2 Reyes 10:15 - Biblia Dc en Mixe de Quetzaltepec

¹⁵ Ko ja Jehú ojts jam tsyo'onë ets nyëjkxnë, jam mëët tu'u'am nyäpyatë yë Jonadab, myaank yë Recab, yë'ë ënety nimiinëp ets kyajpxpo'kxa'anyë. Tä ja Jehú ojts tkajpxpo'kxy ets t'ënëmaay: ¿Wi'ix oy xynyiminyësë, jëtu'un tääjës ëjtsën ma mijtsënë? Jëtu'un, oypyës nyajmiinpy, jëtu'un y'ëtsooy ja Jonadab. Pën jëtu'un mooykyës yë mkë'ë, jëtu'un y'ënäny yë Jehú. Tä ja Jonadab myooyë ja kyë'ë ets ja Jehú jam mëët pyejty ma ja pyujxn wintëkäämpën.

Biblia Mixe de Quetzaltepec

¹⁵ Ko ja Jehú ojts jam tsyo'onë ets nyëjkxnë, jam mëët tu'u'am nyäpyatë yë Jonadab, myaank yë Recab, yë'ë ënäty nimiinëp ets kyajpxpo'kxa'anyë. Tä ja Jehú ojts tkajpxpo'kxy ets t'ënëmaay: ¿Wi'ix oy xynyiminyësë, jëtu'un tääjës ëjtsën ma mijtsënë? Jëtu'un, oypyës nyajmiinpy, jëtu'un y'ëtsooy ja Jonadab. Pën jëtu'un mooykyës yë mkë'ë, jëtu'un y'ënäny yë Jehú. Tä ja Jonadab myooyë ja kyë'ë ets ja Jehú jam mëët pyejty ma ja pyujxn wintëkäämpën.

2 Reyes 10:15 ပူးပေါင်းရင်းမြစ်များ

Ezequiel 17:18

jä'ä ko tëë tnëxi'iky tukxi'iky ja käjpxytyu'unën ets ka'ap të tpatuny ijxtëm ojts yajkäjpxy'ätyën, je'eyë ojts winë tkupëky ets ka'ap t'ëkpatuunë. Paatykyëjxm ka'ap tjëkyepy juuky kyä'äkëty.

Esdras 10:19

ojts y'ëna'antë ko y'ëxmatsantëp ja tyo'oxytyëjkëty mëti'ipë ka'ap ja Wintsën t'ëwtatën ets ko ënety tu'uk ja tsajppax ëna'k nyätyukniyajktu'uta'anëtë ko të pyok tyuntë.

1 Crónicas 2:55

ets ja jyä'äy ja soferitë ja'ayëty mëti'ipë ijty jam tsënääpyën Jabés, jä'ä jëtu'unëty mëti'ipë yajtijtëpën tiratejë ja'ayëty, simatejë ja'ayëty ets sucatejë ja'ayëty. Yë'ë ya'atë ojts yajtijtë quenitas ma tsyoontën yë Hamat, mëti'ipë tyeety'ajtën Bet-recab.

Gálatas 4:12

Mëku'uktëjkëty, tyam miits nmënu'kxta'aktë ets mja'ay'atëty ijxtëm ëjtsën, jä'ä ko tëëjës jëtu'un nwinpity ijxtëm miitsëtyën. Ka'apës miits tii të xytyukmëtuuntëkoytyë.

Gálatas 2:9

Paaty ja Santiagë, Pedro ets ja Juan, mëti'ipë ijty yajtijtëpën ko jam tnikopk'atë ja mëpëjkpëtëjk, yë'ë ojts tnijawëtë ko Dios ënety të tuny ja mëyajtën etsës xykyupëktëty, ëjts ets ja Bernabé. Jä'äkyëjxm ets yaj'ix yajnijawëty koos ënety të xykyupëktë ijxtëm ja myëku'ukëtyën ënät ojts tkäjpxy'atë etsës nëjkx ntuntë ma ja ja'ayëtyën ka'apë jyutiis'atën ets yë'ëjëty ojts wyë'ëmtë tuunpë ma ja jutiis ja'ayëtyën.

