2 Reyes 10:31 - Biblia Dc en Mixe de Quetzaltepec

³¹ E oy ojts jëtu'un ja Wintsën jya'ënë'ëmxëty, yë Jehú ka'ap ojts yajxon winë oy tuunta'ay tä ja Wintsën tjatsojkyën, jä'ä ko ka'ap ojts t'ëxmatsy ja ëxëëktu'un ëxëëk kajpxën mëti'ipë tyuunën ja Jeroboam ko tyajpokytyuuny ja Israel ja'ayëty.

Biblia Mixe de Quetzaltepec

³¹ E oy ojts jëtu'un ja Wintsën jya'ënë'ëmxëty, yë Jehú ka'ap ojts yajxon winë oy tuunta'ay tä ja Wintsën tjatsojkyën, jä'ä ko ka'ap ojts t'ëxmatsy ja ëxëëktu'un ëxëëk kajpxën mëti'ipë tyuunën ja Jeroboam ko tyajpokytyuuny ja Israel ja'ayëty.

2 Reyes 10:31 ပူးပေါင်းရင်းမြစ်များ

2 Reyes 10:29

Mëti'ipë tëy, ja Jehú ka'ap ojts winë aak'oy tuny, jä'ä ko yë'ë ojts ja poky tmëtëkë, mëti'ipë näjyëtu'un tyuuntëkooyën ja Jeroboam, yë myaank yë Nabat; mëti'ipë yajpokytyuunën ja Israel ja'ayëty, jä'ä ko ojts näjyëtu'un t'ëwtajnë ja awinax jëtu'unpë kyëxë'ëkyën tä tsajpkaajën, aak pu'ts pujxnëpë mëët y'oytyunyëtyën, mëti'ipë jam yajpatpën Dan ets Betel.

Proverbios 4:23

Yajxon winë oy xymyëmay xymyëtajëty ko tii xytyuna'anëty, jä'ä ko jëtu'un xytyunëty jotkujk mjuuky'atëty.

Hebreos 2:1

Paatykyëjxm wäänëni'ik nmëjpëjktakmëty mëti'ipë të nmëto'owëmën ets ka'ap n'ëxmajtsmëty mëti'ipë të nmëpëjkëmën.

Salmos 78:10

Ka'ap ojts twinkutsë'ëkëtë ja Dios ja kyäjpxytyu'unën, ets ka'ap tmëmëtoowtë mëti'ipë ënety ja Dios të jyatukni''ixëtën.

Daniel 9:10

ets ka'ap mijts pën të mja'akyujkxëty ja m'aaw m'ayuk, Wintsën, mëti'ipës n'ëwtajtëpën ets ka'apës të mpatuntë ja m'ënä'ämën mtëyajtën mëti'ipë të xyjyatuk'ëwaanëtës ja mtuunpëtëjkëty käjpxynyajxpëtëjkëty.

Ezequiel 36:27

Mpëjkta'akäämpyës jap ma miitsëtyën ëjts yë njot nwinma'any ets xypyatuntëty ja n'ënä'ämënës ntëyajtënës ets ja mëti'ipës të nkäjpxyën;

Salmos 119:9

¿Wi'ix tu'uk yë yujkyeeky ëna'k oy tsuj y'ëkjuuky'atëty? Ko jyuuky'atëty ijxtëm yë m'aaw m'ayuk tnikäjpxyën.

Salmos 39:1

Ëjts jëtu'unës ënety të nmay të ntajy koos oy njuuky'ata'any, ka'apës nëkoo nëë poky ntuna'any nkajpxa'any, mëkës yë n'aaw nyä'än nkëwent'ata'any ko ënety ja ëxëëkja'aytyëjk nwintuuyës yajpaatë.

Nehemías 10:29

ojts tyu'ukmujkta'atë jënu'un ënety tyu'ukjëëky'at tyu'ukmëku'uk'atën mëët ja kyopktëjkëty ets ojts tnikajpxtë ko tpatuna'antë ja Wintsën ja y'ënä'ämën tyiyajtën mëti'ipë yajwë'ëmën mëët ja Moisés, ets ko tpatuna'antë ja ënä'ämën tëyajtën, ja winma'any ets ja y'aaw y'ayuk ja Wintsën.

2 Crónicas 6:16

E tyam ënät npëjktsoy, Wintsën mëti'ipë Israel ja'ayëty Tyios'ajtëpën; mtukniwa'akëp ja m'aaw m'ayuk ko xy'ënëmaay ja nteetyës David: Ko nän yë'ë ma'any ja y'u'unk y'ëna'k myëwë'ëmtëp ja kutujktakn mëti'ipë ënety mëtoopën ets mëti'ipë pyatuumpyën ja m'ënä'ämën mtëyajtën jëtu'un ijxtëm yë'ë tpatuunyën.

2 Reyes 3:3

E jëtu'un tjatuuny, yë'ë poky ojts tuuntëkoy mëti'ipë tyuunën yë Jeroboam, yë myaank yë Nabat, mëti'ipë mëët tyajpokytyuunyën ja Israel ja'ayëty.

1 Reyes 14:16

Yë Wintsën nëjkxëp jëna'a t'ayajk tkë'ëyajknë yë Israel ja'ayëty, mëëtkyëjxm ko ja Jeroboam ja nëë poky të tmëtëkë ets ko të tyajpokytyuny ja naax kajpn.

1 Reyes 2:4

Jëtu'un ja Wintsën tyaj'atëwëty ja mëti'ipë të xytyukwinwanënës, ko y'ënäny: Pën ja n'u'unk n'ëna'kës oy ets mëtëy winë tuntë ma yë'ëjën, winë aaw winëjot ets tu'ukyë winma'any tu'ukyë winma'any, ka'ap nëjkx tyëkoy'äty pën ja kuttujkën wyinkuwa'akëpën ma ja Israel ja nyaax kyajpnën.

Deuteronomio 5:33

Yë'ë ja në'ë tu'u panëjkxtë mëti'ipë ja Dios të mtukni''ixëtën ets jëtu'un jotkujk mjuuky'atëty jeky ma ja it naaxwiinyëtën mëti'ipë ja Wintsën të mmo'ojëtën ets xyjyä'ä'atëty.

Deuteronomio 4:23

E yë'ë tëy ijxkëm xyjyä'äytyëkoytyë ja Wintsën ja kyäjpxytyu'unën, mëti'ipë yë'ë të tunyën mëët miitsëty. Nitii xykyayajnikojtu'utëty mëti'ipë yë Dios ka'ap t'ëwa'atsyën.

Deuteronomio 4:15

Jä'ä xëëw ma ojts ja Wintsën mëkajpxëtën jëën'akujky jam kopkkëjxm ma txëëwatyën Horeb, ka'ap nitii xy'ijxtë, paaty mëk mnäkyëwent'atëtëty.

Hebreos 12:15

Nämyëjotëkoyëtë këtiipë pën tyëkoy'ajtxëtëty ja Dios ja tsyojkën jya'awën. Nitu'uk mka'itëty ijxtëm ja ta'am ujtsën mëti'ipë pa'amtuunpën ets mayjyä'äy tukpaaty.

2 Reyes 17:22

Jëtu'un'äämpy ja Israel ja'ayëty ojts pyokytyuntë, tä ja Jeroboam ënety të pyokytyunyën ets ëxëëk në'ë ëxëëk tu'u kä'äpyëm ojts t'ëxmatstë.