2 Reyes 10:29 - Biblia Dc en Mixe de Quetzaltepec

²⁹ Mëti'ipë tëy, ja Jehú ka'ap ojts winë aak'oy tuny, jä'ä ko yë'ë ojts ja poky tmëtëkë, mëti'ipë näjyëtu'un tyuuntëkooyën ja Jeroboam, yë myaank yë Nabat; mëti'ipë yajpokytyuunën ja Israel ja'ayëty, jä'ä ko ojts näjyëtu'un t'ëwtajnë ja awinax jëtu'unpë kyëxë'ëkyën tä tsajpkaajën, aak pu'ts pujxnëpë mëët y'oytyunyëtyën, mëti'ipë jam yajpatpën Dan ets Betel.

Biblia Mixe de Quetzaltepec

²⁹ Mëti'ipë tëy, ja Jehú ka'ap ojts winë aak'oy tuny, jä'ä ko yë'ë ojts ja poky tmëtëkë, mëti'ipë näjyëtu'un tyuuntëkooyën ja Jeroboam, yë myaank yë Nabat; mëti'ipë yajpokytyuunën ja Israel ja'ayëty, jä'ä ko ojts näjyëtu'un t'ëwtajnë ja awinax jëtu'unpë kyëxë'ëkyën tä tsajpkaajën, aak pu'ts pujxnëpë mëët y'oytyunyëtyën, mëti'ipë jam yajpatpën Dan ets Betel.

2 Reyes 10:29 ပူးပေါင်းရင်းမြစ်များ

1 Reyes 14:16

Yë Wintsën nëjkxëp jëna'a t'ayajk tkë'ëyajknë yë Israel ja'ayëty, mëëtkyëjxm ko ja Jeroboam ja nëë poky të tmëtëkë ets ko të tyajpokytyuny ja naax kajpn.

Oseas 13:2

Ja ja'ayëty je'eyëm pyokytyuun'ëtë'ëtstë. Yajjëëytyëëwtëp yë poop pujxn ets t'oytyuntë y'awinax jëtu'un ijxtëm wyinma'anypyaatën ets jëtu'un ijxtëm yë pujxn'oytyuunpë t'oy'ixyën ets y'ëna'antë: Mo'otë wyintsë'kën ets ja ja'ay tjanty tsyu'kxtë ja y'awinaxëty mëti'ipë jëtu'un këxë'kpën tä tsajpkaa'u'unkën.

Oseas 10:5

Tsë'ëkëtyëp yë Samaria ja'ayëty; mëët ko të jyijtë'ëky ja y'awinaxëty mëti'ipë këxë'kpën tsajpkaa u'unkën, Bet-avén yajtijyën. Yë'ë nyijëëy nyiyaxtëp yë naax kajpn ets teetytyëjkëty, jä'ä ko tëë ja myëj'ajt y'oyajtën tyëkoy.

2 Reyes 17:22

Jëtu'un'äämpy ja Israel ja'ayëty ojts pyokytyuntë, tä ja Jeroboam ënety të pyokytyunyën ets ëxëëk në'ë ëxëëk tu'u kä'äpyëm ojts t'ëxmatstë.

2 Reyes 15:28

E ja tyu'unën kyajpxën ka'ap ojts ja Wintsën oy t'ixy, jä'ä ko ka'ap ja nëë poky t'ëxmajtsy mëti'ipë ënety ja Jeroboam ja myaank ja Nabat, të tukyajpokytyunyën ja Israel ja'ayëty.

2 Reyes 15:24

Je'eyëp ko ja tyu'unën kyajpxën ka'ap ojts ja Wintsën oy t'ixy, jä'ä ko ka'ap t'ëxmajtsy ja nëë poky mëti'ipë ja Jeroboam, myaank yë Nabat, tyuktuuntëkooyën ja Israel ja'ayëty.

2 Reyes 15:18

Je'eyëp ko ja tyu'unën kyajpxën ka'ap ojts ja Wintsën oy t'ixy, jä'ä ko ka'ap t'ëxmajtsy ja nëë poky mëti'ipë ojts ja Jeroboam, tuktuuntëkoyën ja Israel kajpn.

