë, t'ënëëmëtë: Mëjpë yajkutujkpë, jutiis ja'ay yajkutujkpë.

Mateo 21:9

Tääts ja ja'ay wintuuy jëxkë'ëy tyëjkëtyë yaxpë jojkpë: Hosana. Mëj jaanty yë yajkutujkpë David y'u'unk y'ok. Dios kënu'kxëtëp mëti'ipë të kyexyën yë Wintsën. Hosana. Mëj jaanty yë Dios.

Daniel 6:21

Ets ja Daniel y'ëtsooy: Juuky'ijtp yë yajkutujkpë xëmë.

Daniel 3:9

jëtu'un t'ënëmaaytyë: Mëj'äämpy xëmë m'ity mijts yajkutujkpë ets xëmë yë mxëëw yaja'amyätsëty.

Lamentaciones 4:20

Tëë yajtsumy yajmatsy mëti'ipë ja Wintsën wyin'ijxën, mëti'ipë ijty ëëts xyjyotkujkmooytyëpën, ja yajkutujkpë mëti'ipë ijty ëëts n'antijtëpën: Yë'ë wyintuuy jotkujk njuuky'ata'antës ma naax kajpnën.

Isaías 8:20

Wä'än jëtää jëtu'un y'ëna'antëty, je'eyëp ko ja mëti'ipë ënety nyikajpxtëpën, aakjä'ä ka'apë tyunëtyën.

Isaías 8:16

Pëjkë'ëktë ma mjot mwinma'anyëtyën ya'atë aaw ayuk; jap mëët'atë yu'utsy ya'atë ijxpëjkën mëti'ipë yam miitsëty ntukni''ixëjantëpën.

Salmos 132:18

Tëkokyë ja myëtsiptëjk tsëtyu'unmëëtës nyajwë'ëma'any e yë'ë mëj'äämpy y'ita'any.

Salmos 89:39

Tëë ja käjpxytyu'unën xyjyä'äytyëkooynyë mëti'ipë ojts xytyunyën mëët ja mtuunpë, ets ja kyujän tëë xytyukkukëëytyutnë ets të xy'ixjëpijpnë.

Salmos 78:5

Dios ojts tu'uk tpëjktä'äky yë ënä'ämën mëti'ipë tyukmëwë'ëmën yë Jacob, ojts tu'uk yë ënä'ämën tpëjktä'äky mëti'ipë yë Israel kajpn pyatunëpën, ets ojts tuk'ëne'emy ja n'ap'ajt n'ok'ajtëm ets tuk'ëwaanëtëty tukni''ixëtëty ja y'u'unk y'okëty,

Salmos 21:3

Tëë xy'ëxajë mëët yë mëj kënu'kxën, ets të xypyëjktakë pu'ts pujxn kujän.

Ester 6:8

jä'ä yajkukajpxëty, yë'ë yajtukxoxëp yë wit mëti'ipë yajkutujkpë wyit'ajtypyën ets tu'uk tukwä'tspätëty yë kwaay nän yë'ë mëti'ipë yajkutujkpë tyuk'u'unyääpyën ets kyëpajkëjxy yajpëjkta'akëty tu'uk yë kujän mëti'ipë yajkutujkpë jyä'ä'ajtypyën.

Ester 2:17

Ja Asuero oy t'ijxy ja Ester ets mëk tsojkën'ajty. Yë'ë ni'ik tsyojkën'ajt këtiinëm wiinkëtypë ja to'oxy'ëna'k mëti'ipë ënety mëët të y'ijtmukyën ja Ester, paaty ojts jä'ä tmo'oy ja kujän, mëti'ipë oytyunyën mëët yë pu'ts pujxn, mëti'ipë yajtuk'ijxpën ko yajkutujkpë y'ity, jëtu'un ojts yë'ë tkutëkë ja yajkutujkpë Vasti.

2 Crónicas 23:11

Ënet ja teety Joiadá mëët ja y'u'unk y'ëna'k tyajpëtsëëmtë ja yajkutujkpë ja myaank ets tukukëëytyë ja kyujän ets tukuja'axtë ja kënu'kxy y'on. Ko tukuja'axtaaytyë ja on mëti'ipë ijty yajtukuja'axtëpën ja yajkutujkpëtëjk tääts ojts yajkënu'kxy ets nikajpxpäjtë yë'ë y'ënä'ämëty ets yajkutukëty. Tääts tyëjkëtyë yaxpë jojkpë, Wä'än yë'ë tuny.

2 Reyes 11:4

Kom wëxtujk jëmëjt, yë Joiadá ojts tmëkajpxmujkta'ay ja tsiptuunpë wintsën ets ja Queret ja'ayëty mëti'ipë kyëwent'ajtëpën ja yajkutujkpë ets ja mëti'ipë ja kutujkëntëjk kyëwent'ajtëpën, tääts jap tkuwo'owëtyääy tsajptëkoty, ma ja Wintsën ja tsyajptëjkën, jap ënety yë Joiadá yajpaaty. Japts ojts yë käjpxytyu'unën tuntë ets tuk'ixy ja yajkutujkpë ja myaank mëti'ipë xyëëwajtypyën Joás.