Hechos 8:31

Tää y'ëtsooy ja noky kyajpxpë: ¿Wi'ixës nwinjawëty? ka'apës pën xytyukwinkumëtyaakë wi'ix nyiwijyën. Ënet ja Felipe t'ënëmaay ets yajpätëtëty pujxnwintëkäämpë këjxm ma ënety jam y'u'unyën.

2 Reyes 10:13

jam mëët nyäpyatë ja Ocozías ja myëkä'äxtëjk, mëti'ipë ojts y'ëne'emyën jam Judá. Tä ja Jehú yajtëëwëtë: ¿Pën miitsëty? Tääts y'ëtsoowtë: Ëëts xymyëku'ukajtëp yë yajkutujkpë Ocozías, paatyës yaa nmintë yë'ëjës nku'ixëjantëp ja y'u'unk y'ëna'k.

2 Reyes 9:21

Ënet ja Joram ojts tuk'ëne'emy ja tyuunpëtëjk: Jamës yë npujxn wintëkäämpë xynyipëjktaakëtëty mëti'ipës nmëtsiptuunpyën. Ënet ojts ja pyujxnwintëkäämpë jyänty yajnipëjktaakë, tääts ja Joram, mëti'ipë jam yajkutujkpën Israel, mëët ja Ocozías tsyo'ony, aaktam yë pyujxn wintëkäämpëty ets nëjkx tjëjpkuwa'akëja'antë ja Jehú. Jam tpatë ma ja nyaaxjotmën ja Nabot, jampë kyukajpnëtyën Jezreel.

Génesis 47:10

Ënet yë José ojts nyäjyëkäjpxyë ma yajkutujkpë ets jatëkok jam tsyo'ony.

Génesis 47:7

Ënet yë José ojts yë tyeety Jacob jam twoownëjkxy ma yajkutujkpën ets tkajpxpo'kxa'any. Yë Jacob mëët ojts yë näywyinkutsë'kën tkajpxpo'kxy yë yajkutujkpë,

Génesis 31:55

Komjëpom ja Labán ojts myä'äypyëtë'kojy jopyëp ets tsu'kxtaay ja y'ok'u'unk y'ok'ëna'k ets ja nyëëx nimäjtskpë, jä'ä ko jëtu'un ënety tu'unën'atë. Tää tkënu'kxtaay nitu'ukjaty, tä ojts wyimpijnë ma ja nyaax kyajpnën.

2 Reyes 10:14

Ënätyë ja Jehú t'ënëmaay ja tyuunpëtëjk: Matstë juuky tääpë ja'ayëty. Tä ja Jehú ja tyuunpëtëjk tmajtstë tääpë ja'ayëty ets jam tyo'kpujxtaaytyë ma Bet-equed itjotmën, mëti'ipë jëyujkëwent'ajtpë jyä'ä'ajtëpën. Jä'ä ënety nyiwinë'atë niwëxtyikxy myäjtsk, nitu'uk ojts tkayajwë'ëmtë juuky.

Jeremias 35:2

Nëjkx jam ma Recab ja'ayëtyën ets xy'ënëëmëty wä'än tmintë ma tsajptëjkën, jap tëkoty xykyuwowëty ets xymyo'ojëty yë tsatym nyëë mëti'ipë tëë nyimaanaxyën.

1 Reyes 20:33

Ja ja'ayëty y'oymëtoowtë jëtu'unpë ja ayuk, paaty ënätyë y'ënantë: Yë Ben-adad jëtu'un yë'ë tä jeexyë xymyëkä'äx'atyën. Nëjkx yajtsoontë, jëtu'un y'ëtsooy ja Ahab. Ënet ja Ben-hadad myiiny jam ma ja Ahab ets ja Ahab yajpäjtë pujxnwintëkäämpë këjxy.

Nehemías 3:14

Ja Malquías, Recab myaank, mëti'ipë jam yajkutujkpën Bet-haquérem, yë'ë ojts tyaj'oyë ja nyitëjk'aaw ja mëjpotsy ma ja pu'uxm yajko'oyën, ojts ja tëjk'aaw tpëjktä'äky mëët ja nyipujxn nyikepy mëti'ipë mëët y'ëtukëtyën.

Salmos 94:16

¿Pënës xy'ëkniwaantu'utëp ma ëxëëkja'ayëtyën, ma ja tuuntëkoopyë kajpxtëkoopyëtyën?