2 Reyes 1:11 - Biblia Dc en Mixe de Quetzaltepec

¹¹ Ja yajkutujkpë ojts wiinkpë tkexy tsyiptuunpë Wintsën, mëët wëxtyikxy majk yë tyuunpë ets nyëjkxtë, ko jam jyajtë tääts t'ënëmaaytyë ja Elías: Käjpxynyajxpë, jëtu'un yë yajkutujkpë y'ënä'äny koojëk mjëjpta'akëty timtyämyë.

Biblia Mixe de Quetzaltepec

¹¹ Ja yajkutujkpë ojts wiinkpë tkexy tsyiptuunpë Wintsën, mëët wëxtyikxy majk yë tyuunpë ets nyëjkxtë, ko jam jyajtë tääts t'ënëmaaytyë ja Elías: Käjpxynyajxpë, jëtu'un yë yajkutujkpë y'ënä'äny koojëk mjëjpta'akëty timtyämyë.

2 Reyes 1:11 ပူးပေါင်းရင်းမြစ်များ

Mateo 2:16

Ko ja Herodes tnija'awëy ko ja matsa'a ixtääpyë ënety tëë wyin'ëënyë, tääts ni'ik jyoot'anpëjky ets ojts tni'ënä'ämë ets ni'ëmukë y'ooktëty ja mëxu'unk ye'etyëjkpë jam Belén ets ma ja naax kajpnën wiinkonpë yajpaatën, tëë ënety tpamay ja xëëw po'o jëna'a ja matsa'a ixtääpyë të tnikajpxtën.

Jeremias 5:3

Wintsën, mijts yë'ë m'ixtääpy ja'ay mëti'ipë oyjyot wyinma'anyën. Ojts xyjyatëytyuny, yë'ëjëty ka'ap ojts tjawëtë; taj xit xyjyatuuny, kä'äpyëm tjajtë. Kujuun je'eyë nyäpyëjktakëtë këtiinëm yë tsaa, ka'ap tniwinpijtë ja oypyë ja në'ë tu'u.

Isaías 32:7

Ja ja'ay mëti'ipë ka'ap ja jyot wyinma'any y'oyëtyën, ma'atjaty ja aaw ayuk tkäjpxy; yi'iyë myëmääpy myëtäjpy ka'apë y'oyëtyën; y'ëxëëk tuumpy ja ëyoopëja'ay ko wyin'ëëny ets y'ëxëëk tuumpy näjyëtu'un ja mëti'ipë tii yajmëyäjtypyën.

Isaías 26:11

Mijts Wintsën janty jëjp'ixy jam xyjyamëët'aty yë tëytyu'unën, je'eyëp ko yë ëxëëkja'aytyëjk nijënu'un mëj tkatimy'ixtë; ko ënety t'ixtë wi'ix yë mtsojkën mja'awën xyaj'ixyën ma mwa'atsja'aytyëjkën, jää nëjkx tukxi'iky ja ëxëëkja'aytyëjkëty wyë'ëmtë. Jääpëk jeexyë ja mtsip m'äkë yajkëxëtë.

Proverbios 29:12

Ko tu'uk yajkutujkpë yë'ë tmëpëky mëti'ipë antakpën, ja tyuunpëtëjk aakjëtu'un y'awinpijta'atë, ka'ap oytyuntë.

1 Samuel 6:9

Je'eyëp tëy ko yajxon xytyim'ixtëty pën jamtsow nyijkxy Bet-semes ma të tsyoonyën ma tnaax'aty tkajpn'atyën. Yë'ë yajtujknijawëp ko janty Dios ënety o'ktëy xyajjajt xyajkëpäjtëm mëti'ipë y'ëwtajtëpën yë Israel ja'ayëty. E pën kajts jamtsow nyijkxy jää näjyëtu'un ntuknija'awëmëty ko ka'ap yë'ëjëty, tim pa'amën ënety jëtu'un të tyimmiimpë.

2 Reyes 1:10

Tä ja Elías y'ëtsooy: Pën ëjts käjpxynyajxpë, wä'än jëën tsoony jam tsajpjotm ets wä'än myajnitoyë mëët niwëxtyikxymyajk yë mtuunpë. Tä poj'am ja jëën jam kyutëjkëy tsajpjotm ets yajnitooyëtë.

2 Reyes 1:12

Tä ja Elías y'ëtsoowinpijty: Pën ëjts käjpxynyajxpë, wä'än tu'uk yë jëën jam tsoony tsajpwinm ets mijts mnino'okëtëty mëët niwëxtyikxymyajk ja mtuunpë. Ets ënätyë ja jëën jyänty kyëtäky ets tyajnitooytyääy.