2 Reyes 10:26 - Biblia Dc en Mixe de Quetzaltepec

²⁶ ets tukpu'ujëtyääytyë winë, tuktëjëtyääytyë ja kepyëty ets nino'ktaaytyë mëti'ipë ëmaay tyijtëpën.

Biblia Mixe de Quetzaltepec

²⁶ ets tukpu'ujëtyääytyë winë, tuktëjëtyääytyë ja kepyëty ets nino'ktaaytyë mëti'ipë ëmaay tyijtëpën.

2 Reyes 10:26 ပူးပေါင်းရင်းမြစ်များ

1 Reyes 14:23

Jä'ä ko yë'ë ojts näjyëtu'un tnimëktä'äky ets ja ja'ayëty t'ëwtatëty mëti'ipë jeexyë ka'ap t'ëwtatën, ojts ja nyitsajptëjk tkojë ja awinax mëti'ipë yajtijpën Aserá, ojts tyajkojy ja awinax tsaapotsypë ets kepy tsetsypë, tpëjktäky jam muum tunkëjxm ets kepypya'tkë'ëm ma muum ja mëj kepy tyänën.

2 Reyes 19:18

ets ko tëë ja tyios tyajkutëkooytya'atë jëënjoty, jä'ä ko ka'ap ja tyios'atë, aakyë'ë ja tsaatsetsy, mëti'ipë ja ja'ay kë'ëm y'oytyuunpyën. Paatykyëjxm të timyajkutëkoytyë.

2 Reyes 3:2

Yë'ë ëxëëk ojts winë tuny Wintsën wyintuuy, je'eyëp ko ka'ap tyimjëtu'unëty tä ja tyeety tyaakën, jä'ä ko yë'ë ojts tjijtë'ëky ja tsaapotsy ma ja Baal ënety t'ëwtatën mëti'ipë tyeety kyojën.

2 Samuel 5:21

Ko yë filistejë ja'ayëty t'ijxtë ko ka'ap y'ëkmëta'akanëtë, tääts jëtu'unyë tnikääkjojktë ja y'apëjk y'atu'unën, ja nyaaxpotsyëty ets ja kyepy tyetsyëty mëti'ipë ijty y'ëwtajtëpën, e ja David yë'ë ojts tpëjkmujkta'ay.

1 Reyes 16:32

Ojts tu'uk wintsë'këntyakn tkojy ets tu'uk ja tsajptëjk jam Samaria ma ja Baal yaj'ëwtatëtyën.

2 Reyes 11:18

Tääts ni'ëmukë nyëjkxtaaytyë ma ja Baal ja tsyajptëjkën ets tjijtë, wa'ats tukjijtëtyääytyë ja wyintsë'këntyakn, xit ko'ow tuuntaaytyë. E ja Matán mëti'ipë teety'ajtpën ma ja Baal ja tsyajptëjkën jämyë tyaj'o'ktë ma ja wintsë'këntyaknën. Ko jëtu'un kyëjxtaay nyajxtaay ënät ja teety ojts jam tyajwë'ëmy ja këwent'ajtpë ma ja Wintsën ja tsyajptëjkën;

Isaías 27:9

Je'eyëp ko ënät tpokymyä'kxa'any yë Jacob, pën pyatuumpy mëti'ipë yaj'amëtoopën: Ko naaxwayën tuunta'ajëty yë wyintsë'këntyakn ma t'ëwtatyën ka'apë Tyiosëtyën, jëtu'un tukpu'ujëtya'ajëty tä jeexyë ja'ay tsaa twaaytyä'äkyën mëti'ipë yajaamkojpyën ets ka'ap nimaa wyë'ëmëty tu'kpuxyën yë kepy mëti'ipë y'ëwtajtypyën, yajma'ta'ajëp yë wyintsë'këntyakn ma poom tukwinjokyën yë tyiosëty.

Deuteronomio 7:5

Yë'ë mtuntëp, tukjijtëtya'atë tukpu'ujëtya'atë yë wyintsë'këntyaknëty, yë tsaa, yë kepy tsyetsy ets awinaxy mëti'ipë y'ëwtajtëpën; yajkutëkooytya'atë yë tsaa, kepy mëti'ipë y'ëwtajtëpën ets nino'ktaayëtë y'awinaxëty.

1 Reyes 15:13

Ojts ja nyanwelë tpëjkë ja kyutujkën, mëti'ipë xyëëwajtypyën Maacá, jä'ä ko yë'ë ënety të tyajkutuky ets kyojëty ja y'awinax ja Aserá, Asá ojts tyajkutëkoy tääpë awinax, jam tnino'ky ma tu'uk wokjot txëëwatyën Cedrón.

2 Reyes 18:4

Ojts tjijta'ay ja tëjk ma ja awinax y'itën, tyukpu'ujëtyääy ja tsaa mëti'ipë ënety tyijtëpën kënu'kxy, jëtu'unyë tpu'utaktaay ja Aserá ja y'awinax ets ja tsa'any mëti'ipë aak pujxnën mëti'ipë ënety ja Moisés të tyajkojyën; wa'ats tyajma'taay, yë'ë ijty yë Israel ja'ayëty wyino'k wyinxaamtëp mëët yë poom, jä'ä tijtë Nehustán.

2 Reyes 23:4

Ënet ja yajkutujkpë ojts tuknipëky ja Hilquías ets ja mëmäjtskpë ja teety; näjyëtu'un mëti'ipë ja tsajptëjk'aaw kyëwent'ajtëpën ets tyajpëtsëmtëty jap tsajptëkoty tëkokyë winë mëti'ipë ja Baal ets ja Aserá tyukwintsë'këtyëpën; tyajpëtsëmtëty ja xëëw po'o ja y'awinax ets tyajnitooytya'atëty jam ma ja Jerusalén ja kyajpnpa'ajën, jam Cedrón ets ja kuyjaam tmënëjkxtëty jam Betel.

2 Reyes 23:6

Ojts jam tyajpëtsëëmta'ay ma ja Jerusalén kajpnën ja Aserá y'awinax, mëti'ipë jap yajpatpën ma ja Wintsën ja tsyajptëjkën; jam tyajnitooy ma ja Cedrón wokën, kuyjaam tyaj'awinpijty ets ojts twëjwä'kxy ma ja o'kpë nyipätën.

2 Reyes 23:12

Jyijtë'ktaay ja wintsë'këntyakn, jampë yajpaatën ma Acaz yë tyëjk kopkën mëti'ipë ja Judá yajkutujkpë kyojtën ets ja wintsë'këntyakn mëti'ipë ja Manasés kyojën jam tsajptëjk'ëkë'ëm, wa'ats tukjijtëtyääy ets ja naaxmaj aakjam t'ixko'owtaay ma ja Cedrón wokjotmën.

1 Crónicas 14:12

Ja filistejë ja'ayëty jëtu'unyë jam tnikäktaaytyë ja y'awinaxëty mëti'ipë y'ëwtajtëpën, ko David jëtu'un t'ijxy tääts tnino'ktaay.

2 Crónicas 34:7

Wa'ats tjijtë'ktaay ja wintsë'këntyakn, ja Aserá ja y'awinax ets ja naaxpotsy; xit ko'ow tuuntaay. Jyijtaay ja poom ja nyiwintsë'këntyakn maajaty ja Israel kajpnën. Ok ojts wyimpijnë jam Jerusalén.