2 Reyes 9:3

ënät xytyukkutämëty ya'atë on ets xy'ënëëmëty: Jëtu'un yë Wintsën y'ënä'äny: Tyam mijts nkënu'kxy ets myajkutukëty ma ja Israel kajpnën. Ënätyë jap mpëtsëmëty ma ja tëjkën ets mkä'äkëty, këtii nimaa mwa'ak'oyëty.

1 Reyes 1:34

e ko ënety ja teety Sadoc ets ja Natán tkënu'kxtë ets yë'ë yajkutukëty ma ja Israel kajpnën, mtukxu'uxtëp ënätyë ja tsajpkaawaj ets mëk m'ëna'antëty: Wä'än ja yajkutujkpë Salomón jeky tjuuky'äty.

2 Samuel 12:30

Ojts tpëjkë ja ënä'ämpë ja kyujup, pu'ts pujxn mëëtpë, ja kujän myëët ja oyëtypë ja tsaa, jä'ä jye'emtyëty i'px majktëkëëk tsimën ets ojts jä'ä ja David yajtukujeny. Ojts yë David jam ëpëky winë kajpnjotm tyajpëtsëëmpë mëti'ipë tsowëtyën,

2 Samuel 5:3

Jëtu'un'äämpy ja mëjja'aytyëjkëty mëti'ipë jam yajpatëpën ma ja Israel kajpnën ojts nyëjkxta'atë jam Hebrón ma ja David yajpaatyën ets yë'ë tuuny tu'uk ja käjpxytyu'unën mëët yë'ëjëty, tpëjktaktë ijxpë mëtoowpë ja Wintsën. Tä ojts tkënu'kxtë ja David ets yë'ë wyë'ëmëty yajkutujkpë ma ja Israel kajpnën.

2 Samuel 2:7

E këtiits mmontë mtuktë, ni'ikyë jotmëkta'aktë, jä'ä ko oy n'ëna'anmëty ja Saúl të y'ooky mëti'ipë të tyu'uwinwoyën, yë Judá jyä'äy tëëjës xynyikajpxpätë etsës ëjts n'ënä'ämëty.

2 Samuel 2:4

Jamts ojts jya'të ja Judá ja'ay ets nikajpxpäjtë ja David ets yë'ë y'ënä'ämëty. Ojts tukmëmëtya'aktë ja David ko ja ja'ayëty mëti'ipë jam tsënaaytyëpën Jabés jam Galaad naaxjotm, yë'ë ojts tyajnaaxtëkëtë ja Saúl ja nyini'kx.

1 Samuel 16:13

Tä ja Samuel tu'ktsim yë on tpëjkë'ky. Ja nëë jëtu'unpë kyëxë'ëkyën waay tsyooyën ets tukuja'axy ja David tam ënety ja myëkä'äxtëjk y'ixëtë. Ko jëtu'un tyuunë jyajtë, ënätyë ja Wintsën ja myëk'ajtën y'oyajtën tyukëtakë. Ok ja Samuel ojts tsyo'onë ets nyëjkxnë jam Ramá.

1 Reyes 2:44

Mja'amyejtsyp wi'ix ojts ëxëëkjaty xypya'ëy xypyakäjpxyën ja nteetyës David. E paatykyëjxm ënät tyam ja poky mëti'ipë mtuunën kë'ëm xykyumëtowa'any.

2 Reyes 11:11

Ënet ja këwent'ajtpë jam nyäpyëjktakëtë maajaty tyuka'ajëtën, a'oy anajny, ma ja tsajptëjkën; ojts nawa'këtya'atë, ëpëky ja wiinkpë jam nyäpyëjktakëtë ma ja wintsë'këntyaknën, nitu'ukjaty aaktam tkë'ëkap'atë ja kyuwaanpëty mëti'ipë ja yajkutujkpë tyukkëwent'ajtëpën.

1 Reyes 1:25

Jëtu'unës n'ixy, ko yë'ë tëëtëm jam jyëjptä'äky ets tëë ja jëyujk tsajpkaa tyaj'ooky may ets tsajpkaa ëna'k ets tsajppax, kupixyny; tëë twoowta'ay kääpyë ja m'u'unk m'ëna'k, mtsiptuunpë wintsëntëjk ets ja teety Abiatar. Tyam tam yajxon kyäytyë y'uuktë ets ya'axtë jyoktë: Wä'än yë Adonías tyajkutuky.

2 Reyes 9:13

Tä ënätyë nitu'ukjaty nyätyuknijääntutëtë ja nyijänëty ets tyä'ptë ma ja tëjk yajnipäjtë'ëkyën, jä'ä tyukniyä'pëtyë ja Jehú. Tääts ojts txuxmuktë ja mayjyä'äy ets mëk tukyax tukjojkëtyë: Yë Jehú yë'ë tyam yajkutujkp.

Salmos 21:4

Tëë m'amëtoyë juukyajtën, ets yenyjuukyajtën të xymyo'oy, mëti'ipë jäjkpën.