2 Reyes 10:7 - Biblia Dc en Mixe de Quetzaltepec

⁷ paaty ko ojts ja noky nyija'tëtë, ënätyë tyaj'o'ktë ja nitëkë'px majkpë ja yä'äy ëna'k; tääts tkupëjkëtyääytyë ja kyëpajkëty katsyjoty ets tkäjxtë jam Jezreel.

Biblia Mixe de Quetzaltepec

⁷ paaty ko ojts ja noky nyija'tëtë, ënätyë tyaj'o'ktë ja nitëkë'px majkpë ja yä'äy ëna'k; tääts tkupëjkëtyääytyë ja kyëpajkëty katsyjoty ets tkäjxtë jam Jezreel.

2 Reyes 10:7 ပူးပေါင်းရင်းမြစ်များ

1 Reyes 21:21

Paaty tyam jëtu'un yë Wintsën m'ënë'ëmxëty: Nyajkëta'akäämpyës yë ëyo'on jotmay ma mijtsën ets nyajkëjxta'ajäämpyës yë m'u'unk m'ok, ja ye'etyëjktëjk wa'atsës nyajkëjxta'aja'any ma ja mnaax mkajpnën mëti'ipë mja'ay'äjtypyën.

2 Reyes 11:1

Ko yë Atalía, ja Ocozías ja tyaak, tnija'awëy ko tëë ja myaank y'ooky, ënät ojts nyijkxy jam ma ja yajkutujkpë ja jyiiky myëku'ukën ets tyaj'o'ktaay jënu'un tpatyën.

2 Crónicas 21:4

E yë Joram tim je'eyë tyëjkëy yajkutujkpë, tääts tyaj'o'ktaay ja myëkä'äxtëjk ets mëjja'aytyëjk mëti'ipë nyikopk'ajtëpën ja myëku'uktëjkëty jam Israel.

2 Reyes 10:9

Komjëpom tääts tsyo'ony yë Jehú, jam nyijkxy ma ja naax kajpn të ye'eymyukyën ets y'ënäny yë Jehú: Miitsëty ka'ap nitii poky xymyëët'atë. Ëjts ojts nikäjpxytyunë yë yajkutujkpë ets nän ëjts kë'ëm të nyaj'ooky; e yë'ëjës nkanija'ap ¿pën jëtääjën tyaapë ja'ayëty të tyim yaj'o'kënëtë?

2 Reyes 10:6

Tä jatëkok tkejxy ja noky, jä'ä mëmäjtsk'okpë: Pën miitsëty m'ënantëp koos xypyukajpxëja'antë ets ko xytyuna'antë mëti'ipës nni'ënä'ämëpën, tyam npëjktsowtë ets xyajjënajktaayëtëty yë kyëpajk yë Ahab yë y'u'unk y'ëna'k mëti'ipë ojts m'ënä'ämëtën, jëpom xynyimintëtyës ya'atpë xëëw yam Jezreel. Ja nitëkë'px majkpë ja Ahab ja y'u'unk y'ëna'k, jam ënety y'itë ma ja ja'ay ja tyëjkëtyën mëti'ipë mëj'äämpy ijtëpën ma ja naax kajpnën, ma ënety të yääktën,

2 Reyes 10:8

Ko jam jyä'äjty ja kukäjpxy, ënät t'ënëmaay ja Jehú: Tëë yajmëja'ty ja kyëpajkëty ja yajkutujkpë ja yu'unk y'ëna'k. Tä ja Jehú ni'ënä'ämëy: Jam nëjkx mäjtsk nikupupy pëjkta'aktë ma kajpn yajnitëkën, wä'än jam t'ity jopypyaat.

1 Reyes 21:19

Ets xy'ënëëmëty: Jëtu'un yë Wintsën y'ënä'äny: Mijts mëët ko ja Nabot të xyaj'ooky ets të xypyëjkë mëti'ipë jyä'ä'ajtypyën, jam ma yë'ë ja nye'pny të tyemy të jye'etsyën ets ja uk jam të jyë'kxmujkxëty, nän jam ja mjot mne'pny tyäma'any jyä'ätsa'any ets ja uk tjë'kxmukëty.