2 Reyes 10:27 - Biblia Dc en Mixe de Quetzaltepec

²⁷ Ojts tjitë ja wintsë'këntyakn ma ja Baal y'ityën ets tukpu'ujëtyääytyë ja Baal ja y'awinax, näjyëtu'un ja nyitëjk ojts tjijtë'ëktë ets jëtu'unyë oywyi'ix tnipëjkpäjtë, jëtijtakn je'eyë jyaaktuuny; tyampaat jëtu'un jam oywyi'ix y'ity.

Biblia Mixe de Quetzaltepec

²⁷ Ojts tjitë ja wintsë'këntyakn ma ja Baal y'ityën ets tukpu'ujëtyääytyë ja Baal ja y'awinax, näjyëtu'un ja nyitëjk ojts tjijtë'ëktë ets jëtu'unyë oywyi'ix tnipëjkpäjtë, jëtijtakn je'eyë jyaaktuuny; tyampaat jëtu'un jam oywyi'ix y'ity.

2 Reyes 10:27 ပူးပေါင်းရင်းမြစ်များ

Daniel 3:29

Tyam yë'ëjës yam nikäjpxyp ko pën ëxëëk tnikäjpxy tnimëtya'akëty yë Dios mëti'ipë tyaapë ëna'këty y'ëwtajtëpën nëjkxëp yaj'atsuk yajtuktsukë ets nëjkx ja jyëën tyëjk tsaanipiy y'awinpity oy ënety myaakajpnëty tsyoony ets wä'än myëti'ipë y'ayukëty tkäjpxy, jä'ä ko ka'ap maa tios mëti'ipë jëtu'un yajtsokpën tä yë'ëjëty yë Tyiosëtyën.

Daniel 2:5

Ëjts jëtu'unës të ntuknipëjktaakë, jëtu'un ja yajkutujkpë y'ëtsooy: Pën miitsëty ka'ap oy xyajniwijtë ja nkuma'ayës, piw nuuk ënät mjajta'atëty ets ja mjëën mtëjkëty xit ko'ow y'awinpijta'aja'any.

Esdras 6:11

Tyam näjyëtu'un ënä'ämën mpëjktä'äkyës, ko pën ya'atë aaw ayuk tnakumëtoownaxëty ëkë tkapatunëty, nëjkxëp ja tyëjk yajpa'atjijtu'uty ets nyijijtpätëtëty; ja jyëën tyëjk xit ko'ow jyajta'ajëty.

1 Reyes 16:32

Ojts tu'uk wintsë'këntyakn tkojy ets tu'uk ja tsajptëjk jam Samaria ma ja Baal yaj'ëwtatëtyën.

2 Reyes 18:4

Ojts tjijta'ay ja tëjk ma ja awinax y'itën, tyukpu'ujëtyääy ja tsaa mëti'ipë ënety tyijtëpën kënu'kxy, jëtu'unyë tpu'utaktaay ja Aserá ja y'awinax ets ja tsa'any mëti'ipë aak pujxnën mëti'ipë ënety ja Moisés të tyajkojyën; wa'ats tyajma'taay, yë'ë ijty yë Israel ja'ayëty wyino'k wyinxaamtëp mëët yë poom, jä'ä tijtë Nehustán.

Deuteronomio 7:25

Nëjkxëp xynyino'kta'atë ja y'awinaxëty, mëti'ipë mëët ja pu'ts pujxn ets ja poop pujxn nyikoyëtyën. Ko xy'ixtëty jëtu'un, këtii xytyontëty ets xyjyä'ä'atantëpëty. Jä'ä ko yë Wintsën y'ëxëëk'ijxyp jëtu'unpë.

Deuteronomio 7:5

Yë'ë mtuntëp, tukjijtëtya'atë tukpu'ujëtya'atë yë wyintsë'këntyaknëty, yë tsaa, yë kepy tsyetsy ets awinaxy mëti'ipë y'ëwtajtëpën; yajkutëkooytya'atë yë tsaa, kepy mëti'ipë y'ëwtajtëpën ets nino'ktaayëtë y'awinaxëty.

2 Reyes 10:28

Jëtu'un ja Jehú ojts tyajkutëkoy ja Baal jam Israel.

2 Reyes 11:18

Tääts ni'ëmukë nyëjkxtaaytyë ma ja Baal ja tsyajptëjkën ets tjijtë, wa'ats tukjijtëtyääytyë ja wyintsë'këntyakn, xit ko'ow tuuntaaytyë. E ja Matán mëti'ipë teety'ajtpën ma ja Baal ja tsyajptëjkën jämyë tyaj'o'ktë ma ja wintsë'këntyaknën. Ko jëtu'un kyëjxtaay nyajxtaay ënät ja teety ojts jam tyajwë'ëmy ja këwent'ajtpë ma ja Wintsën ja tsyajptëjkën;

Éxodo 34:13

Ni'ikyë xyjyijtë'kta'atëty yë wyintsë'këntyakn ets xyajma'ta'atëty yë tsyaapotsy ets kepy tyetsy.

2 Reyes 3:2

Yë'ë ëxëëk ojts winë tuny Wintsën wyintuuy, je'eyëp ko ka'ap tyimjëtu'unëty tä ja tyeety tyaakën, jä'ä ko yë'ë ojts tjijtë'ëky ja tsaapotsy ma ja Baal ënety t'ëwtatën mëti'ipë tyeety kyojën.