2 Reyes 1:9 - Biblia Dc en Mixe de Quetzaltepec

⁹ Tä ënätyë tkejxy tu'uk ja tsyiptuunpë Wintsën, mëët niwëxtyikxymyajk yë tyuunpë. Ko jam jyajtë, yë Elías jam ënety yajpaaty kopkkëjxm, ënyääpy ënety jam. Tä ja tsiptuunpë wintsën y'ënëmaayë: Käjpxynyajxpë, yë yajkutujkpë jëtu'un y'ënä'äny koojëk mjënakëty.

Biblia Mixe de Quetzaltepec

⁹ Tä ënätyë tkejxy tu'uk ja tsyiptuunpë Wintsën, mëët niwëxtyikxymyajk yë tyuunpë. Ko jam jyajtë, yë Elías jam ënäty yajpaaty kopkkëjxm, ënyääpy ënäty jam. Tä ja tsiptuunpë wintsën y'ënëmaayë: Käjpxynyajxpë, yë yajkutujkpë jëtu'un y'ënä'äny koojëk mjënakëty.

2 Reyes 1:9 ပူးပေါင်းရင်းမြစ်များ

1 Reyes 17:18

Ënet ja ku'ookytyo'oxy t'ënëmaay ja Elías: ¿Tii tsipës ëjts mëët mijts nmëët'ajtyp, mijts mëti'ipë Wintsën myëtuumpyën? ¿Ëkë je'eyës mijts nëkoo ja nnëë npoky xypyaye'eyanë etsës ja n'u'unk nmaay y'ookëty tyëkoytyë?

1 Reyes 18:10

Ëjts tyamës ntukajpxpety yë mWintsën yë xyëëw, ko tää yajxon mjanty yaj'ixta'ay ets myaj'ooka'anyë, tëë yajtukjëtijtëtyä'äy yë naax kajpn, ko pën y'ënä'äny ko ka'ap maa Ahab kanaak'ok tuknikäjpxy yë ja'ay ko ka'ap maa pën të mpaatyë.

1 Reyes 18:4

paaty ko ojts ja Jezabel may tyaj'ooky ja ja'ayëty mëti'ipë ja Wintsën myëtuuntëpën, yë Abdías, may ojts tyajtso'oky yë Wintsën mëtuunpëty, wëxtyikxy majkjaty tpëjktäky ets tyu'ty, yë'ë tyim yajkaay.

1 Reyes 18:42

Ja Ahab ojts ja nyijkxy ma jyëën tyëjkën kääpyë ukpë. E ja Elías jam ojts nyijkxy tunkëjxm ma kyëpäjta'ayën ja kopk mëti'ipë yajtijpën Carmel, jamts nyäkyoxtënaaytyakë ëmuumtu'ukjot,

1 Reyes 19:2

Ënet ja Jezabel ënätyë tkejxy tu'uk ja kukäjpxy ma ja Elías jam yajpaatyën ets t'ënëëmëty: Pën mijts mxëëwajtyp Elías ëjts jä'äs nxëëwajtyp Jezabel. Ëjts mëj këjääjës yë wintsëntëjk xytyukpoky'atëty ko mijts ka'ap jëpom ya'atpë horë näjyëtu'un mjatëty mkëpätëty tä yë Baal yë myëtuunpëtëjk të xytyunyën.

1 Reyes 22:8

Tä ja yajkutujkpë jampë tyunyën Israel t'ëtsooy ja Josafat: Tä tu'uk mëti'ipë jyëkyejpy njaakyajtë'ëwmëty. Jä'ä txëëwaty Micaías, yë y'u'unk yë Imlá. Je'eyëp ko ëxëëkës tääpë ja'ay n'ixy, jä'ä ko ka'ap ninu'un tii oypyë tnikäjpxy, aakyë'ë ëxëëkpë nyikäjpxyp. E ja Josafat tyaa y'ëtsoowë: Këtii jëtu'un m'ëna'any.

2 Reyes 2:25

Jam ja Elisejë tsyo'ony ets ojts nyijkxy ma ja Carmel kopkën, jam jatëkok tsyo'ony ets wyimpijnë Samaria.