2 Reyes 15:9

Je'eyëp ko ja tyu'unën kyajpxën ka'ap ja Wintsën oy t'ijxy, nän yë'ë poky ojts tuny mëti'ipë ja y'apteety Jeroboam, yë myaank yë Nabat, të tukyajpokytyunyën ja Israel ja'ayëty.

2 Reyes 14:24

Je'eyëp ko ja tyu'unën kyajpxën ka'ap ojts ja Wintsën oy t'ixy, jä'ä ko ka'ap t'ëxmajtsy ja pokytyu'un pokykyajpxën mëti'ipë ja Jeroboam, Nadab ja myaank tyuktuuntëkooyën ma ja Israel ja'ayëtyën.

2 Reyes 13:11

Je'eyëp ko ja tyu'unën kyajpxën aak ëxëëk ojts ja Wintsën t'ixy, ka'ap t'ëxmajtsy ja nëë poky mëti'ipë ja Jeroboam ja Israel ja'ay tyuktuuntëkooyën, ni'ikyënëm ojts tpanëjkxtëkë.

2 Reyes 13:2

Je'eyëp ko yë'ë aak ëxëëkjaty winë tuuny Wintsën wyintuuy, yë'ë poky tyuuntëkooy mëti'ipë yë Jeroboam tyuunën, yë Nabat yë myaank; ojts ja Israel ja'ay tyajpokytyuny mëj këjää ets ka'ap ojts ninu'un jyootwinpity.

1 Samuel 2:24

U'unk maayëty, jëtu'un tä miits m'ëtë'ëtstën ninu'un kyatimy'oyëty, ëjts tëëjës wa'ats nmëtoy wi'ix yë Dios yë nyaax kyajpn mnimëtya'akëtën.

Éxodo 32:21

Tä ojts t'ënëëmë ja Aarón: ¿Tii jëtu'un ya'atë naax kajpn të mtukmëtuuntëkoyë ets jëtu'un xyajpokytyunëty mëjwiin këjää?

Éxodo 32:4

ets t'ëxajëy ja pu'ts pujxn ets jap tyajwin'ë'tsy jëënjoty, yë'ë ojts mëët tyajkojy tu'uk yë awinax, jëtu'unpë kyëxë'ëkyën tä tsajpkaajën. Ënet ja mayjyä'äy y'ënaantaaytyë: Israel ja'ayëty, ya'atë jëtu'un mwintsën'ajtëp, mëti'ipë ojts jap mjuutëtën Egiptë.

Génesis 20:9

Yë Abimélec ojts twoowtsoy ja Abraham ets t'ënëmaay: Ëk'ix tii ko jëtu'un të xytyunyës, tii mijts të ntukmëtuuntëkoy. ¿Tii ko ya'atë nëë poky të xymyëminy të xyajminy maas ëjts yë njëën ntëjkën ets maas tu'kë'ëyë nmëkunaax nmëkukajpnën? Ya'atë ka'ap jëtu'un tyuunpëty.

2 Reyes 10:28

Jëtu'un ja Jehú ojts tyajkutëkoy ja Baal jam Israel.

2 Reyes 10:31

E oy ojts jëtu'un ja Wintsën jya'ënë'ëmxëty, yë Jehú ka'ap ojts yajxon winë oy tuunta'ay tä ja Wintsën tjatsojkyën, jä'ä ko ka'ap ojts t'ëxmatsy ja ëxëëktu'un ëxëëk kajpxën mëti'ipë tyuunën ja Jeroboam ko tyajpokytyuuny ja Israel ja'ayëty.

Ezequiel 23:8

Jëtu'un jap tyimtso'ontäky Egiptë ja jyot nyini'kx tmo'oy oypyënëty ets ka'ap jëtu'unpë tuunk t'ëxmajtsy. Ma y'ëna'k'ajtyën may ja ye'etyëjk ojts myëëtko'knëty ets tyajtëkooy ja y'akiixyajtën ets y'awinpijty to'oxykyujeny.

2 Reyes 3:3

E jëtu'un tjatuuny, yë'ë poky ojts tuuntëkoy mëti'ipë tyuunën yë Jeroboam, yë myaank yë Nabat, mëti'ipë mëët tyajpokytyuunyën ja Israel ja'ayëty.