2 Reyes 10:5 - Biblia Dc en Mixe de Quetzaltepec

⁵ Ënet ja kutuunk, ja mutsk yajkutujkpë, ja mëjja'aytyëjkëty ets ja u'unk'ijxpëty, tuknikäjxtë ja Jehú ets t'ënëmaaytyë: Ëëtsëty tyam ëëts nyajpaatë, ntunantëpës tii mni'ënä'ämëpën, je'eyëp ko tëëjës näkyajpxëtë ko ka'ap nikajpxpäta'antës tu'uk yë yajkutujkpë. Ti tëy, tyam jëtu'un ëëts n'ëna'antë ko mijts mnija'ap tii mtunäämpy.

Biblia Mixe de Quetzaltepec

⁵ Ënät ja kutuunk, ja mutsk yajkutujkpë, ja mëjja'aytyëjkëty ets ja u'unk'ijxpëty, tuknikäjxtë ja Jehú ets t'ënëmaaytyë: Ëëtsëty tyam ëëts nyajpaatë, ntunantëpës tii mni'ënä'ämëpën, je'eyëp ko tëëjës näkyajpxëtë ko ka'ap nikajpxpäta'antës tu'uk yë yajkutujkpë. Ti tëy, tyam jëtu'un ëëts n'ëna'antë ko mijts mnija'ap tii mtunäämpy.

2 Reyes 10:5 ပူးပေါင်းရင်းမြစ်များ

1 Reyes 20:32

Ënet tuktëjkëtyë ja tukwit tukpatsy ets nyätyukyo'kpëjkëtë ja tejpxy, tä jam ojts nyëjkxtë ma ja yajkutujkpën jam Israel ets t'ënëmaaytyë: Jëtu'un yë Ben-adad y'ënä'äny, ko mëpaatëk jeexyë xytyuny yë mëyajtën ets xynyimä'kxëty yë jyuukyajtën. Tä ja Ahab y'ëtsooy: ¿Tixë juukynyëmën jam yajpaatyë? Jëtu'unës të njawë tääjës yë nmëkä'äxën.

1 Reyes 20:4

Tä ja yajkutujkpë mëti'ipë jam tuunpën Israel y'ëtsooy: Jëtu'un ijxtëm mijts yajkutujkpë të m'ëna'anyën, ka'ap wyi'ixëty, ëjts ets ntoxytyëjktëjkës ets n'u'unk n'ëna'kës mijts yë mjanty jyä'ä.

Josue 9:11

Paaty ëëts yë nmëjja'aytyëjkëty ets nmëkunaax nmëkukajpnëty të xy'ënëëmëtës: Nipëjktaakëtë ets ixtë mëti'ipë mëtu'uye'eytyëpën ets nëjkx xy'ixtë ma jam yajpaatën ets xy'ënëëmëtëty ko yë'ë mnimiintëp ets yë'ë nyija'ap tii xytyuktuna'anëmë ets pën kyupëjkpy ets jeexyë ja käjpxytyu'unën mëët ntu'unëmë.

2 Reyes 18:14

Ënet ja Ezequías, Judá yajkutujkpë, ojts tkäjpxynyikexy ja Asiria yajkutujkpë ets t'ënëmaay: Ëjts tyamës nkupëky ko ka'apës të nmëtä'äky. E yë'ëts yam mpëjktsoopy ets mjëwa'akëty maas yë nkajpnën tyamës nyakëty ja wit meeny jënu'un xytyim'amëtoyën. Ënet ja Asiria yajkutujkpë t'awijtsy ja meeny jënu'un tsokyën ets t'ënëmaay ja Ezequías, jä'ä xyakëty taxtujk mil ja taxtujk mëko'px kilë, aakyë'ë poop pujxn meeny ets taxtujk mëko'px ja majkta'px majk tsim yë pu'ts pujxn.

Josue 9:8

Tä yë'ëjëty t'ënëmaaytyë ja Josué: Wintsën, tyaa mijts të nimintë, mijts ix tii xytyuktunantëpës. Tääts yajtëëwëtë: ¿Mpënxë miitsëty? ¿Maajën mtsoontë?

Juan 12:26

Pën jääjës pën xymyëtun'any, wä'änës xypyaminy; ets pën maas ënety nyajpaaty, jam näjyëtu'un yajpaata'any mëti'ipës ënety xymyëtuunpën. Pën jää pën xymyëtuna'anyës, yajmëjnaxanëp ja nTeetyës.

Jeremias 27:17

Këtii xymyëpëktëty. Nikë Näkyë'ëyakëtë jam ma Babilonyë yajkutujkpën ets mjuuky'atëty. ¿Tii mpëktëp mpaatëp ko ya'atë naax kajpn jyatëty xit ko'ow?

2 Reyes 10:6

Tä jatëkok tkejxy ja noky, jä'ä mëmäjtsk'okpë: Pën miitsëty m'ënantëp koos xypyukajpxëja'antë ets ko xytyuna'antë mëti'ipës nni'ënä'ämëpën, tyam npëjktsowtë ets xyajjënajktaayëtëty yë kyëpajk yë Ahab yë y'u'unk y'ëna'k mëti'ipë ojts m'ënä'ämëtën, jëpom xynyimintëtyës ya'atpë xëëw yam Jezreel. Ja nitëkë'px majkpë ja Ahab ja y'u'unk y'ëna'k, jam ënety y'itë ma ja ja'ay ja tyëjkëtyën mëti'ipë mëj'äämpy ijtëpën ma ja naax kajpnën, ma ënety të yääktën,