2 Reyes 4:25

Jëtu'un ojts nyijkxy ets jam jyä'äjty ma tu'uk ja Carmel kopkën, jam ja Wintsën ja myëtuunpë ënety yajpaaty. Ko yë Elisejë jëtu'un y'ijxë jam jëkäm myiny, ënät t'ënëmaay ja tyuunpë Guehazí: Ëk'ix, ximpë ja'ay myinyën jä'ä yowë ja Sunemëtë ja'ay.

Jeremias 35:4

ets ojts nwoownëjkxtës jam ma tsajptëjkën, jap tëkoty nkuwo'owëtyës yë Hanán y'u'unk y'ëna'këty, yë Igdalías yë myaank mëti'ipë ijty Dios y'ëwtajtypyën. Yë ya'atë tëkot akojmuky mëët yë tyëkot ma kopktëjkëty y'itën mëti'ipë ma tsajptëjkën tuuntëpën, jam yajpaaty ma Maaseías kopkën, yë Salum yë myaank mëti'ipë ijty këwent'ajtpën ma tsajptëjk yajnitëkën.

Amós 7:12

Ënet ja Amasías ojts t'ënëëmë yë Amós: Jëwa'ak yaa mijts käjpxynyajxpë. Pën mtsojkpy ets mjuuky'atëty ma nkäjpxynyajxpë'atyën, jam nëjkx Judá;

Mateo 14:3

Jä'ä ko tëë ja Herodes ënety tni'ënä'ämë ja Juan ets yajmatsëty wä'än tsumy t'ity. Ja y'uty Filipo ja tyo'oxytyëjk mëti'ipë xyëëwajtypyën Herodías yë'ë ënety të y'ënë'ëmxëty ets tmatsëty ja Juan,

Mateo 26:68

ets t'ënëmaaytyë: Kristë, nasjawë pën të mkoxyë.

Mateo 27:29

ets taktë tu'uk ja äpnykyujan jëtu'unpë tä kujänën ets tukujääntë ja Jesús, ets tukë'ëkajpëtyë tu'uk ja kepy mëti'ipë ijty ja yajkutujkpëtëjk kyë'ëkap'ajtëpën. Ënet twinkuxtënaaytyë ets nëxik tukxiktë, t'ënëëmëtë: Mëjpë yajkutujkpë, jutiis ja'ay yajkutujkpë.

Marcos 15:29

Ko ja ja'ay jam nyaxtë kruuts'ëjxm, je'eyë kyujëpiptë ets nëëxi'ik tukxi'iktë ja Jesús: Aa, mijts jä'ä ijty mnetyijëp ko xyjyijtë'ëka'any ja mëjtsajptëjk ets tëkëëk xëëw jatëkok xykyoja'any.

Marcos 15:32

Wä'änts ënät tyam tjënäky tääpë Kristë kruutskëjxm, yë Israel yajkutujkpë, jëtu'unts n'ijxmëty ets nmëpëjkmëty. Yë'ëpaat mëti'ipë ënety jam mëëtën kruutskëjxm ojts nyëxi'iky tyukxi'ikyë.

Lucas 9:54

Ko ja Santiagë ets ja Juan jëtu'un tmëtoowtë, ënät t'ënëmaaytyë: Wintsën, ¿Myajkutujkpy mijts etsës n'amëtowtëty ja jëën tsajpjotm, wä'än yë ja'ay tkutëkoytyë?

Hebreos 11:36

Ojts wiinkpë yajnëxi'ik yajtukxi'iktë ets yajwojp yajka'tstë, wiinkëtypë pujxntejpxy yajtuktsuumtë ets pujxn tëkoty yajpëjktaktë.

1 Samuel 19:21

Ko ja Saúl tnija'awëy, ënät ja wiinkpë tkejxy ja ja'ay, e yë'ëjëty ojts näjyëtu'un tyëkëtë ëtëtspë ënaanpë tä ja käjpxynyajxpëtëjk y'ëtëtstë y'ëna'antën. Mëtëkëëk'ok ojts ja Saúl tkäjxkojnëpë ja ja'ayëty, e yë'ëjëty näjyëtu'un jyajtë kyëpäjtë.