2 Reyes 10:14 - Biblia Dc en Mixe de Quetzaltepec

¹⁴ Ënätyë ja Jehú t'ënëmaay ja tyuunpëtëjk: Matstë juuky tääpë ja'ayëty. Tä ja Jehú ja tyuunpëtëjk tmajtstë tääpë ja'ayëty ets jam tyo'kpujxtaaytyë ma Bet-equed itjotmën, mëti'ipë jëyujkëwent'ajtpë jyä'ä'ajtëpën. Jä'ä ënety nyiwinë'atë niwëxtyikxy myäjtsk, nitu'uk ojts tkayajwë'ëmtë juuky.

Biblia Mixe de Quetzaltepec

¹⁴ Ënätyë ja Jehú t'ënëmaay ja tyuunpëtëjk: Matstë juuky tääpë ja'ayëty. Tä ja Jehú ja tyuunpëtëjk tmajtstë tääpë ja'ayëty ets jam tyo'kpujxtaaytyë ma Bet-equed itjotmën, mëti'ipë jëyujkëwent'ajtpë jyä'ä'ajtëpën. Jä'ä ënäty nyiwinë'atë niwëxtyikxy myäjtsk, nitu'uk ojts tkayajwë'ëmtë juuky.

2 Reyes 10:14 ပူးပေါင်းရင်းမြစ်များ

2 Crónicas 22:10

Ko ja Ocozías ja tyaak Atalía tnija'awëy ko tëë ja myaank y'ooky, ënätyë tyaj'o'ktaay ja ja'ay mëti'ipë ënety jam tsënaaytyëpën Judá, ja yajkutujkpë ja myëku'uktëjk.

2 Crónicas 22:8

Yë'ë ënety yë Jehú jam nyipaye'epy wi'ix ja Ahab ja y'u'unk tyo'oxytyëjk, y'u'unk y'ëna'k të y'ëtë'ëtstë y'ëna'antën, ko t'ijxpaty ja wintsëntëjk mëti'ipë jam Judá tso'ontëpën ets ja Ocozías ja jyä'äy, mëti'ipë mëët tyuunmukyën; ënät jämyë tyaj'o'ky.

2 Reyes 11:1

Ko yë Atalía, ja Ocozías ja tyaak, tnija'awëy ko tëë ja myaank y'ooky, ënät ojts nyijkxy jam ma ja yajkutujkpë ja jyiiky myëku'ukën ets tyaj'o'ktaay jënu'un tpatyën.

2 Reyes 10:6

Tä jatëkok tkejxy ja noky, jä'ä mëmäjtsk'okpë: Pën miitsëty m'ënantëp koos xypyukajpxëja'antë ets ko xytyuna'antë mëti'ipës nni'ënä'ämëpën, tyam npëjktsowtë ets xyajjënajktaayëtëty yë kyëpajk yë Ahab yë y'u'unk y'ëna'k mëti'ipë ojts m'ënä'ämëtën, jëpom xynyimintëtyës ya'atpë xëëw yam Jezreel. Ja nitëkë'px majkpë ja Ahab ja y'u'unk y'ëna'k, jam ënety y'itë ma ja ja'ay ja tyëjkëtyën mëti'ipë mëj'äämpy ijtëpën ma ja naax kajpnën, ma ënety të yääktën,

2 Reyes 8:18

Yë'ë ëxëëkjaty ojts winë tuny Wintsën wyintum tä ënety ja wiinkëtypë ja yajkutujkpë mëti'ipë ënä'ämtën jam Israel, tä ja Ahapën, jä'ä ko ja tyo'oxytyëjk yë'ë myëku'uk ja Ahab; paaty ja tyu'unën kyajpxën aak tëkatsy ojts ja Wintsën t'ixy.

1 Reyes 20:18

ënät ni'ënä'ämëy ets y'ënäny: Wä'än yë'ëjëty mëti'ipë tsiptunantëpën ëkë tsip kyajpx'oyëjantëpën, aak juukyës ntsojkta'ay xyajmintëty.

2 Reyes 10:12

Jam tsyo'ony ets ojts nyijkxy Samaria, jam tu'ujotm Bet-equed, ma ja jëyujk këwent'ajtpë tjä'ä'atën,

2 Reyes 10:13

jam mëët nyäpyatë ja Ocozías ja myëkä'äxtëjk, mëti'ipë ojts y'ëne'emyën jam Judá. Tä ja Jehú yajtëëwëtë: ¿Pën miitsëty? Tääts y'ëtsoowtë: Ëëts xymyëku'ukajtëp yë yajkutujkpë Ocozías, paatyës yaa nmintë yë'ëjës nku'ixëjantëp ja y'u'unk y'ëna'k.

2 Reyes 10:15

Ko ja Jehú ojts jam tsyo'onë ets nyëjkxnë, jam mëët tu'u'am nyäpyatë yë Jonadab, myaank yë Recab, yë'ë ënety nimiinëp ets kyajpxpo'kxa'anyë. Tä ja Jehú ojts tkajpxpo'kxy ets t'ënëmaay: ¿Wi'ix oy xynyiminyësë, jëtu'un tääjës ëjtsën ma mijtsënë? Jëtu'un, oypyës nyajmiinpy, jëtu'un y'ëtsooy ja Jonadab. Pën jëtu'un mooykyës yë mkë'ë, jëtu'un y'ënäny yë Jehú. Tä ja Jonadab myooyë ja kyë'ë ets ja Jehú jam mëët pyejty ma ja pyujxn wintëkäämpën.

Jeremias 41:5

ënät jyajtë nimajkta'px yë ja'ay. Jam tsyoontë Siquem, Siló ets Samaria. Tëë je'eyë nyäy'awaayjyäjpta'ajëtë, këëts këëts ja wyit mëti'ipë myëmiintëpën ets tëë ja jyot nyini'kx tyajtsëtyujta'atë. Tam tmëmintë yë aaypyajk ujtspajk ets poom mëti'ipë tyukwintsë'ëkëjantëpën ja Wintsën.