2 Reyes 10:1 - Biblia Dc en Mixe de Quetzaltepec

¹ Jä'ä ënety yë Ahab yë y'u'unk jam Samaria yajpaaty nitëkë'px majk, ënät yë Jehú ojts yë noky kanaak tkäjxwä'kxy jam kajpntum, ma ja kutuunktëjkëtyën, mëj ja'atyëkëtyën ets ma ja ja'ayëtyën mëti'ipë ja Ahab ja y'ëna'k jam myëët'ajtëtëpën, jëtu'un t'ënëmaay:

Biblia Mixe de Quetzaltepec

¹ Jä'ä ënäty yë Ahab yë y'u'unk jam Samaria yajpaaty nitëkë'px majk, ënät yë Jehú ojts yë noky kanaak tkäjxwä'kxy jam kajpntum, ma ja kutuunktëjkëtyën, mëj ja'atyëkëtyën ets ma ja ja'ayëtyën mëti'ipë ja Ahab ja y'ëna'k jam myëët'ajtëtëpën, jëtu'un t'ënëmaay:

2 Reyes 10:1 ပူးပေါင်းရင်းမြစ်များ

1 Reyes 13:32

jä'äxë ko mëti'ipë nyikajpxën, Wintsën ojts tyuk'ëne'emyë ko y'ënäny ko tëkokyë ja wintsë'këntyakn ets ja nyitsajptëjk mëti'ipë yaajën Betel, kopkpëky nëjkx kyutëkooytyä'äy ets näjyëtu'un tu'kë'ëyë maajaty yë Samaria kajpn tnitänën.

2 Crónicas 22:9

Ënet ni'ënä'ämëy ets nëjkx tyajtsoontë ja Ocozías jam Samaria ma ënety jam të nyäyu'utsyën, jam tmajtstë ets tuknimiintë ja Jehú, tääts tyaj'o'ktë. Je'eyëp ko tyajnaaxtëjkëtyë jyä'ämyäjtstë ko jä'ä Josafat ja myaank, mëti'ipë ënety oy ja Wintsën të tmëtunyën. Jëtu'un'äämpy ojts ka'ap nitu'uk Ocozías jyä'äy wyi'imy mëti'ipë jeexyë jatëkok nyiwä'kpyën ja kutujktakn.

2 Reyes 5:3

Ënet ya'atë to'oxy'ëna'k tëkok t'ënëmaay yë tyaak: Kooxyëp jeexyë yë nwintsënës t'ëkninëjkxy yë Wintsën yë tyuunpë jampë Samaria y'ityën, tsokp akëtakp jeexyë.

1 Reyes 16:28

Ko y'o'ky jam ojts tyajnaaxtëkëtë Samaria, ma ja kutujkënën. Yë'ë ojts kyutëkëty ja myaank Ahab.

1 Reyes 16:24

Ojts tjuy tu'uk yë naax jam ma ja Samaria kopkën, yë'ë Semer jyä'ä, jä'ä tkujuuy tëtujk kilë aak poop pujxn; jam ojts tu'uk tkojy ja kajpn, ma ja näkyëwent'atë y'itëtyën, jä'ä txëëwmooy Samaria, jä'ä ko ja mëti'ipë ijty nyiwintsën'ajtypyën jä'ä ijty txëëwaty Semer.

Jueces 12:14

tuktujk jëmëjt. Abdón jä'ä y'ijty y'ëna'k niwëxtyikxy, ets yë'ë y'okmaank ni''i'px majk; tääpë y'ok'ëna'këty aak kruktskëjxy ijty jyëtitë.

Jueces 10:4

Jair jä'ä myaank y'ijty ni''i'px majk, nitu'ukjaty aak jëyujkëjxy ijty jyëtitë, ojts yë kyajpnëty tyaj'ixta'aktë këëktu'uk. Ja ni''i'px majkpë ja kajpn mëti'ipë ojts tyajkojtën tyampaat yë'ë yë Jair yajtukjä'ätijp.

Deuteronomio 16:18

Nikajpxpätë yë ja'ayëty mëti'ipë kutuunk'atëpën ma ja naax kajpnën mëti'ipë yë Wintsën mo'ojanëtëpën ets yë'ë myëku'uk tnikopk'atëty ets tnipaye'eytyëty yajxon ja jyiiky myëku'uk ja nyëë pyokyëty ets ja y'amay jyotmayëty.

Josue 15:56

Jezreel, Jocdeam, Zanóah,

1 Reyes 21:29

¿Tëë xy'ixyë wi'ix yë Ahab yë jootwinpijtën të tmëët'atyë ets wi'ix ëmaay amutsk të nyäpyëjktä'äkyë ma ëjtsënë? Mëët yë'ë ko të mjootwinpity ets ëmaay amutsk të mnäypyëjktä'äkyë ma ëjtsën, yë'ë ets jyiiky myëku'uk ka'apës wi'ix ntuna'any ma tyam jyuuky'ätyën, jäänëm tëy nëjkx ja ëyo'on nyajkëtä'äkyës ko ënety yë'ë ja myaank jyuuky'äty.

Oseas 1:4

Ënet yë Wintsën t'ënëmaay yë Oseas: Jezreel xytyijëty yë mmaank, jä'ä ko tyimpatyp ja xëëw po'o maas ntëytyuna'anyën yë Jehú yajkutujkpë yë y'u'unk y'ok mëët ko may të yaja'ay'ooky jam Jezreel, etsës nyaj'ätëkoyä'äny yë kutujktakn jam Israel.